Էբբի Լի Քերշոու

Էբբի Լի Քերշոու
Ծնվել է	հունիսի 12, 1987 (36 տարեկան)
Ծննդավայր	Մելբուռն, Ավստրալիա
Քաղաքացիություն	Ավստրալիա
Մասնագիտություն	մոդել և դերասանուհի
Ծնողներ	հայր՝ Քիմ Քերշոու

Էբբի Լի Քերշոու (անգլ.՝ Abbey Lee Kershaw, հունիսի 12, 1987(1987-06-12), Մելբուռն, Ավստրալիա), նաև հայտնի է, որպես Էբբի Լի, ավստրալիացի մոդել և դերասանուհի^[1]։ Մի քանի հաջող տարիներից հետո, այդ թվում 2011 թվականի նորաձևության սեզոնը, V ամսագիրը կոչեց Քերշոուին սուպերմոդել^[2]։

Կենսագրություն

Ըստ Քերշոույի հիշողությունների՝ երեխա ժամանակ ինքը «մշտապես պառկած է եղել հիվանդանոցում»։ Երբ նա չորս տարեկան էր, նա մենինգիտ էր ունեցել, և ստիպված էր կատարել երկու գոտկային պունկցիա։ Նա նաև ունեցել է ծնկի ուռուցք և մի քանի կոտրվածքներ, ծառերի վրա անընդհատ մագլցման պատճառով։ Նա «մեծացել է 42 ազգության մեջ», դա բացատրելով տված հարցազրույցում նրանով, որ իրենց դպրոցում, որտեղ կար 150 երեխա, եղել է շատ բազմամշակութային^[3]։ Ավելի ուշ Աբբի Լին արժանացել է հեղինակավոր ավստրալիական Girlfriend Model Search 2004 մրցույթին^[4]։ Դպրոցն ավարտելուց հետո, 2005 թվականին նա տեղափոխվել է Մելբուրնից Սիդնեյ, որտեղ էլ սկսել է մոդելի կարիերան։ Քերշոուն ապրում էր 100 մետր հեռավորության վրա լողափից, և հենց այնտեղ է նրան նկատել Քեթի Ուորդը, որը բացել է նախկինում նման մոդելներին, ինչպիսիք են Միրանդա Քերը և Սամանթա Հերիսը^[3]^[5]։ Էբբի Լին պայմանագիր է կնքել Chic Management-ի հետ մեկ շաբաթվա ընթացքում^[6]։

Կարիերա

2007—2009

2007 թվականին Քերշոուն NEXT մոդելավորման գործակալության հետ կնքեց պայմանագիր և մարտ ամսին տեղափոխվեց Նյու Յորք։ Դեկտեմբերի 11-ին Models.com պորտալը անվանեց նրան «Next Superstar»^[7]:

Քերշոուն դեբյուտել է պոդեումում 2008 թվականին նորաձևության շաբաթում, Նյու Յորքում, հաջողեցնելով անցնել 29 շոու։ Իր առաջին նորաձևության շաբաթ Միլանում անցել է բացառիկ ցուցադրությունների Gucci-ի համար^[8]։ Նույն տարվա սեպտեմբերին Էբբի Լին սայթաքել է բարձր կրունկների վրա և ընկել Նյու Յորքում Rodarte շոուի ժամանակ^[9]։ Մեկ ամիս անց Փարիզում նա ուշագնաց է եղել Alexander McQueen-ի ցուցադրությանը, շատ կոշտ կաշի կորսետի պատճառով^[10]։ Սակայն այդ երկու միջադեպերը չեն ազդել նրա ապագա պայմանագրերի վրա^[9]^[10]։ 2008 թվականի նոյեմբերի 15-ին Միլանում նա առաջին անգամ դուրս է եկել միջազգային մակարդակ, հայտնվելով Victoria's Secret Fashion Show հեռուստատեսության մեջ, որտեղ նա մասնակցել է Pink Planet սեգմենտին^[11]։

2008 թվականից սկսած, Քերշոուն փայլում էր Gucci-ից Flora օծանելիքի գովազդային կամպանիայում^[12]։

2009 թվականին մոդելը ստիպված է եղել բաց թողնել աշնանային ցուցադրությունները վնասվածքի պատճառով^[4]։ Էբբի Լին մասնակցել է բացահայտ նկարահանումներին Purple Fashion ֆրանսիական ժուռնալի համար, հրատարակված աշուն/ձմեռ 2009 սեզոնում^[13]։ Ծնկի պատճառով աշնանային սեզոն 2009-ի բաց թողումից հետո, Քերշոուն նորից հայտնվել է նորաձևության շաբաթում, Միլանում, բացելով Dolce & Gabbana ցուցադրությունը։ 2009 թվականի դեկտեմբերի 1-ին նա երկրերդ անգամ մասնակցել է Victoria’s Secret Fashion Show-ում, բայց այս անգամ նա ունեցել է 3 ելույթ՝ «Star Trooper», «Pink Planet» և «Enchanted Forest» սեգմենտներում^[14]։

