Բռլադ (bɨrˈlad), քաղաք և նույնանուն համայնքի կենտրոն Ռումինիայի արևելյան մասում՝ Ստորին Մոլդովա երկրամասի Վասլույ ժուդեցում (շրջանում), Բռլադ գետի ափին[2]։ Երկաթուղային և ավտոմայրուղային հանգույց է, խաղողագործության և հացահատիկի արտադրության, սննդի, փայտամշակման արդյունաբերության կենտրոն։ Մերձակայքում կան թերթաքարային գազի պաշարներ, սակայն բնակիչները ջանում են թույլ չտալ դրա հանույթը[3]։ Անցյալ դարի իննսունական թվականների սկզբներին քաղաքն ունեցել է շուրջ ութսուն հազար բնակիչ (մոտավորապես քառորդ մասը՝ հրեաներ), սակայն տարեցտարի այդ ցուցանիշը նվազել է[4]։ 2016 թվականի տվյալներով բնակչության թվաքանակը եղել է 72 860[5], 2018 թվականին՝ 71 831[6]։
Հնագիտական պեղումների արդյունքում քաղաքի շրջակայքում հայտնաբերվել են հինհռոմեական զինվորական ճամբարի մնացորդներ։
Բռլադը ռումին Domnitor (հոսպոդար, կառավարիչ) և դիվանագետ Ալեքսանդրու Յոան Կուզայի, ռումինական կոմկուսի նշանավոր ղեկավար Գեորգե Գեորգիու Դեժի ծննդավայրն է։
Բնակչություն
Բնակչության թվաքանակի փոփոխությունները 1912 – 2011 թթ.[7]
|
|---|
| 1912 | 1930 | 1948 | 1956 | 1966 | 1977 | 1992 | 2002 | 2011 |
| 25288 | 26204 | 24035 | 32040 | 41060 | 55937 | 77518 | 69183 | 55837 |
Քույր քաղաքներ
Պատկերասրահ
Ծանոթագրություններ
Գրականություն
- Dicționarul așezărilor urbane din România, Ioan Mărculeț (coord.), Col. Naț. „I. L. Caragiale”, București, 2013.
- Mari personalități ale culturii române într-o istorie a presei bârlădene 1870-2003, Ion Oprea, Tipo Moldova, 2004
Արտաքին հղումներ
Ռումինիա
_B%C3%A2rlad.jpg)
