Էնդրիկ Ֆելիպե
Գործիքներ
Գործողություններ
Ընդհանուր
Տպել/արտահանել
Այլ նախագծերում
Քաղաքացիությունը | Բրազիլիա | ||
---|---|---|---|
Ծննդյան ամսաթիվ | հուլիսի 21, 2006(2006-07-21)[1] (17 տարեկան) | ||
Ծննդավայր | Taguatinga, Դաշնային շրջան, Բրազիլիա[2] | ||
Դիրք | հարձակվող | ||
Էնդրիկ Ֆելիպե Մորեյրա դե Սոուզա (պորտ.՝ Endrick Felipe Moreira de Sousa;հուլիսի 21, 2006(2006-07-21)[1], Taguatinga, Դաշնային շրջան, Բրազիլիա[2]) կամ ուղղակի Էնդրիկ (պորտ.՝ Endrick) Բրազիլացի ֆուտբոլիստ «Պալմեյրաս» ակումբի և Բրազիլիայի հավաքականի հարձակվող։ 2024 թվականի հուլիսի 21-ին կճանաչվի «Ռեալ Մադրիդ» ակումբի խաղացող։ Համարվում է աշխարհի ամենատաղանդավոր երիտասարդ ֆուտբոլիստներից մեկը[3][4][5][6][7][8]։
Էնդրիկը արդեն 4 տարի է զբաղվում է ֆուտբոլով։ Նրա հայրը YouTube-ում հրապարակել է որդու գոլերը և հույս ուներ Բրազիլիայի ակադեմիայի հրավեր ստանալու համար[7]։ Էնդրիկը շատ էր ցանկանում ֆուտբոլիստ դառնալ, որպեսզի օգներ ընտանիքին, քանի որ հայրը գործազուրկ էր[8][9]։
Էնդրիկը 11 տարեկանում միացել է «Պալմեյրասի» ակադեմիային[9]։ Ակումբի պատանեկան թիմերում անցկացրած 5 տարիների ընթացքում նա անցկացրել է 169 հանդիպում և դարձել 165 գոլի հեղինակ[7][8]։ 2022 թվականին մասնակցել է Սան Պաուլոյի պատանեկան գավաթի խաղարկությանը։ Առաջնությունում Էնդրիկը 7 խաղում դարձել է 7 գոլի հեղինակ և ճանաչվել է առաջնության լավագույն ֆուտբոլիստը[10][11]։ Մրցաշարից հետո Էնդրիկը ձեռք բերեց մեծ ճանաչում, ինչպես նաև հետաքրքրություն ձեռք բերեց եվրոպական ֆուտբոլի հսկաների մոտ[12][13][14]։
2022 թվականի հուլիսի 21-ին, երբ Էնդրիկը դարձավ 16 տարեկան, նա պաշտոնապես պայմանագիր կնքեց «Պալմեյրասի» հետ մինչև 2025 թվականը[15][16]։ 2022 թվականի հուլիսի 30-ին Էնդրիկը գրանցվել է Լիբերտադորեսի գավաթին մասնակցելու համար[17][18]։ Օգոստոսի 6-ին Էնդրիկը, ապաքինվելով թեթև վնասվածքից, սկսեց մարզվել «Պալմեյրասի» գլխավոր թիմի հետ՝ ակումբի կողմից որպես խաղացող գրանցվելուց հետո[19]։
2022 թվականի հոկտեմբերի 6-ին Էնդրիկն իր առաջնախաղը նշեց «Պալմեյրասի» գլխավոր թիմում՝ «Կորիտիբա» ակումբի դեմ խաղում[20]։ 20 օր անց՝ հոկտեմբերի 26-ին, «Ատլետիկո Պարանաենսեի» դեմ խաղում նա փոխարինման դուրս եկավ 1 խաղակեսից հետո և խփեց իր պրոֆեսիոնալ կարիերայի առաջին երկու գոլերը։ Նա նաև դարձավ «Պալմեյրասի» պատմության ամենաերիտասարդ ռմբարկուն[21]։
2022 թվականի դեկտեմբերի 5-ին «Ռեալը Մադրիդը» հայտարարեց Էնդրիկի հետ մինչև 2027 թվականը պայմանագիր ստորագրելու մասին՝ մինչև 2030 թվականը երկարաձգելու հնարավորությամբ, որը կսկսվի 2024 թվականի հուլիսին, երբ նա կդառնա 18 տարեկան[22]։ Տրանսֆերային գումարը կազմել է 35 միլիոն եվրո՝ հաշվի առնելով հետագա 25 միլիոն բոնուսները։
2023 թվականի ապրիլի 2-ին Էնդրիկը խփեց իր առաջին գոլը Պաուլիստա լիգայում «Ագուա Սանտայի» դեմ խաղում[23]։ 2023 թվականի ապրիլի 21-ին իր առաջնախաղը նշել է Լիբերտադորեսի գավաթում, փոխարինման դուրս գալով «Սերրո Պորենտոյի» դեմ խաղում[24][25]։
2023 թվականի դեկտեմբերի 7-ին Ա Սերիայի եզրափակչում 38-րդ տուրի «Կրուզեյրոյի» դեմ խաղում, նա գոլ է խփել և օգնել իր թիմին նվաճել ոսկե մեդալներ մրցաշարում[26]։
2022 թվականի մարտի 18-ին Էնդրիկը հրավիրվել է Բրազիլիայի մինչև 17 տարեկանների հավաքական՝ Ֆրանսիայում կայանալիք Մոնտեգնուի ընկերական մրցաշարին մասնակցելու համար։ 4 խաղում դարձել է 5 գոլի հեղինակ, նա դարձել է մրցաշարի լավագույն ռմբարկուն և լավագույն խաղացողը իսկ Բրազիլիայի հավաքականը 1984 թվականից ի վեր առաջին անգամ հաղթեց այս մրցաշարում[27]:.
2023 թվականի նոյեմբերի 6-ին նա առաջին անգամ հրավիրվեց Բրազիլիայի հավաքական՝ մասնակցելու 2026 թվականի աշխարհի առաջնության ընտրական մրցաշարին՝ դառնալով ամենաերիտասարդ խաղացողը, ով հրավիրվել է հիմնական հավաքական 1994 թվականից ի վեր[28]։ Նոյեմբերի 17-ին առաջնախաղն է նշել Կոլումբիայի հավաքականի դեմ խաղում (1:2), փոխարինելով Ռաֆինյային 82-րդ րոպեին[29]։
Լավ հարվածով ձախլիկ հարձակվող Էնդրիկին համեմատում են լեգենդար բրազիլացի հարձակվողներ Ռոնալդոյի և Ռոմարիոյի հետ[30][31]։ Նրա կուռքը Կրիշտիանու Ռոնալդուն է[32]։