Ուշաք

Ուշաքը գտնվում է Թուրքիայի արևմտյան հատվածում՝ Փոքր Ասիայում, Եգեյան տարածաշրջանում։ Ուշաքից հյուսիս գտնվում է Քյոթահիան, արևելք՝ Աֆիոն-Կարահիսարը, հարավ՝ Դենիզլին, իսկ արևմուտքում՝ Մանիսան^[2][3]։ Ուշաքը գտնվում է լեռնային տարածքում, միայն քաղաքի արևմտյան հատվածն է Գեդիզի հովտում, որը ձգվում է մինչև Եգեյան ծով։ Հարակից լեռները հասնում են 1500-2000 մետր և ավելի բացարձակ բարձրության^[2]։ Բուն քաղաքի բարձրությունը ծովի մակարդակից կազմում է 907 մետր։ Ոչ հեռվում գտնվում են Ֆլավիոպոլիս քաղաքի ավերակները^[4]։

Առաջին բնակիչներն այստեղ հայտնվել են դեռևս մեր թվարկությունից առաջ 2-րդ հազարամյակում՝ Խեթական պետության ժամանակ^[3]։ Բուն քաղաքը հայտնի է մեր թվարկությունից առաջ VII դարից։ Դարերի ընթացքում քաղաքը բազմիցս փոխանցվել է ձեռքից ձեռք և անվանափոխվել։ Այս հողերը պատկանել են լիդիացիներին, պարսիկներին, հռոմեացիներին, բյուզանդացիներին, սելջուկներին, օսմանցիներին։

1912 թվականին այստեղ ապրել են՝

• թուրքեր՝ 70 000
• հույներ՝ 3800
• հայեր՝ 1419^[5]:

1919-1923 թվականներին Թուրքիայի անկախության պատերազմի ժամանակ այս տարածքը մարտերի թատերաբեմ էր^[3]։

Քաղաքը հայտնի է գորգերի արտադրությամբ։ Այստեղ զբաղվում են նաև շաքարի արտադրությամբ, բամբակե և բրդե գործվածքների արտադրությամբ, կաշվի արտադրությամբ^[3][4]։

• Օֆենբախ - Գերմանիա
• Նուր-Սուլթան - Ղազախստան
• Բեսնի - Թուրքիա
• Շառլեռուա - Բելգիա

• Uşak Valiliği
• Uşak Belediyesi

Վիքիպահեստն ունի նյութեր, որոնք վերաբերում են «Ուշաք» հոդվածին։