Դոդոշախոտ Թախտաջյանի
Դոդոշախոտ Թախտաջյանի | |
Դասակարգում | |
Թագավորություն | Բույսեր (Plantae) |
Վերնաբաժին | Բարձրակարգ բույսեր (Embryophyta) |
Տիպ/Բաժին | Անոթավոր բույսեր (Tracheophyta) |
Ենթատիպ | Սերմնավոր բույսեր (Spermatophytes) |
Կարգ | Մեխակածաղկավորներ (Caryophyllales) |
Ընտանիք | Մեխակազգիներ (Caryophyllaceae) |
Ցեղ | Bufonia |
Տեսակ | Դոդոշախոտ Թախտաջյանի (B. takhtajanii) |
Միջազգային անվանում | |
Bufonia takhtajanii Nersesian, 2002 | |
Կարգավիճակ | |
Հատուկ պահպանության կարգավիճակ՝ Կրիտիկական վիճակում գտնվող |
Դոդոշախոտ Թախտաջյանի (լատին․՝ Bufonia takhtajanii), մեխակազգիների ընտանիքին պատկանող ծածկասերմ բույս։ Գրանցված է Հայաստանի Հանրապետության Կարմիր գրքում։
Նկարագրություն
15-30 սմ բարձրության բազմամյա բույս է։ Ունի հաստացած ցողունաարմատ և բարակ, փխրուն ճյուղեր։ Տերևները գծային են, կոշտ։ Պսակաթերթերը բաժակից երկար են, սպիտակ[1]։
Տարածվածություն
Հայտնի է Երևանի ֆլորիստիկական շրջանում (Երախի լեռնաշղթա)[1]։
Էկոլոգիա
Աճում է ստորին լեռնային գոտում՝ ծովի մակարդակից 900-1000 մ բարձրությունների վրա, քարքարոտ գիպսակիր լանջերին, ֆրիգանանման բուսականության մեջ։ Ծաղկում է հուլիս ամսին, պտղաբերում՝ օգոստոսին[1]։
Պահպանություն
Կրիտիկական վիճակում գտնվող տեսակ է, որի տարածման և բնակության շրջանների մակերեսը 10 կմ²-ից պակաս է։ Համարվում է Հայաստանի էնդեմիկ։ Հայտնի է մեկ պոպուլացիա։ Հայաստանի Կարմիր գրքի առաջին հրատարակության մեջ ընդգրկված չէր։ Ընդգրկված չէ նաև CITES–ի և Բեռնի կոնվենցիաների հավելվածներում[1]։
Անհրաժեշտ է ստեղծել նոր ԲՀՊՏ Երախի լեռնաշղթայի վրա[1]։
Պահպանության գործողություններ չեն իրականացվում[1]։