Toy Story 4
Toy Story 4 é un filme estadounidense de 2019 producido por Pixar Animation Studios para Walt Disney Pictures. É o cuarto título da serie Toy Story, sendo a secuela de Toy Story 3 (2010). Foi dirixido por Josh Cooley (no seu debut como director) a partir dun guión de Andrew Stanton e Stephany Folsom; os tres concibiron a historia xunto con John Lasseter, Rashida Jones, Will McCormack, Valerie LaPointe e Martin Hynes.[2] Tom Hanks, Tim Allen, Annie Potts, Joan Cusack, Don Rickles, Wallace Shawn, John Ratzenberger, Estelle Harris, Blake Clark, Bonnie Hunt, Jeff Garlin, Kristen Schaal e Timothy Dalton retoman os papeis que interpretaron nos filmes anteriores. Tony Hale, Keegan-Michael Key, Jordan Peele, Christina Hendricks, Keanu Reeves e Ally Maki poñen as voces dos novos personaxes.
Toy Story 4 | |
---|---|
Logo do filme. | |
Ficha técnica | |
Título orixinal | Toy Story 4 |
Director | Josh Cooley |
Produtor |
|
Guión |
|
Baseado en | Historia orixinal de John Lasseter
|
Intérpretes |
|
Música | Randy Newman[3] |
Fotografía |
|
Montaxe | Axel Geddes |
Estudio | |
Distribuidora | Walt Disney Studios Motion Pictures |
Estrea | El Capitan Theatre: 11 de xuño de 2019 21 de xuño de 2019 |
Duración | 100 minutos[4] |
Orixe | Estados Unidos |
Xénero | Animación |
Orzamento | 200 millóns de dólares[5] |
Recadación | 1 073 millóns de dólares[6][7] |
Filme anterior | Toy Story 3 |
Na rede | |
https://www.pixar.com/toy-story-4 e https://www.disney.co.jp/movie/toy4.html | |
|
O filme segue os eventos de Toy Story 3, co Sheriff Woody, Buzz Lightyear e o seu grupo de xoguetes amigos vivindo con Bonnie. Ó grupo únese Forky, un garfo que Bonnie converteu nun xoguete. O filme está adicado a Rickles e ó animador Adam Burke, que morreron o 6 de abril de 2017 e o 8 de outubro de 2018 respectivamente.[8][9]
Toy Story 4 estreouse o 11 de xuño de 2019 nos Ánxeles, California, e estreouse nos cinemas dos Estados Unidos de América o 21 de xuño de 2019, en RealD 3D, Dolby Cinema e IMAX. Recadou 1 073 millóns de dólares en todo o mundo, converténdose no título con maior recadación da franquía, no oitavo filme con maior recadación de 2019, e no número 30 de tódolos tempos. Recibiu críticas positivas pola súa historia, humor, emoción, banda sonora, animación e interpretacións. Na 92ª edición dos Óscar, foi nomeado á mellor canción orixinal e gañou o Óscar ó mellor filme de animación.[10][11]
Personaxes
- Tom Hanks como Woody
- Tim Allen como Buzz Lightyear
- Annie Potts como Bo Peep
- Tony Hale como Forky
- Keegan-Michael Key como Ducky
- Jordan Peele como Bunny
- Madeleine McGraw como Bonnie
- Christina Hendricks como Gabby Gabby
- Keanu Reeves como Duke Caboom
- Ally Maki como Giggle McDimples
- Jay Hernandez como pai de Bonnie
- Lori Alan como nai de Bonnie
- Joan Cusack como Jessie
- Wallace Shawn como Rex
- John Ratzenberger como Hamm
- Blake Clark como Slinky Dog
- Don Rickles como Mr. Potato Head
- Estelle Harris como Mrs. Potato Head
- Jeff Pidgeon como Aliens
- Bonnie Hunt como Dolly
- Kristen Schaal como Trixie
- Timothy Dalton como Mr. Pricklepants
- Jeff Garlin como Buttercup
- Emily Davis como Billy, Goat e Gruff
- John Morris como Andy
- Jack McGraw como Andy de neno
- Laurie Metcalf como nai de Andy
- June Squibb como Margaret
- Carl Weathers como Combat Carl
- Maliah Bargas-Good como nena perdida
- Juliana Hansen como Miss Wendy
- Steve Purcell como Benson e The Dummies
- Lila Sage Bromley como Harmony
Notas
Véxase tamén
Ligazóns externas
- Toy Story 4 na IMDb (en inglés).
- Ficha en RottenTomatoes (en inglés)