Selección de fútbol dos Estados Unidos de América

O primeiro partido xogado por unha selección baixo a bandeira estadounidense realizouse contra a selección do Canadá, o 28 de novembro de 1895, en Newark. Con todo, este partido non é recoñecido internacionalmente, e considérase que o primeiro partido oficial foi o que xogou en Estocolmo, ante o combinado Suecia, o 20 de agosto de 1916.

O equipo xogou a semifinal da Copa Mundial de Fútbol de 1930, perdendo 6-1 contra Arxentina e obtendo o terceiro posto. Unha das anécdotas que quedan do devandito equipo estadounidense é que era conformado por cidadáns de múltiples nacionalidades, pertencentes ao exército do país, que estaban a se preparar para a posible guerra que ocorrería anos despois.

Desde a realización do mundial de 1994 no país, a selección de fútbol, logrou que o deporte gañe espazo no país do Béisbol, Fútbol Americano, Baloncesto e Hockey, aínda que cabe destacar que a maioría de xogadores da selección, non militan na MLS (liga estadounidense de fútbol), senón en clubs de Europa, o cal axudou ao desenvolvemento da técnica e táctica do equipo. Como curiosidade, no mesmo mundial 1994, a maioría dos convocados á cita mundial non tiña club onde xogar, xa que só algúns xogaban en Europa até a súa expansión a nivel individual.

O día 24 de xuño de 2009, Estados Unidos logra unha vitoria histórica no marco da Copa FIFA Confederacións 2009, tras vencer nas semifinais 0-2 á selección de España, selección que viña 35 partidos sen coñecer a derrota e 15 partidos gañados consecutivamente. Na final, enfrontáronse á selección do Brasil, no primeiro tempo dese partido, Estados Unidos estaba a dar a sorpresa ao gañar por 2 goles por 0, con todo, no segundo tempo Brasil deulle a volta e acabou gañando por 2-3, con todo, o equipo "das barras e as estrelas" daba a sorpresa ao chegar á final logo de quedar a piques da eliminación na fase de grupos.

Dendo o seu primeiro encontro non oficial ante Canadá, os uniformes consistiron en camisolas brancas con pantalón azul. En 1950, Estados Unidos adoptou un estilo "Perú" poñendo unha franxa diagonal que cruzaba a camisola. Esta barra tense utilizado nos uniformes de 2003, 2004, 2006 así como no uniforme de 2010. Adidas foi o provedor dos uniformes dos Estados Unidos dende 1984 até 1994. Dende 1995, a compañía estadounidense Nike é a que viste á selección.

Copa Mundial de Fútbol

Ano	Fase	Posición	PX	PG	PE	PP	GF	GC
Uruguai 1930	Semifinais	3°	3	2	0	1	7	6
Italia 1934	Primeira fase	16°	1	0	0	1	1	7
Francia 1938	Non clasificado
Brasil 1950	Primeira fase	10°	3	1	0	2	4	8
Suíza 1954	Non clasificado
Suecia 1958
Chile 1962
Inglaterra 1966
México 1970
Alemaña 1974
Arxentina 1978
España 1982
México 1986
Italia 1990	Primeira fase	23°	3	0	0	3	2	8
Estados Unidos 1994	Oitavos de final	14°	4	1	1	2	3	4
Francia 1998	Primeira fase	32°	3	0	0	3	1	5
Corea/Xapón 2002	Cuartos de final	8°	5	2	1	2	7	7
Alemaña 2006	Primeira fase	25°	3	0	1	2	2	6
Suráfrica 2010	Oitavos de final	12°	4	1	2	1	5	5
Brasil 2014	Oitavos de final	15	4	1	1	2	5	6
Rusia 2018	Non clasificado
Total	-	25°	29	7	5	17	32	56

Copa de Ouro

Ano	Fase	Posición	PX	PG	PE	PP	GF	GC
Estados Unidos 1991	Campión	1°	5	4	1	0	10	3
Estados Unidos/México 1993	Subcampión	2°	4	4	0	1	5	5
Estados Unidos 1996	Semifinais	3°	2	2	0	1	5	3
Estados Unidos 1998	Subcampión	2°	4	3	0	1	6	2
Estados Unidos 2000	Cuartos de final	5°	2	2	1	0	6	2
Estados Unidos 2002	Campión	1°	5	4	1	0	9	1
Estados Unidos/México 2003	Semifinais	3°	4	3	0	1	10	2
Estados Unidos 2005	Campión	1°	5	4	2	0	11	3
Estados Unidos 2007	Campión	1°	6	6	0	0	13	3
Estados Unidos 2009	Subcampión	2°	6	4	1	1	12	8
Estados Unidos 2011	Subcampión	2°	6	4	0	2	9	6
Estados Unidos 2013	Campión	1°	6	6	0	0	20	4
Estados Unidos 2015	Semifinais	4°	6	3	2	1	12	5
Estados Unidos 2017	Campión	1°	6	5	1	0	13	4
Total	-	2°	47	32	6	5	80	31

Máximos goleadores da selección

Actualizado a 22 de xullo de 2010.^[1]

Outros artigos

• Federación de Fútbol dos Estados Unidos

Ligazóns externas

• Sitio web oficial de US Soccer
• Arquivo de resultados entre 1885 e 1979
• Arquivo de resultados entre 1980 e 2008