Ալի ալ-Նաիմի

Նաիմին ծնվել է 1935 թվականին Արևելյան պրովինցիայի ար-Ռակահ բնակավայրում^[4]։ 1947 թվականին միացել է Saudi Aramco կազմակերպությանը, որի ծրագրերի շրջանակներում սովորել է Բեյրութի միջազգային քոլեջում և Բեյրութի ամերիկյան համալսարանում^[5]։ Այնուհետև ընդունվել է ԱՄՆ-ի Լիհայ համալսարան։ 1962 թվականին ստանում է երկրագիտության բակալավրի աստիճան^[6][7], այնուհետև Ստենֆորդի համալսարանում ստանում է տնտեսական երկրագիտության և հիդրոլոգիայի մագիստրոսի աստիճան^[6][7]։

Ավարտելուց հետո Նաիմին կրկին միացավ Aramco-ին 1957 թվականին։ 1969 թվականին դարձավ Abqaiq արտադրության բաժնի համակարգողը^[6]։ 1972-1975 թվականներին դարձել է տնօրենի օգնականը, այնուհետև Հյուսիսային պրովինցիայի արտադրական բաժնի ղեկավարը։ 1975 թվականին դարձավ փոխնախագահ՝ արտադրական գծով։ 1978 թվականին նշանակվեց փոխնախագահ՝ նավթամթերքի գծով^[6]։ Ալ-Նաիմին 1980 թվականին ընտրվեց կազմակերպության խորհրդի անդամ և 1981 թվականին զբաղեցրեց նավթի և գազի գծով գործադիր փոխնախագահի պաշտոնը^[6]։ 1983 թվականին նշանակվեց Saudi Aramco-ի նախագահը՝ դառնալով առաջին սաուդյան արաբը, ով զբաղեցրել է այդ պաշտոնը։

1995 թվականի օգոստոսի 2-ին դառնում է նավթամթերքի և հանքային ռեսուրսների նախարարը՝ փոխարինելով Հիշամ Նազերին^[5][6][8]։

2010 թվականի դեկտեմբերին Սաուդյան Արաբիայի Նավթամթերքի գերագույն խորհուրդը՝ ի դեմս Աբդուլլահ արքայի, խնդրեց Նաիմին նշանակել իրեն փոխարինողին՝ նավթի նախարարի պաշտոնում^[9]։

Նաիմին 2008 թվականին Թայմ ամսագրի կողմից ճանաչվել է աշխարհի ամենաազդեցիկ մարդկանցից մեկը^[7]։ 2011 թվականին Բլումբերգ Մարքեթս ամսագրի կողմից ներառվել է 50 ամենաազդեցիկ մարդկանց ցանկում^[10]։