Pluteus salicinus
Pluteus salicinus Pluteaceae familiako onddo espezie bat da.[1] Pluteus eta Volvariella guztiak, lurrean hazten badira, jateko onak dira, baina lignikola gisa hazten badira, kalitate apalekoak dira. Psilozibina edo psilozina pixka bat izan dezakete.
Pluteus salicinus | ||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Sailkapen zientifikoa | ||||||||||||||||||||||||||||
Erreinua | Fungi | |||||||||||||||||||||||||||
Klasea | Agaricomycetes | |||||||||||||||||||||||||||
Ordena | Agaricales | |||||||||||||||||||||||||||
Familia | Pluteaceae | |||||||||||||||||||||||||||
Generoa | Pluteus | |||||||||||||||||||||||||||
Espeziea | Pluteus salicinus P.Kumm., 1871 | |||||||||||||||||||||||||||
Mikologia | ||||||||||||||||||||||||||||
|
Deskribapena
Kapela: 3 eta 8 cm bitarteko diametrokoa, hasieran ganbila, gero zabaldu egiten da, kolore berdexka du, gris marroiarekin nahastua, erdigune ilunagoarekin, arre kolorekoa ia beltza. Gainazal lubrifikatua izaten du eguraldi hezearekin, zuntz txiki arrexkaz marratua, batez ere erdian.
Orriak: Libreak, estu samar, hasieran zurixkak, gero arrosak eta azkenean arrosa-herdoil kolorekoak.
Orri libreak: oinera hurbiltzen diren orriak, baina ukitzen ez diotenak.
Hanka: 4 eta 9 cm bitarteko garaierakoa eta 0,5 eta 1,2 cm bitarteko lodierakoa; zuria, gris-berdexka koloreko zuntz txiki laburrez marratua.
Haragia: Mehea, zuria, zehaztugabeko usain eta zaporekoa.[2]
Etimologia: Pluteus terminoa latinetik dator, hots,"pluteus" hitzetik, hau da, antzinako setio-makinatik. Zabaldutako kapela konikoaren formagatik
Jangarritasuna
Jangarria, baina sukaldaritzan balio gutxikoa.[3]
Nahasketa arriskua
Pluteus hau erraz identifikatzen da, erdialde oso iluna duen gris-berdexka koloreko kapela duelako, eta kapelaren periferiaren erdigunetik ateratzen diren zuntz txiki arrexkengatik.[4]
Sasoia eta lekua
Udaberrian,udan eta udazkenean. Saprofita da, motzondoetan edo hostogalkorren zurean: sahatsetan, makaletan, zurzurietan, haritzetan, hezetasuna duten ibaiertzetako zuhaitzetan, zur gogorretan.[5]
Banaketa eremua
Europa, Errusia, Japonia, Ipar Amerika, Hawaii, Kanariak, Hegoafrika, Mozambike, Himalaiako eremua.