Geraldo Rivera
Geraldo Rivera, nado como Gerald Michael Riviera en Nova York o 4 de xullo de 1943,[1][2] é un presentador estadounidense de talk shows, xornalista e escritor. Foi o presentador do programa Geraldo entre 1987 e 1998. Rivera presentou os programa Geraldo at Large e Geraldo Rivera Reports e aparece regularmente en programas de Fox News como The Five.
Biografía | |
---|---|
Nacemento | (en) Gerald Michael Rivera 4 de xullo de 1943 (80 anos) Brooklyn, Estados Unidos de América |
Datos persoais | |
Residencia | Shaker Heights |
País de nacionalidade | Estados Unidos de América |
Educación | State University of New York Maritime College (en) Universidade de Pensilvania Columbia University Graduate School of Journalism Brooklyn Law School (en) - Juris Doctor Universidade do Arizona (pt) - graduado en ciencias West Babylon High School (en) |
Actividade | |
Ocupación | xornalista , escritor , avogado , presentador de televisión , locutor de radio |
Período de actividade | 1970 - |
Partido político | Partido Republicano |
Familia | |
Cónxuxe | valor descoñecido (2003–) valor descoñecido (1987–2000), divorcio valor descoñecido (1976–1984), divorcio Edith Vonnegut (1971–1975), divorcio valor descoñecido (1965–1969), divorcio |
Irmáns | Craig Rivera (pt) |
Premios
| |
Páxina web | geraldo.com |
|
Traxectoria
Primeiros anos
Rivera naceu no Beth Israel Medical Center de Nova York, fillo de Lillian (de solteira Friedman; 16 de outubro de 1919 – 3 de xuño de 2018) e Cruz "Allen" Rivera (1 de outubro de 1915 – novembro de 1987), traballadora nun restaurante e taxista, respectivamente.[3][4] O pai de Rivera era un católico portorriqueño,[5] e a súa nai era de ascendencia rusa xudía. Foi criado "principalmente como xudeu" e tivo cerimonia de Bar Mitzvah.[6][7] Creceu en Brooklyn e West Babylon, Nova York, onde asistiu ao West Babylon High School. A familia de Rivera foi en ocasións obxecto de prexuízos e racismo, e a súa nai adoptou a grafía do seu apelido como "Riviera" para evitar a intolerancia (só a súa irmá Sharon tivo o apelido sen modificar a grafía.).[8][9]
Carreira
Rivera foi contratado por WABC-TV en 1970 como reporteiro para Eyewitness News. En 1972, recibiu atención nacional e gañou un premio Peabody[10] pola súa reportaxe sobre a neglixencia e o abuso sobre pacientes con discapacidade intelectual na Willowbrook State School de Staten Island, e comezou a aparecer en programas nacionais da ABC como 20/20 e Nightline nas súas estreas en 1978 e 1979 respectivamente. Despois de que John Lennon vise a reportaxe de Rivera sobre Willowbrook, el e Rivera organizaron un concerto benéfico chamado "One to One" o 30 de agosto de 1972, no Madison Square Garden de Nova York, que Yoko Ono estreou postumamente en 1986, como Live in New York City.Entre 1994 e 2001, Rivera presentou Rivera Live, un programa de tarde de novas e entrevistas na CNBC que se emitía durante a semana.[11]
Rivera deixou a CNBC en novembro de 2001, dous meses despois dos atentados do 11 de setembro de 2001 para converterse en correspondente de guerra de Fox News. O seu irmán Craig acompañouno como cámara en Afganistán. En 2001, durante a guerra de Afganistán, Rivera foi ridiculizado por unha información en que afirmaba que estaba no lugar dun incidente por fogo amigo; despois revelouse que realmente estaba a 300 millas de distancia. Rivera culpou a un malentendido pola discrepancia.[12]
Vida persoal
Rivera casou cinco veces:
- Linda Coblentz (1965–1969, divorciados)
- Edith Vonnegut (14 de decembro de 1971 – 1975, divorciados)
- Sherryl Raymond (31 de decembro de 1976 – 1984, divorciados)
fillo: Gabriel Miguel (nado en xullo de 1979)[13][14] - C.C. (Cynthia Cruickshank) Dyer (11 de xullo de 1987 – 2000, divorciados)
fillas: Isabella Holmes (nada en 1992)[15] e Simone Cruickshank (nada 1994). Seis intentos de ter fillos mediante inseminación artificial acabaron en aborto[16] - Erica Michelle Levy (dende agosto de 2003)
filla: Sol Liliana (nada en 2005)[17]
Rivera admitiu que tivo unha relación durante varios anos ata 1985 con Marian Javits, esposa do senador por Nova York Jacob K. Javits.[18]
Política
Rivera é republicano,[19] e considerou en presentarse na elección especial de New Jersey de 2013 para ocupar o asento deixado vacante no Senado trala morte de Frank Lautenberg.[20] Finalmente decidiu non presentarse á elección.
Notas
Véxase tamén
Ligazóns externas
- Páxina oficial* "Geraldo Rivera Official Statement Regarding Embedment Controversy", 4 abril 2003 en Wayback Machine (archived 17 de xuño de 2019) – Rivera tells the story of his Iraq "Map in the Sand"
- "Pentagon Says Geraldo Rivera Will Be Removed From Iraq" – The New York Times, 1 de abril de 2003
- Geraldo Rivera's Influence on the Satanic Ritual Abuse and Recovered Memory Hoaxes Arquivado 06 de xaneiro de 2012 en Wayback Machine. – from religioustolerance.org
- Urban Legend about Geraldo Rivera's name being changed from Jerry Rivers – from snopes.com