Endrick
Endrick Felipe Moreira de Sousa (talaffuzi: Endrick Felipe Moreyra de Souza) yoki oddiygina Endrick (talaffuzi: Endrik) — braziliyalik futbolchi, „Palmeyras“ klubi hujumchisi. Barcha davrlarning eng iqtidorli braziliyalik futbolchilaridan biri[1][2][3][4][5][6].
Shaxsiy maʼlumot | |||
---|---|---|---|
Toʻliq ismi | Endrick Felipe Moreyra de Souza | ||
Tavallud sanasi | 21-iyul 2006-yil | ||
Tavallud joyi | Taguatinga, Federal okrug, Braziliya | ||
Boʻyi | 173 sm | ||
Ampluasi | hujumchi | ||
Klub maʼlumoti | |||
Joriy klub | Palmeiras | ||
Raqami | 16 | ||
Yoshligida aʼzo boʻlgan klublar | |||
2016 — hozirgacha | Palmeiras | ||
Professional faoliyati* | |||
Yillar | Jamoa | Isht. | (Gol.) |
2022 — hozirgacha | Palmeiras | (1 (0)) | |
Milliy terma jamoa | |||
2022 — hozirgacha | Braziliya (16 yoshgacha) | (4 (5)) | |
*Professional klublardagi gollari (ichki chempionat) |
Dastlabki yillar
Endrick 4 yoshida futbol oʻynay boshlagan. Otasi o‘g‘lining gollarini YouTubeʼga joylashtirgan va Braziliya akademiyasidan taklif olishiga umid qilgan. Endrick oilasiga yordam berish uchun futbolchi boʻlishni juda xohlardi, chunki otasi ishsiz edi[7].
Klubdagi karyerasi
Endrick 11 yoshida Palmeyras akademiyasiga qoʻshildi. Klubning yoshlar jamoasida 5 yil davomida u 169 ta oʻyin oʻtkazib, 165 ta gol urgan. 2022-yilda u San-Paulu yoshlar kubogida ishtirok etgan. Turnir davomida Endrick 7 uchrashuvda 7 ta gol urdi va turnirning eng yaxshi futbolchisi deb topildi[8][9]. Turnirdan keyin Endrick Yevropa futboli gigantlari eʼtiboriga tushadi[10][11][12].
2022-yilning 21-iyulida Endrick 16 yoshga to‘lganida rasman Palmeyras bilan 2025-yilgacha shartnoma imzoladi[13][14]. 2022-yil 30-iyulda Endrick Libertadores kubogi[15][16] uchun roʻyxatdan oʻtgan. 6-avgust kuni Endrick yengil jarohatidan forigʻ boʻlib, klub tomonidan futbolchi sifatida roʻyxatdan oʻtkazilgandan soʻng „Palmeyras“ning asosiy jamoasida mashgʻulotlarni boshladi[17].
Oʻyin uslubi
Yaxshi zarbaga ega chapaqay hujumchi Endrickni braziliyalik afsonaviy hujumchilar Ronaldo va Romario[18][19] bilan solishtirishadi. Uning oʻyin uslubini tasvirlab berishini soʻrashganda, u shunday degan: "Men har doim kurashaman. Men qatʼiyatliman va maydonda oʻyinning soʻnggi daqiqalarigacha harakat qilaman. Men hech qachon taslim boʻlmayman, himoyachilarga bosim oʻtkazaman, maydondagi istalgan oʻyinchilarning har biridanda koʻproq yuguraman[20]. Uning kumiri Krishtianu Ronaldu hisoblanadi[21].