Pasteur pipeta
Pasteur pipeta tantakari baten antzeko tresna bat da, laborategian erabiltzen dena. Likido kopuru txikiak transferitzeko erabiltzen da. Louis Pasteur zientzilari frantziarrak asmatu zuen, hortik datorkio izena[1].
Deskribapena
Tresna oso sinplea da. Plastikozko hodi luze fin bat da eta muturrean gomazko edo latexko estalki borobil luzatu bat du. Laborategiko gainerako tresnek ez bezala Pasteur pipetan ez da harturiko likidoaren bolumenik neurtzen, horregatik bolumenaren zehaztasun handirik behar ez duten likidoak transferitzeko erabiltzen da. Badira gomazko estalkirik gabeko Pasteur pipetak ere, kasu horretan hodiaren muturrak itxura borobiltsua du.
Erabilera
Gomazko estalkia zanpatzean airea ateratzen da. Pipeta orduan transferitu nahi den likidoan murgiltzen da eta estalkiaren zanpadura kentzean likidoa xurgatzen du. Jasotako likidoa askatzeko berriz zanpatu behar da gomazko estalkia.
Erreferentziak
Kanpo estekak
Datuak: Q574531
Multimedia: Laboratory glassware / Q574531
