Լուկա Միլիվոևիչ
Լուկա Միլիվոևիչ (սերբ.՝ Лука Миливојевић, ապրիլի 7, 1991[1], Կարգուևաց, Սերբիայի Հանրապետություն, ՀՍՖՀ), սերբ պրոֆեսիոնալ ֆուտբոլիստ։ Ներկայումս հանդես է գալիս Քրիսթալ Փելասի և Սերբիայի ազգային հավաքականի կազմում։ Խաղում է հենակետային կիսապաշտպանի դիրքում[2]։ Միլիվոևիչը Քրիսթալ Փելասի ավագն է։
![]() Միլիվոևիչը Սերբիայի հավաքականի կազմում 2018 թվականին | |||
Անձնական տվյալներ | |||
Քաղաքացիությունը | ![]() | ||
Ծննդյան ամսաթիվ | ապրիլի 7, 1991[1] (33 տարեկան) | ||
Ծննդավայր | Կարգուևաց, Սերբիայի Հանրապետություն, ՀՍՖՀ | ||
Հասակ | 186 սմ | ||
Քաշ | 80 կգ | ||
Դիրք | հենակետային կիսապաշտպան | ||
Ակումբային տեղեկություններ | |||
Ներկա ակումբ | ![]() | ||
Համար | 4 | ||
Մասնագիտական կարիերա* | |||
Տարի | Ակումբ | Խաղ (գոլ) | |
2007-2008 | ![]() | 17 | (2) |
2008-2012 | ![]() | 49 | (3) |
2012-2013 | ![]() | 36 | (7) |
2013-2014 | ![]() | 19 | (0) |
2014-2017 | ![]() | 62 | (11) |
2017-ներկա | ![]() | 104 | (26) |
Ազգային հավաքական‡ | |||
2011-2012 | ![]() | 11 | (1) |
2012-ներկա | ![]() | 37 | (1) |
* Մասնագիտական կարիերայում ընդգրկված են միայն առաջնության խաղերը և գոլերը |
Ակումբային կարիերա
Վաղ կարիերա
Պրոֆեսիոնալ ֆուտբոլիստի կարիերան Միլիվոևիչը սկսել է Ռադնիչկի Կրագուևացում 2007-08 մրցաշրջանում։ 2008 թվականին նա միացավ Ռադ Բելգրադին՝ խաղալով աջ կիսապաշտպանի դիրքում։ Իր դեբյուտը նշեց 2008 թվականի օգոստոսի 23-ին՝ Չուկարիչկիի դեմ խաղում[3]։ Եվրոպական առաջնություններում իր դեբյուտը նշեց 2011 թվականի հունիսի 30-ին՝ Տրե Պենեի դեմ խաղում[4]։ Իր առաջին գոլը խփեց 2011 թվականի օգոստոսի 14-ին՝ Մետալացի դեմ խաղում՝ այդ հանդիպման ժամանակ ձևակերպելով դուբլ[5]։
2011 թվականի դեկտեմբերի 19-ին Միլիվոևիչը տեղափոխվեց Ցրվենա Զվեզդա[6]։ Իր դեբյուտը նշեց 2012 թվականի մարտի 3-ին՝ Սպարտակ Սուբոտիցայի դեմ խաղում[7]։ Իր առաջին գոլը Ցրվենա Զվեզդայի կազմում խփեց 2012 թվականի ապրիլի 7-ին՝ Մետալացի դեմ խաղում[8]։
Անդերլեխտ
2013 թվականի հուլիսի 26-ին Միլիվոևիչը 5 տարվա պայմանագիր կնքեց Անդերլեխտի հետ[9]։ Իր դեբյուտը բելգիական ակումբի կազմում նշեց 2013 թվականի օգոստոսի 2-ին՝ Սերկլ Բրյուգեի դեմ խաղում[10]։ Անդերլեխտի կազմում Միլիվոևիչը անցկացրեց 25 հանդիպում։