2010-ից մինչ օրս

2010 թվականին Քերշոուն մեծ ուշադրություն էր դարձնում, մասնակցելով տարբեր կամպանիաներում, նկարահանումներում եւ շոուներում^[15]։ 2010 թվականի մարտին հայտնի է դարձել, որ նա դառնալու է Chanel կամապիայի դեմքը աշուն/ձմեռ 2010/2011 սեզոնում։ Այդ լուրերը հայտնվել են նրանից հետո, երբ 2010 թվականի աշնանը նա փակում էր Chanel բարձր նորաձևության շոուն և բացում Chanel-ի աշուն/ձմեռ 2010/2011 սեզոնի ցուցադրումը^[16]։ Նոյեմբերում նա չորրորդ անգամ դարձել է ավստրալիականVogue-ի շապիկի վրա մոդել (շապիկի վրա նրա նախորդ հայտնվումները կայացել են 2010 թվականի մարտին, 2009 թվականի մարտին և 2008 թվականի մարտին)^[17]։

2011 թվականի գարնանը Էբբի Լին ինքնանկար է արել Rag & Bone կամպանիայի նոր Do-It-Yourselfճի համար, մոդելներ Ալեքսանդրա Պիվովարովայի, Էդիթ Վիլկեվիչուտի և Լիլի Օլդրիջի հետ^[18]։ Նա վաստակել է 100 000 դոլար, լինելով բացառիկ Chanel մոդել^[19]։

2012 թվականի հունվարին Էբբի Լին բաժանել է 5-րդ տեղը ամերիկացի մոդել Արիզոնա Մյուզի հետ՝ «50 լավագույն մոդելները, ըստ models.com-ի» ցուցակում և 21-րդ տեղը՝ նույն կայքի «Top Money Girls» ցուցակում^[20]^[21]։

Քերշոուն հայտնվել է 2011 թվականի Numero-ի մայիսյան շապիկի վրա, որը հանել է Թոմ Մունրոն^[6]։

Ֆիլմագրություն

Թվական	Հայերեն անվանում	Բնօրինակ անվանում	դեր
2011		Submission	Ջուջուցուի մարտիկ / Jiu Jitsu Fighter
2015	Ռուբեն Գաթրի	Ruben Guthrie	Զոյա Հոբեք / Zoya Houbec
2015		Caprice	Հոլլի / Holly
2015		Snowbird	Թեո / Theo
2015	Խելագար Մաքս․ զայրույթի ճանապարհը	Mad Max: Fury Road	Անդրուրաշարժիկ / The Dag
2016	Եգիպտոսի աստվածները	Gods of Egypt	Անաթ / Anat
2016	Նեոնային դև	The Neon Demon	Սարա / Sarah
2016	Ամանորյա կորպորատիվ	Office Christmas Party	Սավաննա / Savannah
2017	Մութ աշտարակ	The Dark Tower	Տիրանա / Tirana
2017	Բարի գալուստ անծանոթ	Welcome the Stranger	Էլիս / Alice
2017		1%
2018	Մենք՝ Սիզիֆ ենք	To the Night	Քեթի / Caty
2018	Էլիզաբեթ Հարվեսթ	Elizabeth Harvest	Էլիզաբեթ / Elizabeth

Անձնական կյանք

Ներկայումս բնակվում է Նյու Յորքում։ Նրա ընկերների թվում են այնպիսի մոդելներ, ինչպիսիք են Ֆրեյա Բեհա Էրիքսենը, Դեյզի Լոուն և Քեթրին Մաքնիլը^[4]։ Նա ունի ընտանի կենդանի՝ մողես, Էննի Հոլ անունով^[22]։ Նա ունի մի քանի դաջվածքներ, այդ թվում՝ ափի մեջ փոքրիկ պացիֆիկ, միջին մատի վրա՝ բու, և Երկվորյակների նշանը կոճի վրա և «truth» բառը, թաքնված ներքին շուրթի ստորին։ Նա վերջերս ավելացրել է երկու նոր դաջվածքներ փորի վրա, արված սպիտակ թանաքով։ Քերշոուն, նաև իրեն դրսևորել է, որպես նկարիչ՝ յուղաներկով նկարելով աբստրակտ նկարներ^[23]։

Իր սեռական կողմնորոշման մասին նա ասում է, որ «միշտ էլ ճոճվում էր երկու կողմերում», բայց համարում է իրեն ոչ թե բիսեքսուալ, այլ «պարզապես փորձարկող»^[22]։

Ծանոթագրություններ

Արտաքին հղումներ

Վիքիպահեստն ունի նյութեր, որոնք վերաբերում են «Էբբի Լի Քերշոու» հոդվածին։

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

Էբբի Լի Քերշոու

Ծնվել է	հունիսի 12, 1987(1987-06-12) (36 տարեկան)
Ծննդավայր	Մելբուռն, Ավստրալիա
Քաղաքացիություն	Ավստրալիա
Մասնագիտություն	մոդել և դերասանուհի
Ծնողներ	հայր՝ Քիմ Քերշոու