Guānxi

Guānxi (txinera tradizionalez: 關係; txinera sinplifikatuz: 关系; pinyinez: guānxi) Txinako kulturaren kontzeptu nagusietako bat da, azken finean, kontaktu-sarean edo norbanakoen influentzietan oinarritutako dinamika bat dena. Mendebaldeko hedabideetan, geroz eta gehiago erabiltzen dituzte pinyinezko hitz hau bere ohiko itzulpenak—"kontaktu" edo "harreman"— baino; izan ere, itzulpenek ez dute guānxi hitzak dituen ondorio kultura zabalak.^[1]

Guānxi doktrina konfuzianistan paradigma nagusietako bat da, izan ere, konfuzianismoan gizabanakoa komunitate, familia eta lagunarteko eta hierarkia-harremanen zati bat besterik ez da. Bereziki, elkarrenganako harremanak guānxiren oinarriak dira.^[2]

Guānxik eragin handia du Txina kontinentaleko eta hego-ekialdeko Asian txinatarrek egiten dituzten negozioetan.^[3] Txinan ohikoa da arazo bat konpontzeko guānxi erabiltzea. Horri bertan guānxi ona izatea -méi (yǒu) guānxi (沒(有)關係 / 没(有)关系)- diote, Euskal Herrian 'ukondoa izatea' esango dugunean. Hala ere, hedabideetan, guānxin oinarritutako harremanak eginkizun zibikoak gailentzen dituztenean, nepotismoz hitz egiten dute.^[4][5]