Լուիջի Գալվանի
Լուիջի (Ալոիզի) Գալվանի (իտալ.՝ Luigi Galvani, սեպտեմբերի 9, 1737[1][2][3][…], Բոլոնիա, Պապական մարզ[4][2][5] - դեկտեմբերի 4, 1798[1][2][3][…], Բոլոնիա, Պապական մարզ[4]), իտալացի անատոմ և ֆիզիոլոգ, էլեկտրաֆիզիոլոգիայի հիմնադիր։ Սովորել է Բոլոնիայի համալսարանում, այնտեղ էլ հետագայում դասավանդել է բժշկագիտություն։
Լուիջի Գալվանի իտալ.՝ Luigi Galvani | |
---|---|
Ծնվել է | սեպտեմբերի 9, 1737[1][2][3][…] |
Ծննդավայր | Բոլոնիա, Պապական մարզ[4][2][5] |
Մահացել է | դեկտեմբերի 4, 1798[1][2][3][…] (61 տարեկան) |
Մահվան վայր | Բոլոնիա, Պապական մարզ[4] |
Գերեզման | Corpus Domini, Bologna |
Քաղաքացիություն | Պապական մարզ |
Կրթություն | Բոլոնիայի համալսարան (1759) |
Մասնագիտություն | անատոմ, ֆիզիկոս, բժիշկ, համալսարանի դասախոս և գյուտարար |
Աշխատավայր | Բոլոնիայի համալսարան |
Ամուսին | Լյուսիա Գալեացի Գալվանի[6] |
Luigi Galvani Վիքիպահեստում |
1771-ից ուսումնասիրել է էլեկտրականության առաջացումը կենդանի օրգանիզմներում։ Հետազոտել է անշարժացված գորտի մկանների կծկման ընդունակությունը էլեկտրական հոսանքի ազդեցության ներքո։ Դիտել է մկանների կծկումը՝ դրանք նյարդերի կամ ողնուղեղի հետ մետաղով միացնելիս, ուշադրություն դարձրել այն բանի վրա, որ մկանը կծկվում է երկու տարբեր մետաղների հետ միաժամանակյա շփումից, ապացուցել, որ մկանը կծկվում է նաև անմիջապես նյարդին միանալիս։
Գալվանիի փորձերը նպաստեցին հոսանքի նոր աղբյուրի՝ գալվանական էլեմենտի հայտնագործմանը։ 1791-ին հրատարակել է «Մկանային շարժման ժամանակ էլեկտրականության ուժի մասին տրակտատ»–ը։
Ծանոթագրություններ
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 660)։ |
Վիքիպահեստն ունի նյութեր, որոնք վերաբերում են «Լուիջի Գալվանի» հոդվածին։ |