Ջոն Վիկտոր Էվանս
Ջոն Վիկտոր Էվանս (անգլ.՝ John Victor Evans, հունվարի 18, 1925, Malad City, Այդահո, ԱՄՆ - հուլիսի 8, 2014[1], Բոյսե, ԱՄՆ[2]), ամերիկացի քաղաքական գործիչ, Այդահոյի 27-րդ նահանգապետ[3][4]։
| Ջոն Վիկտոր Էվանս | |
.jpg) | |
| Կուսակցություն՝ | Դեմոկրատական կուսակցություն |
|---|---|
| Կրթություն՝ | Սթենֆորդի համալսարան |
| Մասնագիտություն՝ | քաղաքական գործիչ |
| Դավանանք | Մորմոններ |
| Ծննդյան օր | հունվարի 18, 1925 |
| Ծննդավայր | Malad City, Այդահո, ԱՄՆ |
| Վախճանի օր | հուլիսի 8, 2014[1] (89 տարեկան) |
| Վախճանի վայր | Բոյսե, ԱՄՆ[2] |
| Քաղաքացիություն |  ԱՄՆ |
Կենսագրություն
Ջոն Վիկտոր Էվանսը ծնվել է 1925 թվականի հունվարի 18-ին Այդահո նահանգի Մալադ քաղաքում[5]։ Կրթություն է ստացել Այդահո նահանգի և Սթենֆորդի համալսարանն։ Երկրորդ համաշխարհային պատերազմի ժամանակ Էվանսը ծառայել է ԱՄՆ բանակի շարքերում։ Կյանքի մեծ մասը անցկացրել է հայրենի Մալադ քաղաքում, որտեղ նաև զբաղվել է գյուղատնտեսությամբ և անասնաբուծությամբ։
Էվանսը պաշտոններ է զբաղեցրել ազգային օրենսդրական կոմիտեում, եղել է Բեր գետի ջրօգտագործման ասոցիացիայի և Օնայդա շրջանի զարգացման, պաշտպանության և պաշարների կոմիտեի նախագահ։
1974 թվականին Էվանսը դարձել է Այդահոյի փոխնահանգապետ։ Երբ 1977 թվականի հունվարի 24-ին գործող նահանգապետ Սեսիլ Դեյլ Էնդրյուսին առաջարկվել էր տեղ զբաղեցնել Արտաքին գործերի նախարարությունում, Էվանսը զբաղեցրել է նրա պաշտոնը։ Նոր պաշտոնում նրա առաջին կարևոր փորձություններից են եղել Այդահոյում տեղի ունեցած մեծ երաշտը, որի տնտեսությունը մեծ մասամբ կախված է գյուղատնտեսությունից։ Էվանսը շարունակում էր զբաղվել շրջակա միջավայրի պաշտպանության հարցերով։ Նրան հաջողվել է հաղթել 1978 և 1982 թվականների ընտրություններում։ Իր նահանգապետության վերջին տարիներին գլխավորում էր արոտավայրերի ղեկավարության և ատոմային էներգետիկայի նահանգապետերի ազգային ասոցիացիայի ենթահանձնաժողովները։
Ջոն Էվանսը ամուսնացած է եղել Լոլե Դենիելսի հետ, որից ունեցել է հինգ երեխա։
Ջոն Վիկտոր Էվանսը մահացել է 2014 թվականի հուլիսի 8-ին, Մալադում, Այդահո։
Ծանոթագրություններ
Գրականություն
- Nancy Capace Encyclopedia of Idaho. — North American Book Dist LLC, 2001. — С. 134. — 415 с. — ISBN 0403096065