Լա-Լա Լենդ

«Լա-Լա Լենդ» (անգլ.՝ La La Land), 2016 թվականի ամերիկական երաժշտական ռոմանտիկ կատակերգություն-դրամա, որի ռեժիսորն է Դեմիեն Շազելը, իսկ գլխավոր դերերում խաղում են Ռայան Գոսլինգն ու Էմմա Սթոունը։ Սյուժեի կենտրոնում սիրահարված ջազային դաշնակահար Սեբաստիանն ու սկսնակ դերասանուհի Միան են, որոնք ապրում են Լոս Անջելեսում և հետապնդում են իրենց երազանքները։ Ֆիլմի վերնագիրը միաժամանակ վերաբերվում է Լոս Անջելես քաղաքին և այն արտահայտությանը, որը նշանակում է իրականության հետ կապը կորցնել։

Լա-Լա Լենդ անգլ.՝ La La Land
Երկիր	ԱՄՆ
Ժանր	ռոմանտիկ ֆիլմ, հումորային դրամա, կինոկատակերգություն, երաժշտական ֆիլմ և դրամա
Թեմա	ռոմանտիկ սեր[1], թռուցիկ հարաբերություններ[1], փառասիրություն[1], կարիերա[1], նպատակին հասնելու ձգտում[1], հաջողություն[1], Լոս Անջելեսի մշակույթ[1], ջազ[1], դերասանական արվեստ[1], ֆիլմարտադրություն[1], երաժշտական արդյունաբերություն[1] և ինտիմ հարաբերություններ[1]
Թվական	հունվարի 12, 2017[2], դեկտեմբերի 7, 2016, դեկտեմբերի 9, 2016, հունվարի 25, 2017, փետրվարի 23, 2017, հունվարի 12, 2017[3] և դեկտեմբերի 29, 2016[4]
Լեզու	անգլերեն
Ռեժիսոր	Դեմիեն Շազել[5][6]
Պրոդյուսեր	Գարի Գիլբերթ, Մարկ Է. Փլաթ, Ջորդան Հորովից և Ֆրեդ Բերգեր
Սցենարի հեղինակ	Դեմիեն Շազել[6]
Դերակատարներ	Էմմա Սթոուն[6], Ջոնաթան Քիմբլ Սիմոնս[6], Ֆին Ուիթոք[6], Ռոզմարի ԴեՈւիթ[6], Մեգան Ֆեյ, Ջոն Լեջենդ[6], Սոնոյա Միզունո, Կալի Էռնանդես[6], Թոմ Էվերեթ Սքոթ[6], Ռայան Գոսլինգ[6], Չեյսոն Ֆուքս[6], Քենդիս Քոուք[6], Ջոշ Փենս[6] և Թրևոր Լիսաուեր[6]
Օպերատոր	Լինուս Սանդգրեն
Երաժշտություն	Ջասթին Հուրվից
Մոնտաժ	Թոմ Քրոս
Պատմվածքի վայր	Լոս Անջելես[1] և Բոուլդեր Սիթի[1]
Նկարահանման վայր	Լոնգ Բիչ[3] և Լոս Անջելես
Կինոընկերություն	Lions Gate Entertainment և Summit Entertainment
Տևողություն	128 րոպե[3]
Բյուջե	30 000 000 $
Շահույթ	471 981 104 $[7] և 151 101 803 $[7]
Պաշտոնական կայքէջ
La La Land Վիքիպահեստում

Շազելը ֆիլմի սցենարը գրել է 2010 թվականին, բայց չի գտել այնպիսի ստուդիա, որ պատրաստ լինի ֆինանասավորել ֆիլմը առանց փոփոխություններ կատարելու սցենարի մեջ։ Շազելի երկրորդ «Մոլեգնություն» ֆիլմի հաջողությունից հետո «Summit Entertainment» ստուդիան գնել է ռեժիսորի ապագա նախագիծը։Նկարահանումները սկսվել են 2015 թվականի օգոստոսին և ավարտվել միևնույն թվականի սեպտեմբերի կեսերին Լոս Անջելեսում^[8]։ «Լա Լա Լենդի» պրեմիերան կայացել է 2016 թվականի օգոստոսի 31-ին Վենետիկի միջազգային կինոփառատոնում^[9][10]։, իսկ դեկտեմբերի 9-ին ֆիլմը տրվել է վարձույթի^[11]։

«Լա Լա Լենդը» արժանացել է քննադատների դրական արձագանքին, որոնք գովաբանել են Շազելի սցենարը, Գոսլինգի և Սթոունի դերասանական խաղը, Ջասթին Գուրվիցի երաժշտությունն ու երաժշտական համարները։ Ֆիլմը հաղթանակ է տարել բորոլ այն 7 անվանակարգերում, որոնց առաջադրվել է «Ոսկե Գլոբուս»-ին՝ ռեկորդ սահմանելով մրցանակների ամբողջ պատմության համար ատնալով 11 անվանակարգ «BAFTA»-ի մրցանակաբաշխությանը և հաղթելով 5 կատեգորիաներում։ 2017 թվականի «Օսկար» մրցանակաբաշխությանը ֆիլմը առաջադրվել է 14 անվանակարգերի՝ կրկնելով «Ամեն ինչ Եվայի մասին» (1950) և «Տիտանիկ» (1997) ֆիլմերի ռեկորդը և հաղթելով վեց կատեգորիաներում՝ «Օսկար լավագույն ռեժիսորի համար», «Օսկար լավագույն դերասանուհու համար», «Օսկար լավագույն օպերատորի համար», «Օսկար ֆիլմի լավագույն երաժշտության համար», «Օսկար լավագույն երգի համար» («City of Stars»)^[12]։

Ֆիլմի կարգախոսն է՝ «Նվիրվում է անվախ երազողներին․․․»