Ալֆրեդ Գոմիս

Ալֆրեդ Գոմիս; Alfred Gomis
	Գոմիսը ՍՊԱԼ-ի կազմում 2017 թվականին
Անձնական տվյալներ
Ամբողջական անուն	Amigo Alfred Junior Gomis
Քաղաքացիությունը	Սենեգալ; Իտալիա
Ծննդյան ամսաթիվ	սեպտեմբերի 5, 1993 (30 տարեկան)
Ծննդավայր	Զիգինշոր (քաղաք), Սենեգալ
Հասակ	196 սմ
Քաշ	83 կգ
Դիրք	դարպասապահ
Ակումբային տեղեկություններ
Ներկա ակումբ	ՍՊԱԼ
Համար	1
Պատանեկան կարիերա
Մասնագիտական կարիերա*
Ազգային հավաքական‡
	* Մասնագիտական կարիերայում ընդգրկված են միայն առաջնության խաղերը և գոլերը ; ըստ սեպտեմբերի 30-ի, 2018:; ‡ Ազգային հավաքականի խաղերն ու գոլերը ըստ սեպտեմբերի 30-ի, 2018

Ալֆրեդ Գոմիս (ֆր.՝ Alfred Gomis, սեպտեմբերի 5, 1993(1993-09-05)^[1]^[2], Զիգինշոր (քաղաք), Սենեգալ), սենեգալցի պրոֆեսիոնալ ֆուտբոլիստ։ Ներկայումս հանդես է գալիս ՍՊԱԼ-ի և Սենեգալի ազգային հավաքականի կազմում։ Խաղում է դարպասապահի դիրքում^[3]։

Ակումբային կարիերա

Տորինո

Գոմիսը Տորինոյի ակադեմիայի սան է^[4]։ 2013 թվականի հուլիսի 3-ին նա վարձավճարով տեղափոխվեց Կրոտոնե^[5]^[6]։ Իր պրոֆեսիոնալ դեբյուտը նշեց օգոստոսի 17-ին՝ Իտալիայի գավաթի Ռեջինայի դեմ խաղում^[7]։ Առաջին հանդիպումը Սերիա B-ում անցկացրեց օգոստոսի 31-ին՝ Չեզենայի դեմ խաղում^[8]։ Կրոտոնեի կազմում Գոմիսը անցկացրեց 41 հանդիպում՝ 11 խաղում պահելով իր դարպասը անառիկ։ 2014 թվականի օգոստոսի 11-ին սենեգալցին վարձավճարով միացավ Ավելինոյին^[9]^[10]։ Իր դեբյուտը ակումբի կազմում նշեց օգոստոսի 17-ին՝ Իտալիայի գավաթի Վենեցիայի դեմ խաղում՝ այս խաղում պահելով իր դարպասը անառիկ^[11]։ Առաջին հանդիպումը առաջնությունում անցկացրեց օգոստոսի 30-ին՝ Պրո Վերչելիի դեմ խաղում^[12]։ Հոկտեմբերի 28-ին՝ Պերուջայի դեմ խաղում նա հետ մղեց Ռոդրիգո Տադեյի 11-մետրանոց հարվածը և այս խաղում գոլ բաց չթողեց^[13]։ Ավելինոյի կազմում Գոմիսը անցկացրեց 33 հանդիպում՝ բաց թողելով 28 գնդակ և 15 խաղում իր դարպասը պահելով անառիկ։

2015 թվականի հուլիսի 30-ին Գոմիսը 1 տարվա վարձավճարով տեղափոխվեց Չեզենա^[14]։ Իր դեբյուտը նշեց սեպտեմբերի 12-ին՝ Վիրտուս Էնտելայի դեմ խաղում^[15]։ Չեզենայի կազմում սենեգալցին անցկացրեց 38 հանդիպում առաջնությունում՝ բաց թողելով 32 գնդակ և 15 խաղում պահելով իր դարպասը անառիկ։ 2016 թվականի օգոստոսի 31-ին Գոմիսը վարձավճարով միացավ Բոլոնյային որպես վնասվածք ստացած Անտոնիո Միրանտեի փոխարինող^[16]^[17], սակայն շուտով նույնպես ստացավ վնասվածք^[18]։ Բոլոնյայի կազմում իր առաջին և միակ^[19] հանդիպումը անցկացրեց դեկտեմբերի 1-ին՝ Իտալիայի գավաթի Վերոնայի դեմ խաղում^[20]^[21]։ 2017 թվականի հունվարին Տորինոն հետ կանչեց Գոմիսի վարձավճարը^[22], և հունվարի 18-ին նա մինչև մրցաշրջանի ավարտը վարձավճարով տեղափոխվեց Սալերնիտանա^[23]։ Իր դեբյուտը նշեց հունվարի 22-ին՝ Սպեցիայի դեմ խաղում^[24]։ Վարձավճարի ընթացքում Գոմիսը անցկացրեց 21 հանդիպում՝ բաց թողելով 17 գնդակ և 11 խաղում իր դարպասը պահելով անառիկ^[19]։

