Աննա Տոնելլի
Աննա Տոնելլի (իտալ.՝ Anna Tonelli, 1763[1][2][3][…], Ֆլորենցիա, Իտալիա - հուլիսի 22, 1846[4], Ֆլորենցիա, Իտալիա[1])[5], իտալացի դիմանկարիչ, ակտիվ գործունեություն է ծավալել 18-րդ դարի վերջին և 19-րդ դարի սկզբին, հիմնականում` Ֆլորենցիայում և Լոնդոնում։ Նա հաճախ աշխատել է դիմանկարային մանրանկարչության վրա, ջրաներկերով և պաստելներով։
Աննա Տոնելլի | |
---|---|
Ծնվել է | 1763[1][2][3][…] |
Ծննդավայր | Ֆլորենցիա, Իտալիա |
Վախճանվել է | հուլիսի 22, 1846[4] |
Մահվան վայր | Ֆլորենցիա, Իտալիա[1] |
Մասնագիտություն | նկարչուհի |
Ժանր | դիմապատկեր |
Անդամակցություն | Գեղարվեստի ակադեմիա |
Anna Tonelli Վիքիպահեստում |
Կենսագրություն
Աննա Նիսթրին ծնվել է մոտավորապես 1763 թվականին, Ֆլորենցիայում, Իտալիայում[6]։ 1785 թվականին նա ամուսնացել է իտալացի ջութակահար և կոմպոզիտոր Լուիջի Տոնելլի հետ. նրանք ունեցել են երկու երեխա։ Ենթադրվում է, որ նա Ֆլորենցիայում գեղարվեստի դասեր է ստացել Ջուզեպպե Պիատտոյից։
Կարիերայի սկզբում նա նկարել է Հենրի Բլունդելլի և Փովիսի կոմս Էդվարդ Քլիվի դիմանկարները[6]։ 1794 թվականից նա ապրել է Լոնդոնում, որտեղ նկարչություն է ուսուցանել է Քլիվի երեխաներին և ցուցադրվել է Գեղարվեստի թագավորական ակադեմիայում 1794 և 1797 թվականներին[6]։ 1798 թվականից մինչև 1801 թվականը նա ուղեկցել է Քլիվների ընտանիքին Հնդկաստան կատարած ճանապարհորդության ժամանակ, որտեղ նա հիմնականում աշխատել է ջրաներկով։ Դեպի Հնդկաստան ճանապարհորդությունից հետո նա վերադարձել է Իտալիա` իր ընտանիքի հետ լինելու համար։
Նրա աշխատանքները ներառված են հանրային թանգարանների հավաքածուներում, այդ թվում` Բրիտանական թանգարանում[7], Հոլբուրն թանգարանում[8], Արվեստի ազգային պատկերասրահում[9] և այլն։
Ծանոթագրություններ
Վիքիպահեստն ունի նյութեր, որոնք վերաբերում են «Աննա Տոնելլի» հոդվածին։ |