Տիգրան Ավինյան

Ծնվել է 1989 թվականի փետրվարի 28-ին Երևանում^[2]։

Կրթություն

• 2005 թվականին ավարտել է Երևանի Ալեքսանդր Պուշկինի անվան թիվ 8 դպրոցը։
• 2009 թվականին ավարտել է Հայ-ռուսական (սլավոնական) համալսարանի կիրառական մաթեմատիկայի ֆակուլտետի բակալավրիատը։
• 2011 թվականին ավարտել է Հայ-ռուսական (սլավոնական) համալսարանի կիրառական մաթեմատիկայի ֆակուլտետի մագիստրատուրան (տնտեսագիտության մեջ մաթեմատիկական մոդելավորման գծով)։
• 2014 թվականին գերազանցությամբ ավարտել է Լոնդոնի Մարիա թագուհու համալսարանը՝ ստանալով ֆինանսների մագիստրոսի կոչում^[2]։

Աշխատանքային գործունեություն

• 2009-2013 թվականներին աշխատել է Զարգացման Հայկական Բանկում որպես բիզնես վարկավորման բաժնի ավագ մասնագետ։
• 2010-2011 թվականներին հիմնադրել և ղեկավարել է ոռոգման համակարգերի տեղադրմամբ և լանդշաֆտային դիզայնով զբաղվող «Իրիգեյթ» ընկերությունը։
• 2014-2016 թվականներին աշխատել է ՇՏԵ ընկերությունում որպես SAP համակարգերի խորհրդատու։
• 2014-2018 թվականներին ղեկավարել է ծրագրային ապահովմամբ զբաղվող «Սայբեր Վիժըն» ընկերությունը։

• 2017-2018 թվականներին եղել է Երևան քաղաքի ավագանու անդամ «ԵԼՔ» կուսակցությունների դաշինք խմբակցությունից։
• 2018 թվականի մայիսի 11-ին նշանակվել է Հայաստանի Հանրապետության փոխվարչապետ^[2]։
• 2019 թվականի հունիսի 16-ին տեղի ունեցած «Քաղաքացիական պայմանագիր» կուսակցության 5-րդ համագումարի ժամանակ ընտրվել է ՔՊ վարչության անդամ^{[4][5][6][7][8][9]}։
• 2022 թվականի սեպտեմբերի 23-ին ընտրվել է Երևանի փոխքաղաքապետ^[10]։
• 2023 թվականին կայացած Երևանի ավագանու ընտրություններում գլխավորել է Քաղաքացիական պայմանագիր կուսակցության նախընտրական ցուցակը։ Կուսակցությունը ընտրություններում ստացել է 32.57% ձայն, և ավագանիում ստացել 24 մանդատ, ձևավորելով ամենամեծ խմբակցությունը։
• 2023 թվականի հոկտեմբերի 10-ին Երևանի նորընտիր ավագանու առաջին նիստում ընտրվել է Երևանի քաղաքապետ։

• 2016 թվականին ՀՀ Պաշտպանության նախարարության կողմից պարգևատրվել է պատվոգրով՝ «ապրիլ և մայիս ամիսներին Հայրենիքի սահմանների պաշտպանությանն ակտիվ մասնակցելու, առաջնագծում մարտական խնդիրները բարեխղճորեն կատարելու համար»^[2]։

Ամուսնացած է, կինը՝ Մարիամ Պահլավունի։ Ունեն երեք դուստր^[2]։