Ջանեթ Մբուգուա

Ջանեթը ծնվել է 1984 թվականի հունվարի 11-ին, Քենիայի Մոմբասա քաղաքում։ Նա ունի երկվորյակ եղբայր՝ Թիմոթի Մբուգուան^[4]։ Ջանեթը հաճախել է Բրուքհաուս ավագ դպրոցը, այնուհետև՝ Միացյալ Նահանգների միջազգային համալսարան^[5][6]։

Որոշ ժամանակ աշխատելուց հետո նա ընդունվել Է Մալայզիայի Լիմքոքվինգ ստեղծագործական տեխնոլոգիաների համալսարան՝ զանգվածային հաղորդակցության ոլորտում աստիճան ստանալու համար։

Նա ստացել է համաշխարհային Բիզնեսի կառավարման մագիստրոս աստիճան Նայրոբիի Շվեյցարիայի կառավարման ակադեմիայում։

2004 թվականին, 19 տարեկանում, Ջանեթ Մբուգուան սկսել է իր կարիերան «98.4 Capital FM» ռադիոկայանում^[7]։ 2009 թվականին որպես նորությունների հաղորդավար, լրագրող և պրոդյուսեր աշխատանքի է ընդունվել «e.tv» հեռուստաընկերությունում։ Մինչև վերջերս նա լրագրող է աշխատել «Citizen TV»-ում։ 2014 թվականին նա նկարահանվել է «Ռաշ» սիթքոմում^[8], մարմնավորել է «Ռաշ» ամսագրի սեփականատեր և գլխավոր խմբագիր Պենդո Ադամայի դերը^[9]։

2017 թվականի հուլիսին Ջանեթ Մբուգուա սկսել է խորհրդակցել «The Hive» ամերիկյան կազմակերպության հետ, որը ձգտել է մեծացնել գենդերային հավասարության մասին տեղեկատվության տարածումը Քենիայում և աֆրիկյան այլ երկրներում^[10]։

2019 թվականին նա ղեկավարել և վարել է երիտասարդների վրա ազդող սոցիալ-տնտեսական և քաղաքական խնդիրներին նվիրված «Այստեղ և հիմա» հեռուստաշոուն^[11][12]։

Ինուա Դադա կազմակերպության միջոցով նա նպաստել է երիտասարդ կանանց իրավունքներին^[13]։ Կազմակերպությանն աջակցել է Քենիայի առաջին տիկին Մարգարեթ Քենյատան^[14]։ 2021 թվականի հոկտեմբերի 8-ին նա բացել է Ինուա Դադա կենտրոնը Նայրոբիի Կորոգոչո^[15]։ Կենտրոնն ապահովում է տեղեկատվության հասանելիություն և իրազեկում վերարտադրողական առողջության և իրավունքների մասին։

Ջանեթ Մբուգուան ամուսնացած է Էդվարդ Նդիչուի հետ^[16]։ Զույգն ունի երկու որդի՝ Իթան Հուրու Նդիչուն և Մալի Նդիչուն։ 2019 թվականին Ջանեթը թողարկել է իր առաջին գիրքը՝ «Իմ առաջին անգամը»^[17][18]։