 ռուս.՝ Zолушка | |
|---|---|
.jpg) | |
| Երկիր |  Ռուսաստան |
| Ժանր | կինոկատակերգություն և մելոդրամա |
| Հիմք | Մոխրոտ |
| Թվական | 2012 |
| Լեզու | ռուսերեն |
| Ռեժիսոր | Anton Bormatov? |
| Պրոդյուսեր | Ալեքսանդր Ցեկալո և Ռուսլան Սորոկին |
| Դերակատարներ | Քրիստինա Ասմուս, Նիկիտա Եֆրեմով, Արտյոմ Տկաչենկո, Նոնա Գրիշաևա, Յուրի Ստոյանով, Ելիզավետա Բոյարսկայա, Նիկոլայ Բասկով և Սերգեյ Լազարև |
| Օպերատոր | Իլյա Դյոմին |
| Երաժշտություն | Կոնստանտին Մելաձե |
| Կինոընկերություն | Սրեդա (կինոընկերություն), Առաջին ալիք և Ցենտրալ Փարթներշիփ |
| Տևողություն | 100 րոպե |
«Մոխրոտը» (ռուս.՝ «Zолушка»), ռուսական ռոմանտիկական կատակերգություն, որ նկարահանել է ռեժիսոր Անտոն Բորմատովը (լուսագրերում՝ Սերգեյ Իվանով)։ Ֆիլմի սյուժեն Շառլ Պերոյի համանուն հեքիաթի ժամանակակից տարբերակն է։ Կինոնկարն ստեղծվել է «Среда» ընկերության կողմից Ռուսաստանի Առաջին ալիքի աջակցությամբ։ Վարձույթի է հանվել 2012 թվականի փետրվարի 14-ին[1]։ Առաջին ալիքով առաջին անգամ ցուցադրվել է 2013 թվականի հունվարի 2-ին։
Մաշա Կրապիվինան (Քրիստինա Ասմուս) Լիպեցկից մեկնում է Մոսկվա։ Ընդունվելով ինստիտուտ՝ նա որպես աղախին աշխատանքի է անցնում հարուստ ընտանիքի մոտ։ Այնտեղ աղջիկն ստիպված է կատարել տանտիրուհի Լյուդմիլայի (Մարգարիտա Բիչկովա) և նրա երկու դուստրերի՝ Պոլինայի (Ելիզավետա Բոյարսկայա) և Քսենյայի (Աննա Շերլինգ) պահանջները։
Միևնույն ժամանակ աղախինը սիրահարված է երգիչ Ալեքսեյ Կորոլևիչին (Արտյոմ Տկաչենկո)։ Իմանալով այն մասին, որ տանտիրոջ ընտանիքը գնում է փակ երեկույթի, որին մասնակցելու է նաև Ալեքսեյ Կորոլևիչը, Մաշան պատրաստ է անել ամեն ինչ, որպեսզի տեսնի իր կուռքին։ Նրան օգնության է հասնում իր հարազատ մորաքույրը՝ Ագնիա Բորդոն (Նոնա Գրիշաևա), որը «Դեղին PRESS» («Желтый PRESS») հրատարակության գլխավոր խմբագիրն է։ Նա պատրաստ է աղջկան տալ հրավիրատոմս, սակայն դրա փոխարեն վերջինս պետք է կատարի լրագրողական առաջադրանք։
Կամեո
Ռուսաստանում ֆիլմը վարձույթի է հանել «Ցենտրալ Պարտներշիփ» (ռուս.՝ Централ Партнершип) ընկերությունը։ Թողարկումը նվիրվել է Սուրբ Վալենտինի օրվան, և լայն վարձույթուն ֆիլմի առաջին ցուցադրությունները 2012 թվականի փետրվարի 14-ին։ Նախատեսվել է, որ ֆիլմը թողարկվելու է 800 պատճենով 35 մմ և 2D ձևաչափերով[2]։
Նախագծին ինֆորմացիոն աջակցություն են ցուցաբերել Ռուսաստանի Առաջին ալիքը, Ավտոռադիոն, Cosmo.ru պորտալը և StarHit ամսագիրը[2]։
Վարձույթի առաջին շաբաթվա ընթացքում ֆիլմը հավաքել է 64 մլն ռուբլի 647 պատճեններով[3]։ Վարձույթի երկրորդ շաբաթում նրա շահույթը կրճատվել է 44 %-ով և կազմել 36 մլն ռուբլի[4]։
|
