Մարքս եղբայրներ
Մարքս եղբայրներ (անգլ.՝ Marx Brothers), ամերիկացի կատակերգու հանրաճանաչ հինգ եղբայրներ, որոնք մասնագիտացել են ծեծկռտուքներից, ապտակներից, սիրախաղից և «տորթերի նետումից» բաղկացած «աբսուրդի կատակերգությունում»։
Ծնվել են Նյու Յորքում՝ հրեա ներգաղթյալների ընտանիքում։ Նրանց մայրը՝ Մինի Շենբերգը, ծնվել է Ռեյնյան Պրուսիայում, իսկ հայրը՝ Սեմուել Մարքսը, ֆրանսիական Էլզաս բնակավայրում[1]։ Խաղացել են վոդևիլներում և թատերական ներկայացումներում, բայց համաշխարհային ճանաչում են ձեռքբերել կինեմատոգրաֆիայի շնորհիվ[2]։ Մարքս եղբայրներին համեմատում են այնպիսի աստղերի հետ, ինչպիսիք են Չարլի Չապլինն ու Բաստեր Քիթոնը։
Ֆիլմագրություն
Թվական | Բնօրինակ անվանում | Հայերեն անվանում(ներ) | Դերակատարներ |
---|---|---|---|
1929 | The Cocoanuts[3] | Հնդկընկույզները | Զեփո, Գրաուչո, Հարփո, Չիկո |
1930 | Animal Crackers[4] | «Գողերը և որսորդները» | Գրաուչո, Հարփո, Չիկո, Զեփո |
1931 | Monkey Business[5] | «Կապիկների հնարքներ» | Գրաուչո, Հարփո, Չիկո, Զեփո |
1932 | Horse Feathers[6] | «Ձիու բաշ» | Գրաուչո, Հարփո, Չիկո, Զեփո |
1933 | Duck Soup | «Բադապուր» | Գրաուչո, Հարփո, Չիկո, Զեփո |
1935 | A Night at the Opera[7] | «Գիշեր օպերայում» (Երեկո օպերայում) | Գրաուչո, Չիկո, Հարփո |
1937 | A Day at the Races[8] | «Մրցարշավի օր» | Գրաուչո, Չիկո, Հարփո |
1938 | Room Service[9] | «Սպասարկում» | Գրաուչո, Չիկո, Հարփո |
1939 | At the Circus[10] | «Կրկեսում» | Գրաուչո, Չիկո, Հարփո |
1940 | Go West[11] | «Դեպի արևմուտք» | Գրաուչո, Չիկո, Հարփո |
1941 | The Big Store[12] | «Մեծ խանութ» | Գրաուչո, Չիկո, Հարփո |
1946 | A Night in Casablanca[13] | «Գիշեր Կասաբլանկայում» | Գրաուչո, Չիկո, Հարփո |
1949 | Love Happy[14] | «Երջանիկ սեր» | Հարփո, Չիկո, Գրաուչո |
1950—1961 | You Bet Your Life (հեռուստասերիալ)[15] | «Խաղադրույք-կյանք» | Գրաուչո (153 серии, 1950—1961), Չիկո (3 серии, 1957), Հարփո (3 серии, 1957—1961) |
1959 | The Incredible Jewel Robbery («General Electric Theater» հեռուստասերիալի սերիա[16] | «Ադամանդների անհավանական հափշտակում» | Հարփո, Չիկո |
Եղբայրներ
Առաջին ֆիլմերին մասնակցել են հինգ եղբայրներից չորսը՝ Չիկոն, Հարփոն, Գրաուչոն և Զեփոն։
1935 թվականից Զեփոն դադարել է նկարահանվել կինոֆիլմերում։
Գամոն մասնակցել է խմբի բեմական ներկայացումներին, սակայն ֆիլմերում չի նկարահանվել։
Բեմական անուն | Իրական անուն | Ծնված | Մահացած | Տարիք |
---|---|---|---|---|
Չիկո | Լեոնարդ | 1887 թվականի մարտի 22 | 1961 թվականի հոկտեմբերի 11[17] | 74 |
Հարփո | Ադոլֆ (1911 թվականից հետո՝ Արթուր) | 1888 թվականի նոյեմբերի 23 | 1964 թվականի սեպտեմբերի 28[18] | 75 |
Գրաուչո | Ջուլիուս Հենրի | 1890 թվականի հոկտեմբերի 2 | 1977 թվականի օգոստոսի 19[19] | 86 |
Գամո | Միլթոն | 1893 թվականի հոկտեմբերի 23[20] | 1977 թվականի ապրիլի 21[21] | 83 |
Զեփո | Հերբերթ Մանֆրեդ | 1901 թվականի փետրվարի 25 | 1979 թվականի նոյեմբերի 30[22] | 78 |
Փաստեր
- «Այլասերված Կինոգիրը» վավերագրական ֆիլմում Սլավոյ Ժիժեկն ամպլուա երեք Մարքս եղբայրներին համեմատում է Ֆրոյդի ստեղծած անձի կառուցվածքի հետ՝ Գրաուչո՝ գեր-ես, Չիկո՝ ես, Հարփո՝ Նա։
- Նրանց հերոսների բնավորությունների համառոտ նկարագրությունը՝ Չիկո՝ պարզամիտ, Գրաուչո՝ խաբեբա, Հարփո՝ խուլիգան, Զեփո՝ գեղեցիկ տղա։
- Իմանալով Հեսսի թռիչքի մասին՝ Ուինսթոն Չերչիլն այն այնքան աբսուրդ է համարել, որ, որոշ վկայությունների համաձայն, հայտարարել է. «Հեսսն է, թե Հեսսը չէ, ես կգնամ Մարքս եղբայրներին նայելու»[23]։
- Բրիտանական Քուին ռոք խումբն իր երաժշտական երկու ալբոմներն անվանել է Մարքս եղբայրների ֆիլմերի պատվին՝ «A Night at the Opera» (1975) և «A Day at the Races» (1976)։
Նմանակումներ
- Երեք Մարքս եղբայրներին՝ Գրաուչոյին, Հարփոյին և Չիկոյին, նմանակել է Բեննի Հիլլը։
- Գրաուչո Մարքսի փոքրիկ նմանակումը ցուցադրել է Լեսլի Նիլսենը «Ռեցիդիվ» ֆիլմում։
- Մարքս եղբայրներին նվիրված է «Մուլտֆիլմերի արկածները» մուլտսերիալի «New Class Day» սերիան («A Night in Kokomo» հատված)։ Բասթեր Բանին՝ Չիկոյի կերպարում, Բեբս Բանին՝ Գրաուչոյի կերպարում, Գոգոն՝ Հարփոյի կերպարում[24]։
Ծանոթագրություններ
Գրականություն
- Волков А. Братья Маркс. — В кн.: Комики мирового экрана. М., 1966
- Кино США. Актерская энциклопедия. М., 1996
Արտաքին հղումներ
Վիքիպահեստն ունի նյութեր, որոնք վերաբերում են «Մարքս եղբայրներ» հոդվածին։ |