Մելինդա Գեյթս
Մելինդա Գեյթս (անգլ.՝ Melinda Ann Gates, ի ծնե՝ Մելինդա Էն Ֆրենչ, օգոստոսի 15, 1964[1], Դալաս[1]), ամերիկացի գործարար և բարեգործ, Բիլ Գեյթսի կինը։ Բիլ և Մելինդա Գեյթսերի հիմնադրամի համահիմնադիր և համանախագահ, ավելի վաղ եղել է Microsoft-ի վաճառքի բաժնի մի շարք ապրանքների մենեջեր, այդ թվում՝ Publisher, Microsoft Bob, Encarta և Expedia։
Մելինդա Գեյթս անգլ.՝ Melinda Gates | |
---|---|
Ծնվել է | օգոստոսի 15, 1964[1] (59 տարեկան) |
Ծննդավայր | Դալաս[1] |
Քաղաքացիություն | ԱՄՆ |
Կրոն | կաթոլիկություն |
Կրթություն | Դյուքի համալսարան (1986), Ursuline Academy of Dallas? (1982) և Ֆուկուա բիզնես դպրոց (1987) |
Մասնագիտություն | գործարար, մեկենաս, բարեգործ, կազմակերպության հիմնադիր, ձեռնարկատեր և ձեռնարկատեր |
Աշխատավայր | Մայքրոսոֆթ |
Ամուսին | Բիլ Գեյթս[1] |
Ծնողներ | մայր՝ Elaine Agnes Amerland?[2] |
Զբաղեցրած պաշտոններ | project manager? |
Պարգևներ և մրցանակներ | |
Անդամություն | Կապպա Ալֆա Թետա, Արվեստների և գիտությունների ամերիկյան ակադեմիա և տնօրենների խորհուրդ |
Երեխաներ | Ջենիֆեր Կաթարին Գեյթս, Ֆեբե Ադել Գեյթս և Ռորի Ջոն Գեյթս |
Կայք | gatesfoundation.org/Pages/home.aspx |
Melinda Gates Վիքիպահեստում |
Կենսագրություն
Մելինդան ծնվել է Դալասում (Տեխաս)[11]։ Նա ծնվել է ինժեներ Ռեյմոնդ Ջոզեֆ Ֆրենչ-կրտսերի և տնային տնտեսուհի Էլեյն Ագնես Էմերլանդի ընտանիքում։ Ունի ավագ քույր և երկու կրտսեր եղբայր[12]։ Մելինդան դավանանքով կաթոլիկ է[13][14], սովորում է սուրբ Մոնիկայի կաթոլիկ դպրոցում[15][16], որտեղ եղել է դասարանի լավագույն աշակերտուհին։ 1982 թվականին նա ավարտել է Դալասի Ուրսուլինկի ակադեմիան, դառնալով ուսանող, որը տվեց հրաժեշտի խոսքը։ 1986 թվականին նա Դյուկի համալսարանում ստացել է համակարգչային գիտության և տնտեսության բակալավրի աստիճան, իսկ 1987 թվականին Դյուկի համալսարանին կից Ֆուկուայի բիզնեսի դպրոցում ստացել է գործարար վարչարարության մագիստրոսի կոչում։
Դրանից հետո նա սկսել է աշխատել Microsoft ընկերությունում և մասնակցել է ընկերության բազմաթիվ մուլտիմեդիական արտադրանքի մշակման գործում, այդ թվում՝ Publisher, Microsoft Bob, Encarta և Expedia[17]։
1994 թվականին նա ամուսնացել է Բիլ Գեյթսի հետ։ Հարսանեկան արարողությունը տեղի է ունեցել Լանայի կղզում (Հավայան)։ Դրանից հետո նա լքել է Microsoft-ը, որպեսզի կենտրոնանա իր ընտանիքի վրա։ Մելինդան և Բիլ Գեյթսը ունեն երեք երեխա՝ դուստրերը՝ Քեթրին Գեյթսը (1996) և Ֆիբի Ադել Գեյթսը (2002), ինչպես նաև որդին՝ Ռորի Ջոն Գեյթսը (1999)։ Ամուսիններն ապրում են Վաշինգտոն լճի ափին գտնվող մեծ առանձնատանը։
1996-ից մինչև 2003 թվականը Մելինդան եղել է Դյուկի համալսարանի հոգաբարձուների խորհրդի անդամ[18]։ Գեյթսը մասնակցում է Բիլդերբերգի ակումբի համաժողովներին, ինչպես նաև հանդիսանում է Washington Post ընկերության տնօրենների խորհրդի անդամ[19]։ 2006 թվականին նա լքել է Drugstore.com խորհուրդը, որպեսզի ավելի շատ ժամանակ կարողանա հատկացնել Բիլ և Մելինդա Գեյթսեր հիմնադրամին[20]։
2009 թվականի դրությամբ, Մելինդան և Բիլ Գեյթսը հիմնադրամին նվիրաբերել են ավելի քան 24 միլիարդ դոլար[21]։
Մրցանակներ և ճանաչում
2005 թվականի դեկտեմբերին Մելինդա և Բիլ Գեյթսերը Բոնոյի հետ միասին ըստ Time հանդես արժանացան տարվա մարդ տիտղոսին։ 2006 թվականի մայիսի 4-ին Մելինդա և Բիլ Գեյթսերը միջազգային համագործակցության համար ստացան Աստուրիայի արքայադստեր մրցանակ՝ ի նշան աշխարհում իրենց բարեգործությանը[22]։ 2006 թվականի նոյեմբերին Մելինդա և Բիլ Գեյթսերը պարգևատրվեցին «Ացտեկյան արծիվ» շքանշանով՝ ամբողջ աշխարհում առողջապահության և կրթության ոլորտներում իրենց բարեգործական գործունեություն համար, մասնավորապես, Մեքսիկայում և մասնավորապես Un país de lectores ծրագրում։
2006 թվականին Մելինդան զբաղեցրել է 12-րդ տեղը Forbes[23] ամսագրի 100 ամենաազդեցիկ կանանց ցանկում, 2007 թվականին՝ 24-րդ[24], 2008 թվականին՝ 40-րդ[25], 2014 թվականին՝ 3-րդ, 2017 թվականին՝ 3-րդ տեղը[26]։
2015 թվականին պարգևատրվել է Հնդկաստանի քաղաքացիական երրորդ ամենաբարձր Պադմա Բհուշան պարգևով[27][28]։
Ծանոթագրություններ
Արտաքին հղումներ
Վիքիպահեստն ունի նյութեր, որոնք վերաբերում են «Մելինդա Գեյթս» հոդվածին։ |