Կիրան Տիրնի
Կիրան Տիրնի (անգլ.՝ Kieran Tierney, հունիսի 5, 1997[1][2], Դուգլաս, Մեն), շոտլանդացի պրոֆեսիոնալ ֆուտբոլիստ։ Ներկայումս հանդես է գալիս Արսենալի և Շոտլանդիայի ազգային հավաքականի կազմում։ Խաղում է ձախ պաշտպանի դիրքում[3]։
 Kieran Tierney | |||
|---|---|---|---|
.jpg) Տիրնին Սելտիկի կազմում 2016 թվականին | |||
| Անձնական տվյալներ | |||
| Քաղաքացիությունը |  Շոտլանդիա Մեն կղզի | ||
| Ծննդյան ամսաթիվ | հունիսի 5, 1997[1][2] (26 տարեկան) | ||
| Ծննդավայր | Դուգլաս, Մեն | ||
| Հասակ | 178 սմ | ||
| Քաշ | 70 կգ | ||
| Դիրք | ձախ պաշտպան | ||
| Ակումբային տեղեկություններ | |||
| Ներկա ակումբ |  Արսենալ | ||
| Համար | 3 | ||
| Պատանեկան կարիերա | |||
| 2005-2015 | Սելտիկ | ||
| Մասնագիտական կարիերա* | |||
| Տարի | Ակումբ | Խաղ (գոլ) | |
| 2015-2019 | Սելտիկ | 102 | (5) |
| 2019-ներկա | Արսենալ | 2 | (0) |
| Ազգային հավաքական‡ | |||
| 2014-2015 | Շոտլանդիա Մ18 | 1 | (1) |
| 2015-2016 | Շոտլանդիա Մ19 | 4 | (0) |
| 2016-ներկա | Շոտլանդիա | 12 | (0) |
* Մասնագիտական կարիերայում ընդգրկված են միայն առաջնության խաղերը և գոլերը | |||
Ակումբային կարիերա
Սելտիկ
Տիրնին Սելտիկի ակադեմիայի սան է[4]։ Իր պրոֆեսիոնալ դեբյուտը նշեց 2015 թվականի ապրիլի 22-ին՝ փոխարինման մտնելով Դանդիի դեմ խաղում[5]։ Իր առաջին հանդիպումը Սելտիկի մեկնարկային կազմում անցկացրեց մայիսի 15-ին՝ Սենտ Ջոնստոնի դեմ խաղում[6]։ Իր դեբյուտը Եվրոպայի Լիգայում նշեց 2015 թվականի հոկտեմբերի 1-ին՝ Ֆեներբահչեի դեմ խաղում[7]։ 2016 թվականի ապրիլի 9-ին Տիրնին 2 գոլային փոխանցում տվեց Մոտերուելի դեմ խաղում՝ օգնելով Սելտիկին հաղթել 2-1 հաշվով[8]։ Իր առաջին գոլը պրոֆեսիոնալ կարիերայում խփեց 2016 թվականի մայիսի 15-ին՝ Մոտերուելի դեմ խաղում[9]։ 2015-16 մրցաշրջանում Տիրնին անցկացրեց 33 հանդիպում բոլոր մրցաշարերում՝ դառնալով 1 գոլի և 8 գոլային փոխանցման հեղինակ[10]։ Այս մրցաշրջանում Սելտիկը հաղթեց Շոտլանդիայի առաջնությունը[11], իսկ Տիրնին ճանաչվեց Սելտիկի և Շոտլանդիայի տարվա լավագույն երիտասարդ ֆուտբոլիստ[12], ինչպես նաև՝ ընդգրկվեց Շոտլանդիայի առաջնության խորհրդանշական հավաքականում[13]։ 2016 թվականի հունիսի 24-ին նա 5 տարով երկարաձգեց իր պայմանագիրը ակումբի հետ[14][15]։
2016-17 մրցաշրջան
Իր առաջին հանդիպումը Չեմպիոնների Լիգայի խմբային փուլում Տիրնին անցկացրեց 2016 թվականի սեպտեմբերի 13-ին՝ Բարսելոնայի դեմ 7-0 հաշվով ավարտված խաղում[16]։ Հոկտեմբերի 27-ին նա ծանր վնասվածք ստացավ մարզման ժամանակ՝ բաց թողելով 2 ամիս[17]։ Շոտլանդացին խաղադաշտ վերադարձավ 2017 թվականի հունվարի 22-ին՝ Շոտլանդիայի գավաթի Ալբիոն Ռովերսի դեմ խաղում՝ այս խաղում դառնալով գոլային փոխանցման հեղինակ[18][19]։ Հունվարի 29-ին Տիրնին 2 գոլային փոխանցում տվեց Հարթ օֆ Միդլոտիանի