Տալիթա Բեյթման

Բնակվում է Հարավային Կալիֆոռնիայում^[2]։ 9 կրտսեր երեխաներից մեկն է և դերասան Գաբրիել Բեյթմանի քույրն է^[2]։

2014 թվականին Բեյթմանը նշանակալի դեր է ունեցել գիտաֆանտաստիկ «Ռոյ» սարսափ ֆիլմում, որտեղ նկարահանվել են նաև Գաբրիել Բասոն, Քեթրին Փրեսքոթը և Ջեյքոբ Զահարը^[3][4]։ Ֆիլմի պրեմիերան կայացել է 2014 թվականի սեպտեմբերի 19-ին «Fantastic Fest»-ում։

2015 թվականին Սքարլեթ Քինքեյդի դերում նկարահանվել է «The CW» հեռուստաընկերության «Հարավային նահանգից Զոյի Հարթը» կատակերգական դրամայում^[5][6]։

Բեյթմանը Քլոյե Գրեյս Մորեցի և Նիք Ռոբինսոնի հետ խաղացել է «Հինգերորդ ալիքը» ֆիլմի գլխավոր դերում^[6][7][8]։ Ռեժիսորը Ջեյ Բլեյքսոնն է։ Պրեմիերան կայացել է 2016 թվականի հունվարի 22-ին «Columbia Pictures»-ում^[9]։

Միևնույն ժամանակ Քևին Սփեյսիի, Ռոբբի Ամելլի, Ջենիֆեր Գարների, Քրիստոֆեր Ուոքենի և Բարրի Զոնենֆելդի հետ նկարահանվել է «9 կյանք» ֆիլմում^[5]։ Ֆիլմի ռեժիսորն է Բարրի Զոնենֆելդը և 2016 թվականի ապրիլի 29-ին տեսավարձույթով ցուցադրել է «EuropaCorp» ընկերությունը^[10]։

Բեյթմանը խաղացել է նաև «So B. It» ֆիլմում, որը Սառա Վիքսի համանուն վեպի էկրանավորումն էր։ Ռեժիսորը Սթիվեն Ջիլենհալն է^[7]։

«HBO» հեռուստացանցի «Mamma Dallas» կատակերգության մշտական դերակատարներից է, նկարահանվում է եղբոր՝ Գաբրիել Բեյթմանի և Ավգուստ Պրյուի հետ^[8]։

2017 թվականին Ջենիսի դերով հանդես է եկել «Աննաբելլի անեծքը։ Չարի ծնունդը» ֆիլմում և խաղացել է «Գեոփոթորիկ» աղետ-ֆիլմ։