Օլիմպիակոս
2014 թվականի սեպտեմբերի 1-ին Միլիվոևիչը 1 տարվա վարձավճարով տեղափոխվեց Օլիմպիակոս[11]։ Իր դեբյուտը նշեց 2014 թվականի սեպտեմբերի 13-ին՝ ՕՖԻ-ի դեմ խաղում[12]։ Իր առաջին գոլը խփեց 2015 թվականի հունվարի 21-ին՝ Տիրնավոսի դեմ Հունաստանի գավաթի խաղում[13]։ 2015 թվականի հունիսի 4-ին Միլիվոևիչը 4 տարվա պայմանագիր կնքեց Օլիմպիակոսի հետ[14][15]։ Ակումբը նրա համար վճարեց 2․3 միլիոն եվրո[16]։ Օլիմպիակոսի կազմում Միլիվոևիչը անցկացրեց 2․5 մրցաշրջան՝ մասնակցելով 94 խաղի և դառնալով 15 գոլի հեղինակ։
Քրիսթալ Փելաս
2017 թվականի հունվարի 31-ին Միլիվոևիչը 3․5 տարվա պայմանագիր կնքեց Քրիսթալ Փելասի հետ[17][18]։ Ակումբը նրա համար վճարեց 16 միլիոն եվրո[19][20]։ Իր դեբյուտը Պրեմիեր Լիգայում նշեց փետրվարի 11-ին՝ Ստոկ Սիթիի դեմ խաղում[21]։ Իր առաջին գոլը խփեց ապրիլի 10-ին՝ Արսենալի դեմ խաղում[22][23]։ Մայիսի 14-ին սերբը իրացրեց 11-մետրանոցը Հալլ Սիթիի դեմ խաղում՝ օգնելով իր թիմին հաղթել 4-0 հաշվով և պահպանել տեղը Պրեմիեր Լիգայում[24][25]։ Իր առաջին մրցաշրջանում Միլիվոևիչը անցկացրեց 14 հանդիպում՝ դառնալով 2 գոլի հեղինակ[26]։
2017 թվականի դեկտեմբերի 23-ին Միլիվոևիչը գոլի հեղինակ դարձավ Սուոնսի Սիթիի դեմ խաղում, իսկ հանդիպումն ավարտվեց 1-1 հաշվով[27]։ 2018 թվականի հունվարի 2-ին սերբը գոլ խփեց Սաութհեմպտոնի դեմ հանդիպման 80-րդ րոպեին՝ 2-1 հաշվով հաղթանակ պարգևելով Քրիսթալ Փելասին[28]։ Թիմի ավագի թևկապով նա առաջին անգամ խաղադաշտ դուրս եկավ հունվարի 13-ին՝ Բարնլիի դեմ խաղում[29]։ Հունվարի 20-ին Միլիվոևիչը գոլ խփեց Արսենալի դեմ խաղում[30][31]։ 2017-18 մրցաշրջանում նա անցկացրեց 37 հանդիպում[32]՝ խփելով 10 գնդակ և դառնալով Քրիսթալ Փելասի տարվա լավագույն ռմբարկուն[33][34]։ Միլիվոևիչը ձեռք բերեց 11-մետրանոցները լավ խփելու համբավ՝ իր առաջին 1.5 մրցաշրջանում իրացնելով խփած տաս 11-մետրանոցներից 9-ը[35][36][37]։
2018-19 մրցաշրջանում Միլիվոևիչը դարձավ Քրիսթալ Փելասի հիմնական ավագը։ 2018 թվականի հոկտեմբերի 28-ին սերբը դուբլ ձևակերպեց Արսենալի դեմ խաղում, իսկ հանդիպումն ավարտվեց 2-2 հաշվով[38][39]։ Դեկտեմբերի 15-ին նա խփեց Լեսթեր Սիթիի դեմ հանդիպման միակ գնդակը՝ 1-0 հաշվով հաղթանակ պարգևելով Քրիսթալ Փելասին[40][41]։ Դեկտեմբերի 22-ին Միլիվոևիչը