դեմ խաղում, իսկ հանդիպումն ավարտվեց 4-0 հաշվով[20]։ 2016-17 մրցաշրջանում նա անցկացրեց 40 հանդիպում՝ դառնալով 2 գոլի և 12 գոլային փոխանցման հեղինակ[21]։ Այս մրցաշրջանում Սելտիկը ազգային տրեբլ նվաճեց՝ հաղթելով Շոտլանդիայի առաջնությունը[22], Շոտլանդիայի գավաթը[23] և Շոտլանդիայի լիգայի գավաթը[24], իսկ Տիրնին 2-րդ անգամ ճանաչվեց Սելտիկի[25] և Շոտլանդիայի տարվա լավագույն երիտասարդ ֆուտբոլիստ[26] և ընդգրկվեց Շոտլանդիայի առաջնության խորհրդանշական հավաքականում[27]։
2017-18 մրցաշրջան
2017 թվականի օգոստոսի 8-ին՝ Շոտլանդիայի լիգայի գավաթի Կիլմարնոկի դեմ խաղում Տիրնին առաջին անգամ խաղադաշտ դուրս եկավ Սելտիկի ավագի թևկապով[28]։ Այս խաղում նա դարձավ գոլի և գոլային փոխանցման հեղինակ՝ օգնելով իր թիմին հաղթել 5-0 հաշվով[29]։ Հոկտեմբերի 25-ին շոտլանդացին գոլի և գոլային փոխանցման հեղինակ դարձավ Աբերդինի դեմ խաղում[30]։ 5 օր անց՝ հոկտեմբերի 30-ին Տիրնին երկարաձգեց իր պայմանագիրը Սելտիկի հետ մինչև 2023 թվականը[31][32]։ 2017-18 մրցաշրջանում նա անցկացրեց 55 հանդիպում բոլոր մրցաշարերում՝ դառնալով 4 գոլի և 11 գոլային փոխանցման հեղինակ[33]։ Նա 3-րդ անգամ անընդմեջ ճանաչվեց Սելտիկի[34] և Շոտլանդիայի տարվա լավագույն երիտասարդ ֆուտբոլիստ[35]՝ օգնելով Սելտիկին 2-րդ տարին անընդմեջ ազգային տրեբլ նվաճել՝ հաղթելով Շոտլանդիայի առաջնությունը[36], Շոտլանդիայի գավաթը[37] և Շոտլանդիայի լիգայի գավաթը[38]։
2018-19 մրցաշրջան
2018 թվականի աշնանը Տիրնին Շոտլանդիայի առաջնության 4 խաղում անընդմեջ դարձավ գոլային փոխանցման հեղինակ՝ օգնելով իր թիմին հաղթել Սենտ-Ջոնսթոնի, Հիբերնիանի, Դանդիի և Հարթ օֆ Միդլոտիանի դեմ հանդիպումներում[39][40][41][42]։ Նոյեմբերի 8-ին նա գոլ խփեց Եվրոպայի Լիգայի խմբային փուլի ՌԲ Լայպցիգի դեմ խաղում, իսկ Սելտիկը հաղթեց 2-1 հաշվով[43]։ Դեկտեմբերի 2-ին Տիրնին թիմի մեկնարկային կազմում խաղադաշտ դուրս եկավ Շոտլանդիայի լիգայի գավաթի եզրափակչի Աբերդինի դեմ խաղում[44]՝ օգնելով ակումբին նվաճել գավաթը[45][46]։ 2018-19 մրցաշրջանում Սելտիկը կրկին ազգային տրեբլ հաղթեց՝ նվաճելով Շոտլանդիայի առաջնությունը[47][48], Շոտլանդիայի գավաթը[49][50] և Շոտլանդիայի լիգայի գավաթը[45][46]։ Ակումբի կազմում Տիրնին անցկացրեց 170 հանդիպում՝ դառնալով 8 գոլի և 37 գոլային փոխանցման հեղինակ[51][52]։
Արսենալ
2019 թվականի օգոստոսի 8-ին Տիրնին 25 միլիոն ֆունտ ստերլինգի դիմաց տեղափոխվեց Արսենալ[53][54][55][56]։ Իր դեբյուտը ակումբի կազմում նշեց սեպտեմբերի 24-ին՝ Անգլիայի լիգայի գավաթի Նոթինգհեմ Ֆորեստի դեմ խաղում[57][58]։ Առաջին հանդիպումը Պրեմիեր Լիգայում անցկացրեց հոկտեմբերի 27-ին՝ թիմի մեկնարկային կազմում խաղադաշտ դուրս գալով Քրիսթալ Փելասի դեմ խաղում[59][60]։
Միջազգային կարիերա
