Gaitun sendagarria (Sanguisorba officinalis) Rosaceae familiako landarea da, Ipar Hemisferioko eskualde epeletan bizi dena. Sendabelar ezaguna da.[1]Iberiar Penintsulan mendiko belardietan bizi da.
Landare iraunkorra da. Oinarritik ateratzen zaizkion hostoek lobulu bakoitiak dituzte, ardatz batean txertatzen direnak. Hostoen ertzak horzkaturik daude eta batzuetan gorriak izan daitezke[2].
Landareak 15 cm eta 2 metro arteko altuera har dezake. Lore gorrildol ilunezko glomeruluak osatzen ditu zurtoin luzeen puntan[2].
Sustraiak beltzak dira kanpotik eta arroxak barrutik[2].
Sangisorgbina, taninoak, goma eta gatz mineralak ditu, ondorioz sendabelar gisa erabiltzen da. Diuretikoa, antipireptikoa, astringentea, tonikoa... da.
Txinatar medikuntza tradizionalean asko erabili izan da odola hozteko, odoljarioa eteteko eta zauriak orbaintzeko. Di Yu izena ematen diote.
