Իգնասիո Ագիռե
Իգնասիո Ագիռե (իսպ.՝ Ignacio Aguirre, դեկտեմբերի 23, 1900[1][2], San Sebastián del Oeste, Խալիսկո, Մեքսիկայի Միացյալ Նահանգներ - հուլիսի 11, 1990, Մեխիկո, Մեքսիկայի Միացյալ Նահանգներ[3]), մեքսիկացի նկարիչ և փորագրող։
Իգնասիո Ագիռե | |
---|---|
Ծնվել է | դեկտեմբերի 23, 1900[1][2] |
Ծննդավայր | San Sebastián del Oeste, Խալիսկո, Մեքսիկայի Միացյալ Նահանգներ |
Վախճանվել է | հուլիսի 11, 1990 (89 տարեկան) |
Մահվան վայր | Մեխիկո, Մեքսիկայի Միացյալ Նահանգներ |
Քաղաքացիություն | ![]() |
Մասնագիտություն | նկարիչ-փորագրող և նկարիչ |
Կենսագրություն
Իգնասիո Ագիռեն ծնվել է 1900 թվականի դեկտեմբերի 23-ին, Մեքսիկայի Սան Սեբաստիան քաղաքում, Իգնասիո Ագիռե դե Սանտիագոյի և Դելֆինա Կամաչոյի ընտանիքում[4]։
Նա մեքսիկական հեղափոխության ժամանակ կռվում էր Վենուստիանո Կառանսայի հետ՝ ընդդեմ Ֆրանսիսկո Վիլյայի։ Հեղափոխության ավարտից հետո աշխատել է մի քանի հանքերում, ապա 1920 թվականին մասնակցել է ապսամբությանը և եղել է Ալվարո Օբրեգոնի կողմնակից։ Ոգեշնչվելով իր նկարիչ ընկերներ Ջուլիո Կաստելանոսի և Մանուել Ռոդրիգեզ Լոզանոյի աշխատանքներով՝ նա իր ընկներների և Դիեգո Ռիվերայի օգնությամբ սկսեց նկարել սովորել։ 1921-1929 թվականներին աշխատել է Secretaria de Comunicaciones y Obras Públicas-ում[4][5]։
1928 թվականին միացել է Teatro Ulises խմբին, որտեղ աշխատել է որպես բեմանկարիչ։ 1931 թվականին Մեքսիկայի ազգային ինքնավար համալսարանում և արվեստի համալսարանում դասավանդել է նկարչություն։ 1934 թվականին հիմնել է Հեղափոխական գրողների և արտիստների լիգան, 1937 թվականին՝ Taller de Gráfica Popular-ը և 1953 թվականին դարձել նրա տնօրենը։ Եղել է Salón de la Plástica Mexicana-ի անդամ, աշխատել է Պաբլո Օհիգինսի և Ալֆրեդո Սալսեի հետ[4][6]։
1940, 1942, 1944 և 1948 թվականներին նրա աշխատանքները ներկայացվել են Նյու Յորքում։ 1952 թվականին նա այլ արտիստների հետ միասին հիմնել է Frente Nacional de Artes Plásticas միությունը։ 1956-1957 թվականներին նրա աշխատանքները ներկայացվել են Արևելյան Եվրոպայում[4]։
Նա արել է փայտափորագրություններ, գոբելեններ և մատիտով ու ջրաներկով նկարներ։ Նրա նկարներում հիմնականում օգտագործվում են կանաչը, վարդագույնը, կապույտը և կարմիրը։ Նա նկարում է գյուղական և ժողովրդական տեսարաններ[7]։
Ծանոթագրություններ
Արտաքին հղումներ
- Listings for over 90 works produced by Ignacio Aguirre during his time at the Taller de Gráfica Popular can be viewed at Gráfica Mexciana Արխիվացված 2012-04-25 Wayback Machine.