Էլեն Պոմպեո
Էլեն Քեթլին Պոմպեո (անգլ.՝ Ellen Kathleen Pompeo, նոյեմբերի 10, 1969[1], Everett, Մասաչուսեթս, ԱՄՆ), իռլանդական և իտալական ծագմամբ ամերիկացի դերասանուհի, որը հայտնի է Մերեդիթ Գրեյի «Գրեյի անատոմիա» հեռուստասերիալում իր դերակատարմամբ, որտեղ նա նկարահանվում է 2005 թվականից։ Պոմպեոն հեռուստատեսության ամենաբարձր վարձատրվող անձանցից մեկն է[2]՝ շոուի մեկ դրվագի համար 350 հազար դոլար հոնորարով[3][4]։
| Էլեն Պոմպեո | |
|---|---|
 | |
| Ծննդյան թիվ՝ | նոյեմբերի 10, 1969[1] (54 տարեկան) |
| Ծննդավայր՝ | Everett, Մասաչուսեթս, ԱՄՆ |
| Քաղաքացիություն՝ |  ԱՄՆ |
| Մասնագիտություն՝ | հեռուստատեսային դերասանուհի, կինոդերասանուհի, դերասանուհի, պոդքաստեր և հեռուստատեսային պրոդյուսեր |
| Պարգևներ՝ | |
| IMDb։ | ID 0690186 |
Կենսագրություն
Էլեն Քեթլին Պոմպեոն ծնվել է Մասաչուսեթս նահանգի Էվերեթ քաղաքում[5]։ Ունի իռլանդական և իտալական ծագում և դաստիարակվել է Հռոմեական կաթոլիկ եկեղեցու կանոններով[6]։ Նրա մայրը մահացել է մեծ չափաբաժնով ցավազրկողներ օգտագործելու պատճառով, երբ Էլենը չորս տարեկան էր, իսկ հայրը որոշ ժամանակ անց կրկին ամուսնացել է։
1990-ական թվականների սկզբին բարմեն է աշխատել Նյու Յորքի հաստատություններից մեկում, որտեղ էլ իր համար գործակալ է գտել։ Շուտով նա հայտնվել է մի քանի հեռուստատեսային գովազդային հոլովակում, իսկ 1996 թվականին առաջին անգամ հանդես Է եկել որպես պրոֆեսիոնալ դերասանուհի՝ ներկայանալով «Օրենք և կարգուկանոն» հեռուստասերիալի դրվագում։
Գործունեություն
Պոմպեոն 2001 թվականին տեղափոխվել է Լոս Անջելես՝ հաջողության հասնելու ձգտումներով։ Մեկ տարի անց «Լուսնային աշխարհի մղոն» ֆիլմում ստացել է իր առաջին խոշոր դերը, որտեղ նկարահանվել է Ջեյք Ջիլենհոլի հետ։ Դրանից հետո նա նկարահանվել է «Խենթը», «Բռնիր ինձ, եթե կարող ես» և «Հին կոփումը» ֆիլմերում։
2004 թվականին «ABC» հեռուստաալիքի «Կրքի անատոմիա» հեռուստասերիալի շրջանակներում Պոմպեոն ստացել է իր առաջին գլխավոր դերը, որը պատմում է «Սիեթլ Գրեյս» հիվանդանոցի կացարանների, բժիշկների և այլ անձնակազմի կյանքի մասին։ Պրեմիերան տեղի է ունեցել 2005 թվականի գարնանը, և շոուն արագորեն դարձել է հեռուստատեսության պատմության ամենամեծ հիթերից մեկը։ Դերի համար նա ստացել է մի քանի հեղինակավոր մրցանակ, այդ թվում՝ «ԱՄՆ կինոդերասանների գիլդիայի մրցանակ», ինչպես նաև 2007 թվականին առաջադրվել է «Ոսկե գլոբուս» մրցանակի՝ «հեռուստասերիալում՝ դրամայում, լավագույն կանացի դերի համար» կատեգորիայում[7]։
Անձնական կյանք
- Ամուսինը՝ Քրիս Այվերին (2007 թվականի նոյեմբերի 9-ից), երաժշտական պրոդյուսեր էր։ Մինչ հարսանիքը հանդիպել են 4 տարի[8]։
- Դուստրը՝ Ստելլա Լունա Այվերի (ծնված 2009 թվականի սեպտեմբերին)[9]
- Որդին՝ Էլայ Քրիստոֆեր Այվերի (ծնված 2016 թվականի դեկտեմբերին փոխնակ մոր միջոցով)[12]