Տիրնին ներկայացրել է Շոտլանդիան մինչև 18 և մինչև 19 տարիքային երիտասարդական հավաքականներում[61]։ Շոտլանդիայի ազգային հավաքական առաջին անգամ հրավիրվեց 2016 թվականի մարտի 10-ին՝ Չեխիայի և Դանիայի դեմ խաղերի համար[62]։ Իր դեբյուտը ազգային հավաքականի կազմում նշեց մարտի 29-ին՝ Դանիայի դեմ ընկերական խաղում[63][64]։ Առաջին հանդիպումը հավաքականի ավագի թևկապով անցկացրեց 2017 թվականի նոյեմբերի 9-ին՝ Նիդերլանդների դեմ խաղում[65][66]։
Կարիերայի վիճակագրություն
Ակումբային վիճակագրություն
2019 թվականի նոյեմբերի 22-ի դրությամբ[67]
| Ակումբ | Մրցաշրջան | Առաջնություն | Գավաթ | Եվրոպա | Այլ | Ընդհանուր | ||||||
|---|---|---|---|---|---|---|---|---|---|---|---|---|
| Դիվիզիոն | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | ||
| Սելտիկ | 2014–15 | Պրեմիերշիպ | 2 | 0 | 0 | 0 | 0 | 0 | 0 | 0 | 2 | 0 |
| 2015–16 | 23 | 1 | 4 | 0 | 4 | 0 | 2 | 0 | 33 | 1 | ||
| 2016–17 | 24 | 1 | 5 | 1 | 9 | 0 | 2 | 0 | 40 | 2 | ||
| 2017–18 | 32 | 3 | 5 | 0 | 14 | 0 | 4 | 1 | 55 | 4 | ||
| 2018–19 | 21 | 0 | 2 | 0 | 14 | 1 | 3 | 0 | 40 | 1 | ||
| Ընդհանուր | 102 | 5 | 16 | 1 | 41 | 1 | 11 | 1 | 170 | 8 | ||
| Արսենալ | 2019–20 | Պրեմիեր Լիգա | 2 | 0 | 0 | 0 | 3 | 0 | 2 | 0 | 7 | 0 |
| Կարիերայի ընդհանուր | 104 | 5 | 16 | 1 | 44 | 1 | 13 | 1 | 177 | 8 | ||
Միջազգային վիճակագրություն
2019 թվականի նոյեմբերի 22-ի դրությամբ[67]
| Շոտլանդիա | ||
|---|---|---|
| Տարի | Խաղեր | Գոլեր |
| 2016 | 2 | 0 |
| 2017 | 7 | 0 |
| 2018 | 3 | 0 |
| Ընդհանուր | 12 | 0 |
Նվաճումներ
Ակումբային
- Սելտիկ
- Շոտլանդիայի առաջնություն․ 2015–16[11], 2016–17[22], 2017–18[36], 2018–19[47]
- Շոտլանդիայի գավաթ․ 2016–17[23], 2017–18[37], 2018–19[49]
- Շոտլանդիայի լիգայի գավաթ․ 2016–17[24], 2017–18[38], 2018–19[45]
Անհատական
- ՊՖԱ Շոտլանդիայի տարվա լավագույն երիտասարդ ֆուտբոլիստ․ 2015–16[12], 2016–17[26], 2017–18[35]
- ՍՖՎԱ Շոտլանդիայի տարվա լավագույն երիտասարդ ֆուտբոլիստ․ 2015–16[68], 2016–17[69], 2017–18[70]
- Սելտիկի տարվա լավագույն երիտասարդ ֆուտբոլիստ․ 2015–16, 2016–17[25], 2017–18[34]
- Շոտլանդիայի առաջնության խորհրդանշական հավաքական․ 2015–16[13], 2016–17[27], 2017–18[71]
- Շոտլանդիայի առաջնության ամսվա լավագույն ֆուտբոլիստ․ հոկտեմբեր 2017[72]
Ծանոթագրություններ
Արտաքին հղումներ
- Տիրնիի պաշտոնական Ֆեյսբուքի էջը
- Տիրնիի պաշտոնական Տվիտերի էջը
- Տիրնիի պաշտոնական Ինստագրամի էջը
- Տիրնին transfermarkt-ում
- Տիրնին soccerbase.com-ում
- Տիրնին WhoScored.com կայքում
- Տիրնին Արսենալի պաշտոնական կայքում
- Տիրնին Պրեմիեր Լիգայի պաշտոնական կայքում
- Տիրնին ՈՒԵՖԱ-ի պաշտոնական կայքում
- Տիրնին Շոտլանդիայի ֆուտբոլի ասոցիացիայի կայքում
 | Վիքիպահեստն ունի նյութեր, որոնք վերաբերում են «Կիրան Տիրնի» հոդվածին։ |