Մեհմեդ փաշա Սոկոլովիչի կամուրջ

Մեհմեդ փաշա Սոկոլովիչի կամուրջը համարվում է թուրքական մոնումենտալ ճարտարապետության և ինժեներայի գլուխգործոցներից մեկը։ 179,5 մետր երկարությամբ այս կամուրջը համարվում է նշանավոր ճարտարապետ Միմար Սինանի գլխավոր ստեղծագործություններից մեկը։

2007 թվականին այն ներառվել է ՅՈւՆԵՍԿՕ-ի Համաշխարհային ժառանգության օբյեկտների ցանկանում։ ՅՈւՆԵՍԿՕ-ի ամփոփումը՝

Յուրօրինակ շքեղության և մոնումենտալ ազնվականության կառույց։ Որպես ամբողջություն՝ ցույց է տալիս ճարտարապետական ոճի վեհությունն ու շքեղությունը[1] - ՅՈւՆԵՍԿՕ

Վիշեգրադի կամուրջը ստեղծվել է իշխանաց իշխան Մեհմեդ փաշա Սոկոլովիչի հրամանով։ Այն կառույցվել է առևտրի և տարածաշրջանի բարգավաճման նպատակներով։

Շինարարական ընդհանուր աշխատանքները տեղի են ունեցել 1571-ից 1577 թվականներին։ Այն բազմիցս հիմնանորոգվել է։ Կարևոր նորոգումներ են կատարվել 1664, 1875, 1911, 1940 և 1950-52 թվականներին։ Առաջին համաշխարհային պատերազմի տարիներին ոչնչացվել են կամրջի 11 կամարներից 3-ը։ Եվս 5-ը վնասվել են Երկրորդ համաշխարհային պատերազմի ժամանակ^[2]։

Բոլոր կամարները հետագայում վերանորոգվել են։ Բոսնիա և Հերցեգովինայի 1992-1995 թվականների պատերազմի ժամանակ հարյուրավոր բոսնիացիներ սպանվել են կամրջի վրա՝ սերբ զինյալների կողմից։

Թուրքական Միջազգային համագործակցության և զարգացման գործակալությունը տրամադրել է 3,5 մլն եվրո կամրջի վերանորոգման աշխատանքների համար։

• Մոստարի կամուրջ

• Մեհմեդ փաշա Սոկոլովի կամրջի մասին Վիշեգրադի պաշտոնական զբոսաշրջային կազմակերպությունում Արխիվացված 2009-01-24 Wayback Machine
• Վիշեգրադի Մեհմեդ փաշա Սոկոլովիչի կամրջի մասին ՅՈւՆԵՍԿՕ-ի ցանկում

Վիքիպահեստն ունի նյութեր, որոնք վերաբերում են «Մեհմեդ փաշա Սոկոլովիչի կամուրջ» հոդվածին։