Stephania Haralabidis
Stephania Haralabidis, grezieraz Στεφανία Χαραλαμπίδη (Atenas, Grezia, 1995eko maiatzaren 19a) Grezian jaiotako waterpolo jokalari estatubatuarra da; gaur egun, NC Vouliagmeni eta AEBko selekzioan jokatzen du[1].
Stephania Haralabidis | |
---|---|
Bizitza | |
Jaiotza | Atenas, 1995eko maiatzaren 19a (29 urte) |
Herrialdea | Grezia Ameriketako Estatu Batuak |
Hezkuntza | |
Heziketa | Hegoaldeko Kaliforniako Unibertsitatea Corona del Mar High School (en) |
Jarduerak | |
Jarduerak | waterpolo jokalaria eta igerilaria |
Parte-hartzailea | |
Altuera | 180 zentimetro |
Unibertsitateko karrera
Haralabidis Kaliforniako Hegoaldeko Unibertsitatera joan zen, eta, 2014tik 2017ra, emakumezkoen waterpolo taldean jokatu zuen[2]. 2016an, NCAA txapelketara zuzendu zuen taldea[3].
Peter J. Cutino saria irabazi zuen[4]. Urteko Jokalari Nazional eta Urteko MPSF Jokalari izendatu zuten[5]. Lehen Taldeko All-American eta All-MPSF Lehen Talderako izendatua izan zen. NCAA Txapelketako MVP (Jokalaririk baliotsuena) izendatuko dute NCAA Txapelketako jokoan bost gol sartu ostean, segundo gutxi falta zirela joko-irabazlea barne[6].
Nazioarteko ibilbidea
Haralabidis jubenil eta senior selekzioetan lehiatu izan da Greziarekin. Urrezko domina irabazi zuen 2011ko Europako Junior Txapelketan, Madrilen, Espainia. Beste urre bat irabazi zuen 2012ko Gazteen Munduko Txapelketan, Perth-en, Australia[7]. Urrezko domina irabazi zuen 2014ko 19 urtez azpiko Europako Txapelketan, Ostian, Italia. Brontzezko domina ere irabaziko zuen senior taldearekin, 2012ko FINA Munduko Ligan, Changshu-n, Txina[8].
2017az geroztik, AEBko selekzioa ordezkatzen du 2018ko FINA World League-n[9], urrezko domina irabaziz Kunshan-en, Txina; eta beste urre bat 2018ko FINA Munduko Kopan[10] Surgut-en, Errusia.
Bizitza pertsonala
Haralabidis bi ahizpa ditu, bere bikia den Ioanna[11] eta ahizpa nagusia Anastasia. Haralabidis Corona Del Mar Lizeoan ikasi zuen[12].
Olinpiar Jokoak
2020ko Udako Olinpiar Jokoetan, Tokio 2020an (Tokio), berriro, urrezko domina irabaziko du AEBko taldearekin, Espainiako (zilarrezkoa) eta Hungariakoaren (brontzezkoa) aurretik sailkatuz. Hauek osatuko dute AEBko taldea: Rachel Fattal, Aria Fischer, Makenzie Fischer, Kaleigh Gilchrist, Stephania Haralabidis, Paige Hauschild, Ashleigh Johnson, Amanda Longan, Maddie Musselman, Jamie Neushul, Melissa Seidemann, Maggie Steffens eta Alys Williams-ek[13][14].
Udako Olinpiar Jokoetako emaitzak
Udako Olinpiar Jokoak | |||
---|---|---|---|
Urtea | Lekua | Domina | Proba |
2020 | Tokio Japonia | Waterpoloa emakumezkoa[15]. |
Gainerako lorpenak
Munduko Igeriketa Txapelketa | |||
---|---|---|---|
Urtea | Lekua | Domina | Proba |
2019 | Gwangju Hego Korea | Waterpoloa | |
Joko Panamerikarrak | |||
2019 | Lima Peru | Waterpoloa |