Geert Wilders

Polaiteoir agus pobalóir de chuid na hÍsiltíre, i bhfad amach ar an eite deise, is ea Geert Wilders (a rugadh ar 6 Meán Fómhair 1963). Is Eoraisceipteach é Wilders atá i gcoinne na hinimirce agus nach gcreideann san athrú aeráide ach oiread.^[1] Bhunaigh sé an PVV^[2], 'Páirtí ar son na Saoirse' nó 'Party for Freedom', san Ísiltír in 2006, páirtí frith-inimirce, Ioslamafóibeach agus frith-Eorpach.^[3]

Geert Wilders

(2014)
Beathaisnéis
Breith	6 Meán Fómhair 1963 60 bliana d'aois Venlo, An Ísiltír
Member of the House of Representatives of the Netherlands (en)
22 Samhain 2006 – Toghadh i: 2006 Dutch general election (en)
Member of the House of Representatives of the Netherlands (en)
2 Meán Fómhair 2004 – 21 Samhain 2006
Member of the House of Representatives of the Netherlands (en)
26 Iúil 2002 – 1 Meán Fómhair 2004
Member of the House of Representatives of the Netherlands (en)
25 Lúnasa 1998 – 22 Bealtaine 2002
Municipal councillor of Utrecht (en)
Ina hionadaí do: Páirtí an Phobail ar son na Saoirse agus an Daonlathais 1997 – 1998
Faisnéis phearsanta
Ainm cleite	Scarlet Pimpernel
Scoil a d'fhreastail sé/sí	Open University of the Netherlands (en)
Áit chónaithe	An Háig
Teanga dhúchais	an Ollainnis
Gníomhaíocht
Suíomh oibre	An Háig
Gairm	polaiteoir, scríbhneoir scripte, stiúrthóir scannán
Ball de pháirtí polaitíochta	Party for Freedom (en) (2006–) Páirtí an Phobail ar son na Saoirse agus an Daonlathais (–2004)
Teangacha	An Ollainnis
Teaghlach
Céile	Krisztina Wilders (1992–)
Athair	Johannes Henricus Andreas Wilders (en)   agus Maria Anne Ording (en)
Siblín	Paul Wilders
Suíomh gréasáin	geertwilders.nl

Tá stíl ghruaige ar leith ar Wilders agus tugtar "fear na gruaige buí" air uaireanta, lena ghruaig leathfhada, daite fionn le sárocsaíd.^[4]

Tionchar

Ó 2006 ar aghaidh, bhí tionchar as cuimse ag Wilders agus a Pháirtí ar son na Saoirse ar pholaitíocht na hÍsiltíre.^[5] Ar fhaitíos go gcaillfidís vótóirí a rachadh le gluaiseacht Wilders, bhog páirtithe na heite deise níos faide ar dheis, agus bhog páirtithe na heite clé i dtreo an láir. Páirtí "nuachoimeádach" an iar-phríomhaire Mark Rutte (idir 2010 agus 2023, ó am go ham), an VVD ba mhó a bhog i dtreo Wilders.^[5]

Sa bhliain 2017, níor éirigh le Wilders an bua a fháil san olltoghchán.^[5]

Ar 21 Samhain 2023, bhí bua mór ag PVV Geert Wilders san olltoghchán. Bhí ríméad ar pholaiteoirí na heite deise ar fud na hEorpa tar éis an olltoghcháin, agus an -tathrú mór i saol na polaitíochta san Ísiltír, dar leo. Chuir polaiteoirí ar nós Viktor Orban san Ungáir agus Marine Le Pen sa Fhrainc fáilte is fiche roimh na torthaí.^[1] Ach bhí an-imní ar ghrúpaí Ioslamacha sa tír mar gheall ar an Ioslamafóibe a léirigh Wilders le roinnt blianta anuas. Agus 37 as 150 suíochán ag pháirtí Wilders, is ar éigean go n-éireoidh leis an PVV agus páirtithe na heite deise agus an láir comhrialtas a chur le chéile eatarthu féin.^[6] Bhí sé ráite ag ceannairí fhormhór mór na bpáirtithe eile nach go rachaidh siad i gcomhrialtas leis.