ՍՊԱԼ

2017 թվականի հուլիսի 8-ին Գոմիսը 1 տարվա վարձավճարով միացավ ՍՊԱԼ-ին^[25]^[26]^[27], ապա ակումբը գնեց նրա լրիվ տրանսֆերը։ Իր դեբյուտը նշեց օգոստոսի 12-ին՝ Իտալիայի գավաթի Ռենատեի դեմ խաղում՝ այս խաղում պահելով իր դարպասը անառիկ^[28]։ Առաջին հանդիպումը Սերիա A-ում անցկացրեց օգոստոսի 20-ին՝ Լացիոյի դեմ խաղում^[29]։ Իր առաջին մրցաշրջանում Գոմիսը անցկացրեց 26 հանդիպում առաջնությունում՝ բաց թողելով 43 գնդակ և ընդամենը 4 խաղում պահելով իր դարպասը անառիկ^[30]։

Միջազգային կարիերա

Գոմիսը իրավասու էր ներկայացնել Իտալիան և Սենեգալը միջազգային ասպարեզում^[31]։ 2013 թվականին նա հրավիրվեց Իտալիայի մինչև 20 տարեկանների երիտասարդական հավաքական, սակայն չանցկացրեց ոչ մի հանդիպում^[32]։ Նույն թվականին դարպասապահը հրավիրվեց Իտալիայի B հավաքական, սակայն կրկին ոչ մի խաղում խաղադաշտ դուրս չեկավ։

Այնուամենայնիվ, Գոմիսը ընտրեց Սենեգալը և Սենեգալի ազգային հավաքականում իր դեբյուտը նշեց 2017 թվականի նոյեմբերի 14-ին՝ Հարավաֆրիկյան Հանրապետության դեմ խաղում^[33]։ 2018 թվականի մայիսին Գոմիսը ընդգրկվեց Սենեգալի՝ աշխարհի առաջնության համար վերջնական կազմում^[34]^[35]։ Առաջնությունում նա անցկացրեց 3 հանդիպում^[36], իսկ Սենեգալը դուրս մնաց խմբային փուլից^[37]^[38]՝ «արդար խաղի» միավորներով զիջելով Ճապոնիային^[39]^[40]։

Կարիերայի վիճակագրություն

Ակումբային վիճակագրություն

2018 թվականի սեպտեմբերի 30-ի դրությամբ^[41]

Ակումբ	Մրցաշրջան	Առաջնություն			Գավաթ		Եվրոպա		Այլ		Ընդհանուր
Ակումբ	Մրցաշրջան	Դիվիզիոն	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր
Կրոտոնե (վարձավճար)	2013–14	Սերիա B	39	0	1	0	—		1	0	41	0
Ավելինո (վարձավճար)	2014–15		31	0	2	0			—		33	0
Չեզենա (վարձավճար)	2015–16		38	0	0	0			1	0	39	0
Բոլոնյա (վարձավճար)	2016–17	Սերիա A	0	0	1	0			—		1	0
Սալերնիտանա (վարձավճար)	2016–17	Սերիա B	21	0	0	0					21	0
ՍՊԱԼ	2017–18	Սերիա A	26	0	2	0					28	0
	2018–19	Սերիա A	6	0	1	0					7	0
	Ընդհանուր		32	0	3	0	0	0	0	0	35	0
Կարիերայի ընդհանուր			161	0	7	0	0	0	2	0	170	0

Միջազգային վիճակագրություն

2018 թվականի սեպտեմբերի 30-ի դրությամբ^[41]

Սենեգալ
Տարի	Խաղեր	Գոլեր
2017	1	0
2018	1	0
Ընդհանուր	2	0

Ծանոթագրություններ

Արտաքին հղումներ

Վիքիպահեստն ունի նյութեր, որոնք վերաբերում են «Ալֆրեդ Գոմիս» հոդվածին։

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

[24]

[25]

[26]

[27]

[28]

[29]

[30]

[31]

[32]

[33]

[34]

[35]

[36]

[37]

[38]

[39]

[40]

[41]

Search