իրացրեց 11-մետրանոցը Մանչեսթեր Սիթիի դեմ խաղում՝ օգնելով իր թիմին հաղթել 3-2 հաշվով[42][43]։ 2019 թվականի հունվարի 2-ին նա գոլի հեղինակ դարձավ Վուլվերհեմպտոն Ուոնդերերսի դեմ խաղում[44]։ Ապրիլի 6-ին սերբը խփեց Նյուքասլ Յունայթեդի դեմ խաղի միակ գոլը[45]։ 2018-19 մրցաշրջանում Միլիվոևիչը անցկացրեց 42 հանդիպում՝ դառնալով 12 գոլի ու 3 գոլային փոխանցման հեղինակ[46], և երկրորդ տարին անընդմեջ դարձավ Քրիսթալ Փելասի լավագույն ռմբարկուն[47]։
2019 թվականի օգոստոսի 9-ին Միլիվոևիչը երկարաձգեց իր պայմանագիրը Քրիսթալ Փելասի հետ մինչև 2023 թվականը[48][49][50][51]։ Հոկտեմբերի 27-ին նա գոլի հեղինակ դարձավ Արսենալի դեմ խաղում, իսկ հանդիպումն ավարտվեց 2-2 հաշվով[52][53]։
Միջազգային կարիերա
Միլիվոևիչը ներկայացրել է Սերբիան մինչև 21 տարեկանների երիտասարդական հավաքականում։ Սերբիայի ազգային հավաքական առաջին անգամ հրավիրվեց 2011 թվականի սեպտեմբերի 29-ին՝ Իտալիայի և Սլովենիայի դեմ խաղերի համար[54], սակայն այս հանդիպումներում խաղադաշտ դուրս չեկավ[55][56]։ Իր դեբյուտը ազգային հավաքականում նշեց նոյեմբերի 14-ին՝ Չիլիի դեմ ընկերական խաղում[57]։ Իր առաջին գոլը Սերբիայի հավաքականի կազմում խփեց 2017 թվականի հոկտեմբերի 6-ին՝ Ավստրիայի դեմ խաղում[58][59]։
2018 թվականի հունիսի 1-ին Միլիվոևիչը ընդգրկվեց Սերբիայի՝ աշխարհի առաջնության համար վերջնական կազմում[60][61]։ Առաջնությունում նա անցկացրեց 2 հանդիպում[62], իսկ Սերբիան դուրս մնաց խմբային փուլից՝ զիջելով Բրազիլիային և Շվեյցարիային[63][64]։
Կարիերայի վիճակագրություն
Ակումբային վիճակագրություն
2019 թվականի դեկտեմբերի 20-ի դրությամբ[65]
Ակումբ | Մրցաշրջան | Առաջնություն | Գավաթ | Եվրոպա | Այլ | Ընդհանուր | ||||||
---|---|---|---|---|---|---|---|---|---|---|---|---|
Դիվիզիոն | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | ||
Ռադ | 2008–09 | Սերբիայի Սուպերլիգա | 1 | 0 | 0 | 0 | — | — | 1 | 0 | ||
2009–10 | 9 | 0 | 0 | 0 | 9 | 0 | ||||||
2010–11 | 26 | 0 | 0 | 0 | 26 | 0 | ||||||
2011–12 | 13 | 3 | 1 | 0 | 4 | 0 | 18 | 3 | ||||
Ընդհանուր | 49 | 3 | 1 | 0 | 4 | 0 | 0 | 0 | 54 | 3 | ||
Ցրվենա Զվեզդա | 2011–12 | Սերբիայի Սուպերլիգա | 11 | 1 | 3 | 0 | — | — | 14 | 1 | ||
2012–13 | 25 | 6 | 2 | 0 | 5 | 0 | 32 | 6 | ||||
