Շրի Լանկայի խոհանոց

Շրի Լանկայի խոհանոցը առանձնանում է շատ կծու ուտեստների առատությամբ։ Շրի Լանկայի խոհանոցի էկզոտիկ առանձնահատկությունը կարելի է բացատրել ժողովուրդների խոհարարական ավանդույթների և նախասիրությունների մեծ ազդեցությամբ, որոնք իրենց նշանակալից հետքը թողեցին նաև կղզու կյանքում։ Բացի մերձավոր Հնդկաստանի խոհանոցից, Շրի Լանկան յուրացրել է նաև արաբների, հոլանդացիների, անգլիացիների, չինացիների, ինչպես նաև այս երկրին ամենամոտ ժողովուրդների խոհարարական ավանդույթները։ Մեծ Բրիտանիայի խոհարարական ավանդույթից Շրի Լանկայի խոհանոցն ընդունեց պուդինգ և կեքս, բանջարեղենային ուտեստներ (կարտոֆիլով, սպանախով) և ձվածեղ։ Սոյայի և այլ legumes- ի բաղադրատոմսերը փոխառվել էին չինական խոհանոցից` միս սև ընդեղենի սոուսով և տարբեր տեսակի արիշտաներ, լապշաներ, հոլանդական խոհանոցից վերցվեց լամբրեյզը (lampreis)` կոլոլակներ կծու բրինձով, իսկ սամբոլն ունի ինդոնեզական արմատներ։

Պուտտու (մալայալամ՝ പുട്ട്, ա.-փենջ.` ਪੁੱਟੂ, սինգ․՝ පිට්ටු, թամիլերեն՝ பிட்டு), հնդկական Կերալա, Թամիլ Նադու, Կառնատակա շրջանների և Շրի Լանկայի ավանդական ուտեստ, որը մատուցվում է նախաճաշին^[1]։ Ուտեստի puttu կամ pittu անվանումը թամիլերենից թարգմանաբար նշանակում է «օրաբաժին»։ Ուտեստն իրենից ներկայացնում է գոլորշիով շոգեխաշված և կոկոսի քերուկով պատված բրնձի գլան։ Պուտտուն հատկապես տարածված է հնդկական Կերալա նահանգում և Շրի Լանկայում․ այն մատուցում են եղեգնի շաքարով, սիսեռային կարիով կամ բանաններով։ Հյուսիսային Կանադայում այն մատուցվում է գհիի^[2], պայայի մսային ապուրի կամ ոչխարի մսից կարիի հետ^[3]։ Կերալում կերակրատեսակը ստացել է ազգայինի կարգավիճակ։

Շրիլանկական բիրյանի

Շրի Լանկայում բիրյանին մուսուլմանների շրջանում առավել տարածված է և մատուցվում է հավի, տավարի կամ ոչխարի մսով։ Այստեղ օգտագործվում են ավելի շատ համեմունքներ, քան հնդկական ուտեստների այլ տարբերակներում։Շրի Լանկայում ամանորյա տորթերի մեջ օգտագործում են մշկընկույզ, դարչին և սև պղպեղ^[4]։

• Особенности национальной кухни Шри-Ланки(ռուս.)
• КУХНЯ ШРИ ЛАНКИ(ռուս.)
• Sri Lanka Cooking(անգլ.)
• Malini’s Kitchen(անգլ.)
• Sri Lanka Food Preparation and Recipes Արխիվացված 2021-05-09 Wayback Machine(անգլ.)