Ֆիլմագրություն
Ֆիլմ
| Տարի | Հայերեն անվանում | Բնօրինակ անվանում | Դեր | Ծանոթագրություն |
|---|---|---|---|---|
| 1999 | «8 1/2 x 11» | 8 ½ x 11 | Կինը կադրերի բաժնից | Կարճամետրաժ ֆիլմ |
| «Շուտով» | Coming Soon | Հիասթափված աղջիկ | ||
| 2000 | «Դիպվածով կինը» | Eventual Wife | Բեթ | Կարճամետրաժ ֆիլմ |
| «Անտառում» | In the Weeds | Մարթա | ||
| Mambo Café | Սթեյսի | |||
| 2002 | «Լուսնի լույսի մղոնը» | Moonlight Mile | Բերթի Նոքս | |
| «Բռնիր ինձ, եթե կարող ես» | Catch Me If You Can | Մարսի | ||
| 2003 | «Հին դպրոց» | Old School | Նիկոլ | |
| «Խենթը» | Daredevil | Կարեն Փեյջ | ||
| «Բանականության եզրին» | Undermind | Ֆլինն | ||
| 2004 | «Ոչ ոք կատարյալ չէ» | Nobody’s Perfect | Վերոնիկա | Կարճրամետրաժ ֆիլմ |
| «Նկարների առևանգողները» | Art Heist | Սանդրա Ուոքեր | ||
| «Մաքուր բանականության հավերժ փայլատակում» | Eternal Sunshine of the Spotless Mind | Նոյեմի | Տեսարանները կրճատվել են մոնտաժի ժամանակ | |
| 2005 | «Գիշերային կյանք» | Life of the Party | Ֆիբի Էլգին |
Հեռուստատեսություն
| Տարի | Հայերեն անվանում | Բնօրինակ անվանում | Դեր | Ծանոթագրություն |
|---|---|---|---|---|
| 1996 | «Օրենք և կարգ» | Law & Order | Ժաննա Ուոբեր | Դրվագ 1 |
| 1999 | «Կոնֆետներով անծանոթները» | Strangers With Candy | Լիզա Աբրամս | Դրվագ 1 |
| 2000 | «Օրենք և կարգ» | Law & Order | Լաուրա Կենդրիք | Դրվագ 1 |
| «Իրական» | Get Real | Նինա Ալդեր | Դրվագ 1 | |
| 2001 | «Աշխատանք» | The Job | Սյու | Դրվագ 1 |
| «Ուժեղ դեղամիջոց» | Strong Medicine | Quincy Dunne | Դրվագ 1 | |
| 2004 | «Ընկերներ» | Friends | Տիկին Գոլդբերգ | Դրվագ 1 |
| 2005 | «Կրքի անատոմիան» | Grey’s Anatomy | Մերիդիթ Գրեյ | Հեռուստասերիալում կանանց լավագույն դերի համար «Սպուտնիկ» մրցանակ` դրամա (2007) ԱՄՆ-ի կինոդերասանների գիլդիայի մրցանակ դրամատիկ սերիալում լավագույն դերասանական կազմի համար (2007) «Սպուտնիկ» մրցանակ դրամատիկ սերիալում լավագույն դերասանական կազմի համար (2007) «Ժողովրդի ընտրություն» մրցանակ դրամատիկական սերիալում կնոջ լավագույն դերի համար (2013) Անվանակարգ, «Ոսկե գլոբուս» մրցանակ` հեռուստատեսային սերիալում կանանց լավագույն դերի համար՝ դրամա (2007) Անվանակարգ, ԱՄՆ կինոդերասանների գիլդիայի մրցանակ դրամատիկ սերիալում լավագույն դերասանական կազմի համար (2006, 2008) Անվանակարգ, Teen Choice Award Տարվա լավագույն բեկման համար (2005) Անվանակարգ, Teen Choice Award Հեռուստատեսային լավագույն դերասանուհի (2006) Անվանակարգ, «Ժողովրդի ընտրություն» մրցանակ դրամատիկական սերիալում կնոջ լավագույն դերի համար (2011-2012) |
| 2018 | «Հրշեջ մաս 19» | Station 19 | Մերիդիթ Գրեյ | Դրվագ 1 |
Ծանոթագրություն
 | Վիքիպահեստն ունի նյութեր, որոնք վերաբերում են «Էլեն Պոմպեո» հոդվածին։ |