ՈՒԵՖԱ Եվրոպայի Լիգա
ՈՒԵՖԱ Եվրոպայի Լիգա (անգլ.՝ UEFA Europa League, նախկինում՝ ՈՒԵՖԱ Գավաթ), ֆուտբոլային ամենամյա մրցաշար։ Անց է կացվում 1971 թվականից։ Ըստ նշանակության՝ համարվում է երկրորդ ֆուտբոլային ակումբային առաջնությունը Եվրոպայում՝ Չեմպիոնների Լիգայից հետո։ Կազմակերպվում է ՈՒԵՖԱ-ի կողմից։ Մասնակցում են ակումբներ, որոնք իրենց ազգային առաջնությունների ավարտից հետո, ՈՒԵՖԱ վարկանիշից կախված, մրցաշարային աղյուսակում զբաղեցնում են որոշակի տեղեր, ինչպես նաև ազգային գավաթի խաղարկությունների հաղթող կամ եզրափակչի մասնակից ակումբները։
| ՈՒԵՖԱ Եվրոպայի Լիգա UEFA Europa League | ||
|---|---|---|
| [[Պատկեր:2015 UEFA Europa League logo.svg | ՈՒԵՖԱ Եվրոպայի Լիգա]] | |
| Երկիր | Եվրոպա | |
| Ֆուտբոլային ասոցիացիա | ՈՒԵՖԱ | |
| Հիմնվել է | 1971 թվայաբ (2009 թվականից ներկա ֆորմատով) | |
 Ներկայիս չեմպիոն |  Ատլետիկո Մադրիդ (3-րդ տիտղոս) | |
| Ամենատիտղոսավոր թիմ | Սևիլյա (5 տիտղոս) | |
| Պաշտոնական կայք | Պաշտոնական կայք | |
Մինչև 2008/09 մրցաշրջանը կոչվում էր ՈՒԵՖԱ Գավաթ (անգլ.՝ UEFA Cup) և անց էր կացվում այլ ֆորմատով։
Մրցաշարի առաջին հաղթողը համարվում է Տոտտենհեմ Հոտսպուր ակումբը։ Ընդհանուր առմամբ առաջնությունում հաղթել են 27 տարբեր ակումբներ, որոնցից 12-ը՝ մեկից ավել անգամ։ Հաղթանակների քանակով ռեկորդակիր է իսպանական Սևիլյա ակումբը, որն այդ առաջնությունում հաղթել է 5 անգամ, իսկ գործող չեմպիոնն է Չելսին[1]։
Սկսած 2015/16 մրցաշրջանից՝ հաղթող ակումբը որակավորվում է Չեմպիոնների Լիգա։
