Համիլթոն (Բերմուդներ)

Համիլթոնի պատմությունը սկսվել է 1790 թվականից, երբ Բերմուդների կառավարությունն իր ապագա նստավայրի համար վերապահել էր 587 հազար մ² (145 ակր) հող, որը 1793 թվականին պաշտոնապես հաստատվել էր պառլամենտական ակտով։ 1815 թվականին գաղութի վարչական կենտրոնը Սենտ Ջորջից տեղափոխվել է Համիլթոն։ Համիլթոնը քաղաքամասից քաղաք է դարձել 1897 թվականին՝ Համիլթոն քաղաքի տաճարի (Անգլիկան եկեղեցի) կառուցումից հետո։ Ավելի ուշ կառուցվեց կաթոլիկ տաճարը։ Այսօր Համիլթոնը ֆինանսական կենտրոն է, խոշոր նավահանգիստ և տուրիստական նպատակակետ։

Թեև Համիլթոնը Բերմուդյան կղզիների վարչական կենտրոնն է, նրա մշտական բնակչությունն ընդամենը 1010 բնակիչ է (2010), թեպետ որոշ գնահատականներով` 1500 է։ Համիլթոնը Բերմուդների միակ պաշտոնական քաղաքն է, բայց փաստացի այն ավելի փոքր է պատմական Սենտ Ջորջ քաղաքից։

Հաշվի առնելով կղզու աշխարհագրական դիրքը, ինչպես նաև Ատլանտյան օվկիանոսի կողմից ակտիվ ցիկլոնները՝ Համիլթոնն ունի արևադարձային կլիմա, գրեթե հավասարաչափ առատ տեղումներով (մի քիչ ավելի պակաս ապրիլին-մայիսին, մի քիչ շատ հոկտեմբերին, մնացած ամիսներին` 100-120 մմ)^[2]։

Ջերմաստիճանի և տեղումների տարեկան միջին ցուցանիշները Համիլթոն
Ամիս	հունվ	փետ	մարտ	ապր	մայ	հուն	հուլ	օգոս	սեպ	հոկ	նոյ	դեկ	տարին
միջին առավելագույնը (°C)	20	20	20	21	23	27	29	30	28	26	23	21	24
միջին ջերմաստիճանը (°C)	18	17	18	19	22	25	27	27	26	24	21	19	22
միջին նվազագույնը (°C)	16	15	15	17	20	22	25	25	24	22	19	17	20
տեղումների քանակը (մմ)	120	110	100	80	70	120	110	120	120	160	100	110	1400
Աղբյուր՝ Weatherbase

Քաղաքը ծառայում է Bacardi ընկերության Accenture (նախկին Անդերսեն Քոլսալթինգ) ղեկավար կայան։ Այստեղ գրանցված են նաև ACE Ltd., SVP Worldwide ընկերությունները և այլ։ Այստեղ չունի անվանական գրասենյակ Tyco International ընկերությունը։

Համիլթոնը ք.Պերթի (Ավստրալիա) հակոտնյան է։

Քաղաք Համիլթոն Արխիվացված 2006-04-20 Wayback Machine Պատմական տեղեկություններ կայքում Bermuda Island.net անգլերեն լեզվով

Վիքիպահեստն ունի նյութեր, որոնք վերաբերում են «Համիլթոն (Բերմուդներ)» հոդվածին։