2013–14 | 0 | 0 | 0 | 0 | 1 | 0 | 1 | 0 | ||||
Ընդհանուր | 36 | 7 | 5 | 0 | 6 | 0 | 0 | 0 | 47 | 7 | ||
Անդերլեխտ | 2013–14 | Բելգիայի Պրո Լիգա | 16 | 0 | 1 | 0 | 4 | 0 | 0 | 0 | 21 | 0 |
2014–15 | 3 | 0 | 0 | 0 | 0 | 0 | 1 | 0 | 4 | 0 | ||
Ընդհանուր | 19 | 0 | 1 | 0 | 4 | 0 | 1 | 0 | 25 | 0 | ||
Օլիմպիակոս | 2014–15 | Հունաստանի Սուպերլիգա | 23 | 2 | 7 | 4 | 7 | 0 | 0 | 0 | 37 | 6 |
2015–16 | 22 | 3 | 3 | 0 | 6 | 0 | 0 | 0 | 31 | 3 | ||
2016–17 | 17 | 6 | 1 | 0 | 8 | 0 | 0 | 0 | 26 | 6 | ||
Ընդհանուր | 62 | 11 | 11 | 4 | 21 | 0 | 0 | 0 | 94 | 15 | ||
Քրիսթալ Փելաս | 2016–17 | Պրեմիեր Լիգա | 14 | 2 | 0 | 0 | — | 0 | 0 | 14 | 2 | |
2017–18 | 36 | 10 | 0 | 0 | 1 | 0 | 37 | 10 | ||||
2018–19 | 38 | 12 | 3 | 0 | 1 | 0 | 42 | 12 | ||||
2019–20 | 16 | 2 | 0 | 0 | 0 | 0 | 16 | 2 | ||||
Ընդհանուր | 104 | 26 | 3 | 0 | 0 | 0 | 2 | 0 | 109 | 26 | ||
Կարիերայի ընդհանուր | 270 | 47 | 21 | 4 | 35 | 0 | 3 | 0 | 329 | 51 |
Միջազգային վիճակագրություն
2019 թվականի դեկտեմբերի 20-ի դրությամբ[65]
Սերբիա | ||
---|---|---|
Տարի | Խաղեր | Գոլեր |
2012 | 1 | 0 |
2013 | 6 | 0 |
2015 | 4 | 0 |
2016 | 9 | 0 |
2017 | 5 | 1 |
2018 | 6 | 0 |
2019 | 6 | 0 |
Ընդհանուր | 37 | 1 |
Միջազգային գոլեր
# | Ամսաթիվ | Մարզադաշտ | Մրցակից | Հաշիվ | Արդյունք | Մրցաշար |
---|---|---|---|---|---|---|
1. | Հոկտեմբերի 6, 2017 | Էրնստ Հապել մարզադաշտ, Վիեննա, Ավստրիա | ![]() | 1–0 | 2–3 | ԱԱ 2018 Որակավորում |
Նվաճումներ
Ակումբային
Ցրվենա Զվեզդա
- Սերբիայի գավաթ. 2011–12[66]
Անդերլեխտ
Օլիմպիակոս
- Հունաստանի առաջնություն. 2014–15[69], 2015–16[70]
- Հունաստանի գավաթ. 2014–15[71]; երկրորդ տեղ. 2015–16[72]
Անհատական
Ծանոթագրություններ
Արտաքին հղումներ
- Միլիվոևիչի պաշտոնական Ֆեյսբուքի էջը
- Միլիվոևիչը transfermarkt-ում
- Միլիվոևիչը soccerbase.com-ում
- Միլիվոևիչը WhoScored.com կայքում
- Միլիվոևիչը Քրիսթալ Փելասի պաշտոնական կայքում
- Միլիվոևիչը Պրեմիեր Լիգայի պաշտոնական կայքում
- Միլիվոևիչը ՈՒԵՖԱ-ի պաշտոնական կայքում
- Միլիվոևիչը ՖԻՖԱ-ի պաշտոնական կայքում Արխիվացված 2019-12-20 Wayback Machine
![]() | Վիքիպահեստն ունի նյութեր, որոնք վերաբերում են «Լուկա Միլիվոևիչ» հոդվածին։ |