Mairead Maguire
Mairead Maguire, tamén coñecida como Mairead Corrigan Maguire e anteriormente como Mairéad Corrigan, nada en Belfast o 27 de xaneiro de 1944, é unha activista pola paz norteirlandesa, cofundadora xunto con Betty Williams e Ciaran McKeown, de Women for Peace ("Mulleres pola paz"), máis tarde coñecida como Community for Peace People, organización dedicada a promover unha solución pacífica ao conflito de Irlanda do Norte.[1] Maguire e Williams recibiron o premio Nobel da Paz en 1976.[2]
  | |
| Nome orixinal | (en) Mairead Corrigan |
|---|---|
| Biografía | |
| Nacemento | 27 de xaneiro de 1944 (80 anos) Belfast, Reino Unido |
| Datos persoais | |
| País de nacionalidade | Reino Unido |
| Relixión | Igrexa católica |
| Educación | Trinity College Dublín |
| Actividade | |
| Ocupación | activista pola paz , política |
| Membro de | |
| Lingua | Lingua inglesa |
| Participou en | |
| 4 de xaneiro de 2021 | Dialogue for Catalonia (en)  |
Premios
| |
 | |
Traxectoria
Mairéad Corrigan naceu no seo dunha familia católica de Belfast, segunda de oito fillos (cinco irmás e dous irmáns). Os seus pais eran Andrew e Margaret Corrigan.[3][4][5] Cursou estudos primarios en colexios católicos e aos 21 anos comezou a traballar como secretaria na cervexaría Guinness, onde permaneceu ata decembro de 1976.[6][7][8][9] Corrigan iniciou o seu activismo a favor da paz cando os tres fillos da súa irmá, Anne Maguire, morreron o 10 de agosto de 1976 atropelados polo coche de Danny Lennon, un fuxitivo do Provisional Irish Republican Army, que fora abatido polas tropas británicas.[10]
Betty Williams, antiga membro do IRA, foi testemuña do accidente e iniciou a procura de 6000 sinaturas pedindo unha solución pacífica ao conflito armado norteirlandés.[11] Corrigan uniuse ao traballo de Williams, fundando o movemento Mulleres pola Paz, que posteriormente se transformou no Movemento pola Paz de Irlanda do Norte. Ambas conseguiron reunir nas rúas da cidade de Belfast máis de 35 000 persoas pedindo unha solución pacífica ao conflito, logrando reunir tanto católicos como protestantes.[12]
En 1976 Betty Williams e Mairead Corrigan foron recompensadas co Premio Nobel da Paz "polas súas loitas pacíficas no proceso de Irlanda do Norte mediante a fundación do Movemento pola Paz de Irlanda do Norte".
En setembro de 1981 casou co seu cuñado Jackie Maguire, viúvo da súa irmá Anne Maguire,[13] que se suicidara o ano anterior sen poder recuperarse nunca da morte dos seus fillos.[14][15][16] Dende entón continúa a traballar para conseguir o final do conflito armado norteirlandés, mais tamén dos demais conflitos armados que afectan ao mundo viaxando arredor do planeta e dando a coñecer os diversos conflitos.
O 30 de xuño de 2009, Corrigan partiu cara á franxa de Gaza no cargueiro Spirit of Humanity xunto con outros 21 activistas en prol dos dereitos humanos. O cargueiro foi interceptado pola mariña de Israel, sendo todos os activistas detidos e levados a prisións diferentes, en pequenas celas e incomunicados.
É membro do comité de honor da coordinación internacional para o decenio da non violencia e a paz.
Notas
Véxase tamén
Bibliografía
- Abrams, Irwin (2001). The Nobel Peace Prize and the Laureates: An illustrated biographical history 1901–2001. USA: Science History Publications. ISBN 0881353884.
- Abrams, Irwin; Wang, Gungwu, eds. (2003). The Iraq War and Its Consequences. Singapore: World Scientific. ISBN 9812385908.
- Buscher, Sarah & Ling, Bettina (1999). Máiread Corrigan and Betty Williams: Making Peace in Northern Ireland. New York: The Feminist Press. p. 32. ISBN 1558612009. Consultado o 22 de marzo de 2011.
- Fairmichael, Rob (1987). "The Peace People Experience" (PDF). Irish Network for Nonviolent Action, Training and Education.
Ligazóns externas
- Peace People
- Mairead Corrigan Maguire Peace People
- International Fellowship of Reconciliation Arquivado 17 de decembro de 2014 en Wayback Machine.
- Nobel Peace Prize Laureate Mairead Corrigan Peace Heroes
- Mairead Corrigan – Curriculum Vitae Nobel Prize
- Irish Nobel Prize winners The Best Question
- Nobel Women's Initiative