Երկրի հիմն
Երկրի հիմն, տոնական երգ կամ երաժշտական կոմպոզիցիա, որը գովաբանում, փառաբանում կամ վեհացնում է Երկիր մոլորակը և նրա բնակիչներին, այդ թվում՝ ֆլորային և ֆաունային։
![](http://upload.wikimedia.org/wikipedia/commons/thumb/9/97/The_Earth_seen_from_Apollo_17.jpg/220px-The_Earth_seen_from_Apollo_17.jpg)
Պատմություն
ՄԱԿ-ի 26-ամյակի կապակցությամբ և նրա Գլխավոր քարտուղարի խնդրանքով 1971 թվականի հոկտեմբերի 24-ին կատարվում է հիմնը, որի երաժշտությունը գրել է Պաբլո Կասալսը, իսկ տեքստը՝ Ուիսթեն Հյու Օդենը[1]։ ՄԱԿ-ի այն ժամանակվա գլխավոր քարտուղար Ու Տանը հույս հայտնեց, որ ժամանակի ընթացքում այս հիմնը կդառնա ՄԱԿ-ի դե ֆակտո հիմնը, սակայն դա տեղի չունեցավ։
Պաշտոնական հիմնի ստեղծման կոչը արվել է 2014 թվականին հունվարին Փարիզում՝ ՅՈՒՆԵՍԿՕ-ի Հնդկաստանի մշտական պատվիրակության կողմից[2]։
![]() | Մենք գտնում ենք, որ Երկրի հիմնի գաղափարը ստեղծագործ և ոգեշնչող գաղափար է, որը կնպաստի աշխարհի միավորմանը[3]։ | ![]() |
Երգեր Երկրի մասին
Երկրի պաշտոնական հիմնը մինչ այսօր չի գրվել։ Մոլորակի մասին մի շարք երգեր կան, որոնք արտացոլում են մարդկության աճող մոլորակային գիտակցությունը, որոնք կարելի է Երկրի հիմն կամ որպես հիմնի թեկնածուներ համարել։ Դրանց թվում են՝
- «Աշխարհի հիմն»[4]
- «Երկրի հիմն» The Turtles անսամբլ,
- «Մայր երկիր(Բնության հիմն)» Նիլ Յանգ,
- «Երկրի երգ» Մայքլ Ջեքսոն,
- «Երկրի ժամի երգ» Էնդրյու Հուանգ,
- «Երկրի հիմն» Աբհայա Կումարա[5][6],
- «Երկրի օրվա հիմն» Ուիլյամ Ուոլասի տեքստի հիման վրա, որում օգտագործվում է Լյուդվիգ վան Բեթհովենի «Ode to Joy»-ի երաժշտությունը[7][8][9]։
Կարծիքներ
![]() | Վեդաները՝ գիտության և իմաստության առաջին ունիվերսալ գրքերը, ասում է՝ «Բհումի Մատա Պուտրոահամ», որը նշանակում է «Երկիրը մայրն է, իսկ ես նրա որդին եմ»։ Սա հին հնդկական փիլիսոփայության էությունն է։ Մայր բնությանը պաշտպանելու և հարգելու ամբողջ ջանքերը դա ինքդ քեզ և հետագա սերնդին պաշտպանելու փորձ է։ Այդ ուղղությամբ Երկրի հիմնը հիանալի ջանք է։ - Կաիլաշ Սատյարթի | ![]() |