Eduardo Gutiérrez
Eduardo Gutiérrez Fernández, nado en Ribadeo o 3 de febreiro de 1948, é un político e ensaísta galego.
  | |
| Biografía | |
|---|---|
| Nacemento | 3 de febreiro de 1948 (76 anos) Ribadeo, España |
 Alcalde de Ribadeo | |
| | |
| Datos persoais | |
| País de nacionalidade | España |
| Actividade | |
| Ocupación | político |
| Partido político | Bloque Nacionalista Galego |
| Lingua | Lingua castelá e lingua galega |
 | |
Traxectoria
Cultural
Fundou e presidiu a Agrupación Cultural Francisco Lanza[1].
Política
Profesor de historia e historiador, militante do BNG, foi concelleiro en Ribadeo dende 1983. Foi ademais alcalde entre 1987 e 1995, realizándose durante o seu mandato a piscina municipal ou a restauración do Forte de San Damián. Despois de ser deputado provincial (1995-1997) e deputado no Parlamento de Galicia pola circunscrición de Lugo (1997[2]-2001[3], rematando no 2005) sempre polo BNG. A raíz da sucesión de Xosé Manuel Beiras Torrado por Anxo Quintana na cabeza do BNG, abandonou esta formación. En 2010 anunciou a súa candidatura á alcaldía de Ribadeo encabezando a lista do PSdeG-PSOE[4], sendo concelleiro por dita formación en 2011-2015.
O 30 de maio de 2016 o pleno extraordinario do concello concedeulle por unanimidade o título de cronista oficial de Ribadeo, recibido en acto celebrado o 23 de xullo[5]. É autor dos textos ilustrativos das placas de Sargadelos no rueiro ribadense.[6] Asemade, ten publicado ducias de artigos en prensa, en particular en La Comarca del Eo.
Obras publicadas
Ensaio
- A lingua é o noso escudo, 1978, Escola Aberta.
- Introducción ao Sempre en Galiza, 1986, Ediciós do Castro.
- Alexandre Bóveda en A Nosa Terra, 1988, Asociación Cultural Alexandre Bóveda. 2ª edición publicada en Laiovento no 2003.
- Do vello Ribadeo, 2005, Agrupación Cultural Francisco Lanza, Ribadeo.
- A muralla de Ribadeo e outras historias, 2019.[7]
Edicións
- Falan os de Ribadeo, de Francisco Lanza Álvarez, 1974, Ediciós do Castro.
Obras colectivas
- Os escritores lucenses arredor de Ánxel Fole, 1986, Concello de Lugo.
- 12 anos na búsqueda da nosa identidade, 1990, Asociación Cultural Xermolos.
Premios
- Premio de Ensaio da Asociación Cultural Alexandre Bóveda no 1987, por Alexandre Bóveda en A Nosa Terra.
Notas
Véxase tamén
Outros artigos
Ligazóns externas
- Discursos de concesión e de aceptación do título de cronista oficial
- Biografía e cita dunha das súas publicacións
- Eduardo Gutiérrez na páxina web da Asociación de Escritoras e Escritores en Lingua Galega.
| Predecesor: José Luis Trashorras Méndez |  alcalde de Ribadeo 1987 - 1995 | Sucesor: José Carlos Rodríguez Andina |