Aeroporto Ninoy Aquino

O aeroporto internacional Ninoy Aquino (IATA: MNL, OACI: RPLL), anteriormente coñecido como aeroporto internacional de Manila, é o aeroporto que serve a Manila e á súa área metropolitana. Está situado ao longo dos límites entre as cidades de Pasay e Parañaque, a uns 7 quilómetros ao sur da propia Manila. O aeroporto é a principal porta de entrada para pasaxeiros internacionais a Filipinas e serve como contro de conexións para AirAsia Philippines, Cebgo, Cebu Pacific, PAL Express e Philippine Airlines. Está operado por Manila International Airport Authority (MIAA), un departamento do Departamento de Transporte do goberno filipino.^[2]

Aeroporto Ninoy Aquino Paliparang Pandaigdig ng Ninoy Aquino
IATA: MNL – ICAO: RPLL
Sumario
Tipo		público/militar
Propietario		Goberno de Filipinas
Operador		Manila International Airport Authority
Cidade/Illa		Manila
Localización		Pasay e Parañaque
Elevación (msnm)		23 metros / 75 pés
Coordenadas		121°01′10″L / 14.508611, 121.019444
Web		http://www.miaa.gov.ph/
Pista(s)
Dirección	Longo		Superficie
	metros	pés
06/24	3 737	12 261	asfalto
13/31	2 258	7 408	asfalto
Estatísticas (2016)
Pasaxeiros			39 516 782[1]

Oficialmente é o único aeroporto que serve a área de Manila. Porén, na práctica, tanto o Ninoy Aquino como o aeroporto de Clark, situado na Zona do Porto libre de Clark en Pampanga serven a zona de Manila, sendo Clark usado principalmente por aeroliñas de baixo custo polas súas taxas máis baixas. En tempos recentes houbo peticións para que Clark substituíse a Ninoy Aquino como principal aeroporto de Filipinas.^[3] Foi bautizado na honra do senador Benigno "Ninoy" Aquino, Jr., asasinado no aeroporto no ano 1983.