Reno

O reno^[3] (Rangifer tarandus), tamén chamado caribú (Rangifer tarandus ssp. caribou) en América do Norte, é un cervídeo de gran porte, característico das rexións árticas do norte do Canadá, Alasca, Rusia, Escandinavia e Islandia. En 1952 reintroduciuse a especie con éxito en Escocia, onde se extinguira no século X. Hai oito subespecies de reno recoñecidas, que corresponden ás poboacións de diferentes áreas.

Reno Rango fósil: Plistoceno (-620.000)[1] ata Actualidade
Estado de conservación
Pouco preocupante[2]
Clasificación científica
Reino: Animalia Filo: Chordata Clase: Mammalia Orde: Artiodactyla Familia: Cervidae Subfamilia: Capreolinae Xénero: Rangifer C.H. Smith, 1827 Especie: R. tarandus
Nome binomial
'Rangifer tarandus' (Linnaeus, 1758)
Hábitat do reno en Norte América e Eurasia
Subespecies
R. t. buskensis – Rusia e rexións veciñas R. t. caboti** – R. t. caribou – Canadá e USA R. t. granti – Alasca, Iukón R. t. fennicus – Rusia, Finlandia R. t. groenlandicus – Nunavut, NWT, oeste de Groenlandia R. tarandus osborni**– Columbia Británica R. t. pearsoni – Rusia e rexións veciñas R. t. pearyi – Illa de Baffin, Nunavut, NWT R. t. phylarchus – Kamchatka/Okhotsk R. t. platyrhynchus – Svalbard e illas de Nouega R. t. tarandus – Tundra de Eurasia R. t. terraenovae** – Newfoundland R. t. sibiricus – Tundra de Siberia †R. t. dawsoni – †Haida Gwaii †R. t. eogroenlandicus – † leste de Groenlandia
Sinonimia
Caribú en Norte América

O reno presenta dimorfismo sexual, sendo os machos, de ata 300 kg, bastante maiores que as femias. Ambos os sexos teñen galladas, que son máis elaboradas nos machos. A principal fonte de alimentación das renas son liques e herbas rastreiras. Este animais poden, no entanto, comer tamén pequenos paxaros e ovos. O reno ten dentes frontais só no maxilar inferior.

É de grande importancia na economía das poboacións nativas do Ártico como os Inuit e os habitantes de Laponia. Estes pobos domesticaron o reno como fonte de alimento e de peles e animal de tracción. Os renos tamén se cazan nalgúns lugares polos mesmos motivos.

Na cultura popular, a zorra do Papá Noel é tirada por renos.