Gymnopilus sapineus
Gymnopilus sapineus Strophariaceae familiako onddo espezie bat da.[1] Janezina da, oso zapore mikatza du. Toxikoa ere izan daiteke.
| Gymnopilus sapineus | ||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||||||||||
| Sailkapen zientifikoa | ||||||||||||||||||||||||||||
| Erreinua | Fungi | |||||||||||||||||||||||||||
| Klasea | Agaricomycetes | |||||||||||||||||||||||||||
| Ordena | Agaricales | |||||||||||||||||||||||||||
| Familia | Strophariaceae | |||||||||||||||||||||||||||
| Generoa | Gymnopilus | |||||||||||||||||||||||||||
| Espeziea | Gymnopilus sapineus Murrill, 1912 | |||||||||||||||||||||||||||
| Mikologia | ||||||||||||||||||||||||||||
| ||||||||||||||||||||||||||||
Sinonimoak: Flammula sapinea, Agaricus sapineus, Fulvidula sapinea, Agaricus penetrans, Naucoria penetrans.
Deskribapena
Kapela: Ganbiletik lau-ganbilera, neurri txikikoa, 2 eta 6 cm bitarteko diametrokoa, ertz inkurbatua gaztetan. Kapelaren azala ezkatatsua, feltroduna, leuna, lehorra, horixkatik marroi-gorrixkara doan kolorekoa, ertzak baino, erdigunea ilunagoa.
Orriak: Adnatuak, estu, hasieran zuri-horixka kolorekoak zahartzean marroi-herdoil kolorekoa orbanekin.
Hanka: 3 eta 7 cm bitarteko garaierakoa, mehea, fibrilosoa, leuna edo tomentu fin batekin, kapela baino lehenago pixka bat zurbilagoa, zahartzean marroira biratzen joaten da behetik gora. Errezel partzial oso hauskorra, laster desagertu egiten da. Oinarriko mizelioa zuri-horixka kolorekoa da.
Haragia: Zuri-hori kolorekoa. Usaingabea edo usain arin atseginekoa, zapore mikatzekoa. KOH erreaktiboarekin belztu egiten da kapela. Espora-jalkina marroi-laranja kolorekoa.[2]
Etimologia: Gymnopilus hitza "gymn" aurrizkitik dator, biluzia esan nahi du eta "polis" atzizkiak, txapela esan nahi du. Kapela biluzik edo burusoilik. Sapineus epitetoa, izei edo izei perretxikoak, esan nahi duen "sapíneus/sappinus" hitzetik dator. Hazkuntzari egiten dio erreferentzia.
Jangarritasuna
Interes gastronomikorik gabea.[3]
Nahasketa arriskua
Gymnopilus penetrans, oso antzekoa da, honen kapela leuna da, ezkata gabea.
Sasoia eta lekua
Udan eta udazkenean. Saprofitoa, eroritako pinuen egurretan. Bakartia edo talde txikitan.[4]
Banaketa eremua
Ipar Amerika, Guatemala, Honduras, Guadalupe, Argentina, Txile, Hegoafrika, Kongoko Errepublika Demokratikoa, Australia, Zeelanda Berria, Malaysia (Borneo), Europa, kanariar uharteak, Errusia, Hego Korea, Taiwan.[5]
Erreferentziak
Kanpo estekak
Datuak: Q5624977
Multimedia: Gymnopilus sapineus / Q5624977
Espezieak: Gymnopilus sapineus
