Հրդեհ Գաոսյուն քաղաքի բնակելի տանը
Հրդեհ Գաոսյուն քաղաքի բնակելի տանը, լուրջ հրդեհ, որը տեղի է ունեցել 2021 թվականի հոկտեմբերի 14-ին Թայվանի Գաոսյուն քաղաքի 13-հարկանի բնակելի շենքում։ Հրդեհը խլել է 46 մարդու կյանք[1][2][3][4][5], ինչը դարձել է Թայվանի ամենամահաբեր հրդեհը 1995 թվականից ի վեր։ Բի-բի-սի-ի տվյալներով՝ հիվանդանոց է տեղափոխվել 79 մարդ, որոնցից 14-ը գտնվում են ծանր վիճակում[2][6]։
Հրդեհ Գաոսյուն քաղաքի բնակելի տանը | |
---|---|
Տեսակ | հրդեհ |
Վայր | Fubei Village? |
Տեղադրանք | Գաոսյուն |
Երկիր | Թայվան |
Տարեթիվ | հոկտեմբերի 14, 2021 |
Զոհվածներ | 46 մարդ |
Վիրավորներ | 41 |
Տեղեկություններ շենքի մասին
Հրդեհը բռնկվել Է Թայվանի Գաոսյուն քաղաքի շրջանում գտնվող 13-հարկանի շենքում[1][3][4]։
Գաոսյունի քաղաքապետը հայտարարել է, որ շենքում նախկինում եղել է կինոթատրոն, ինչպես նաև ռեստորաններ ու կարաոկե սրահներ, սակայն հրդեհի ժամանակ դրանք մասամբ լքված են եղել[3]։ Կառավարությունում նաև պատմել են, որ շենքը մոտ 40 տարեկան է եղել[7]։
Ներքևի և ստորգետնյա հարկերում եղել են խանութներ։ Երկու ստորգետնյա հարկերում, ինչպես նաև առաջինից մինչև հինգերորդ հարկերում ոչ ոք չի բնակվել, մինչդեռ յոթերորդ և տասնմեկերորդ հարկերում եղել են շուրջ 120 տանտերեր[7]։ Հրշեջ ծառայության ղեկավար Լի Չինսյուն հայտարարել է, որ բնակիչների մեծ մասը եղել են տարեց կամ տառապել են ֆիզիկական ծանր հիվանդություններով[4]։
Հրդեհից մեկ ամիս առաջ շենքում տեղադրվել են կրակմարիչներ, բայց տասներեք հարկերից միայն երեքում։ Դա կապված է միջոցների չբավարարման հետ[8]։
1999 թվականին շենքը տուժել է մեկ այլ հրդեհից, ընդ որում ոչ ոք չի զոհվել[9][10]։
Հրդեհ
Քաղաքի հրշեջ ծառայությունը հայտարարել է, որ հրդեհի մասին առաջին ահազանգը ստացվել է տեղական ժամանակով ժամը 02:54-ին[1][11]։ Ենթադրվում է, որ հրդեհը բռնկվել է շենքի առաջին հարկում[8]։
Փրկվածներից մեկն ասել է, որ հրդեհի սկսվելուց հետո մեծ քանակությամբ սև ծուխ է տեսել[6]։ Շատ բնակիչներ հայտնել են, որ հրդեհից առաջ ձայն պայթյունի նման ձայն են լսել[6]։
Դեպքի վայր են ժամանել 159 հրշեջ և 75 հրշեջ մեքենաներ[1]։ Ժամը 7:17-ի դրությամբ հրդեհը ամբողջությամբ մարվել է[4]։ Կեսօրին շենքից տարահնվել է ութից մինչև ութսուներեք տարեկան առնվազն վաթսուներկու մարդ[12]։
Ստորին հարկերում մեծ քանակությամբ աղբը կարող էր զգալիորեն մեծացնել հրդեհի տարածման արագությունը[13]։
Զոհեր և վիրավորներ
Հրդեհի հետևանքով զոհվել է 46 մարդ, որոնցից 32-ը մահացել են դեպքի վայրում, ևս 14-ը մահացել են հիվանդանոցում։ Բի-բի-սի-ն հաղորդում է, որ ևս 79 մարդ տեղափոխվել է տեղական հիվանդանոցներ, ընդ որում նրանցից 14-ը գտնվում են ծանր վիճակում[2][6]։ Զոհերի միջին տարիքը 62 տարեկան է[4]։
Արձագանք
Թայվանի նախագահ Ցայ Ին Վենը խնդրել է կառավարությանը օգնություն ցուցաբերել այրված տան բնակիչների վերաբնակեցման հարցում[7]։
Հետաքննություն
Իշխանությունները կարգադրել են հետաքննություն անցկացնել հրդեհի պատճառը պարզելու համար և չեն բացառել շենքի հրկիզման վարկածը[3]։ Հարցաքննվել են չորս վկաներ[4]։ Կուո ազգանունով տղամարդը և Խուան ազգանունով կինը ձերբակալվել են Գաոսյունի շրջանային դատախազության կողմից։ Հարցաքննությունից հետո Կուոն գրավի դիմաց ազատ է արձակվել[14][15]։