Օլիմպոսի անկումը
«Օլիմպոսի անկումը» (անգլ.՝ Olympus Has Fallen), ռեժիսոր Անտուան Ֆուքուայի մարտաֆիլմը[4]՝ Քեթրին Բենեդիկտի և Քրեյթոնա Ռոթենբերգի սցենարով։ Գլխավոր դերերում հանդես են եկել Ջերարդ Բաթլերը և Աարոն Էկհարտը, գլխավոր ախոյանի կերպարում՝ ծագումով կորեացի Ռիկ Յունը։ ԱՄՆ-ում պրեմիերան կայացավ 2013 թվականի մարտի 22-ին, Ռուսաստանում՝ 2013 թվականի ապրիլի 4-ին[5]։
 անգլ.՝ Olympus Has Fallen | |
|---|---|
 | |
| Երկիր |  ԱՄՆ |
| Ժանր | մարտաֆիլմ, թրիլեր և քաղաքական թրիլեր |
| Թեմա | ահաբեկչություն, Սպիտակ տուն և ԱՄՆ գաղտնի ծառայություն |
| Թվական | 2013, հունիսի 13, 2013[1] և ապրիլի 4, 2013[2] |
| Լեզու | անգլերեն և կորեերեն |
| Ռեժիսոր | Անտուան Ֆուքուա |
| Պրոդյուսեր | Ջերարդ Բաթլեր |
| Սցենարի հեղինակ | Քրեյգթոն Ռոթենբերգեր և Կատրին Բենեդիկտ |
| Դերակատարներ | Ջերարդ Բաթլեր, Աարոն Էքհարթ, Մորգան Ֆրիման, Դիլան Մակդերմոտ, Անջելա Բասեթ, Ռիք Յուն, Էշլի Ջադ, Ռադա Միթչել, Մելիսա Լեո, Քոուլ Հաուզեր, Ռոբերտ Ֆոսթեր և Թորի Քիթլզ |
| Օպերատոր | Քոնրադ Հոլլ |
| Երաժշտություն | Թրևոր Մորիս |
| Մոնտաժ | Ջոն Ռեֆոուա |
| Պատմվածքի վայր | Վաշինգտոն, Կոլումբիայի շրջան և Camp David? |
| Նկարահանման վայր | Շրիվպորտ |
| Կինոընկերություն | Nu Image, Sony Pictures Entertainment և Millennium Films |
| Տևողություն | 120 րոպե |
| Բյուջե | 70 000 000 $[3] |
| Շահույթ | 170 270 201 $[3] |
| Պաշտոնական կայքէջ | |
Ֆիլմի կարգախոսն է՝ «Հարվածը հասցվեց հենց սրտին։ Բայց այն կստիպի նրան բաբախել կրկին»։
Դիպաշար (սյուժե)
Քեմփ Դևիդի նստավայրից դուրս գալիս նախագահական ավտոշարասյունը վթարի է ենթարկվում։ Թիկնապահ Մայք Բենինգը կարողանում է փրկել միայն մեկ ուղևորի և պահպանել նախագահ Բենջամին Էշերի կյանքը։ ԱՄՆ առաջին տիկինը զոհվում է, և Մայքին տեղափոխում են Գանձապետարան գրասենյակային աշխատանքի։
Անցավ 18 ամիս։ Սպիտակ տունը (Գաղտնի ծառայության համար ծածկագիրը «Օլիմպ») ընդունում է պատվիրակություն Հարավային Կորեային, բայց ինչպես պարզվում է, Կորեայի վարչապետի թիկնախմբում հայտնվել են հարավկորեական ահաբեկիչներ՝ Կանգ Յոնսակի ղեկավարությամբ։ Նրանք ներխուժում են պետության ղեկավարի հանգստարանները։ Այս ամենը հնարավոր է դառնում շնորհիվ թիկնազորի ծախու գործակալ Դեյվ Ֆորբսի։ Կորեացիները պատանդ են վերցնում բունկեր իջած ԱՄՆ նախագահին և փոխնախագահին։ Իշխանությունն անցնում է Ներկայացուցիչների պալատի խոսնակ Ալան Թրամբուլին։ Մայք Բենինգը, տեսնելով կատարվածը, շարժվում է դեպի Սպիտակ տուն և իմանալով պահպանական համակարգը՝ ներթափանցում է ներս։ Ազգային անվտանգության խորհուրդը ստիպված է հույսը դնել Բենինգի հաղորդած թանկարժեք տեղեկատվության վրա։ Նախկին գործակալը նախ դուրս է բերում Նախագահի փոքրիկ տղային, բայց նա պետք է շտապի։ Պարզվում է, որ ահաբեկիչները ցանկանում են ակտիվացնել ՑԵՐԲԵՐ ծրագիրը, որը հանկարծակի բացթողման դեպքում նախատեսված է ԱՄՆ միջուկային մարտագլխիկների վերացման համար։ Հրթիռները կպայթեն հենց հորերում և երկրի զգալի մասը կդարձնեն ռադիոակտիվ անապատ։
Ծովային հետևակի փորձերը գրավել շենքը երկնքից ձախողվում են։ Զավթիչները տեր են դարձել Hydra 6 գաղտնիի զենքին, որը մի քանի րոպեների ընթացքում խփում է հատուկ ջոկատի 6 ուղղաթիռներից 5-ը։ Նախագահի պաշտոնակատար Թրամբուլը համաձայնում է Կանգի պայմաններին. հրաման է տալիս հետ կանչել 7-րդ նավատորմը և Հարավային Կորեայում ամերիկյան ռազմաջոկատը, ինչպես նաև տրամադրում է ուղղաթիռ։ Ահաբեկիչները գերիներին դիմակներով նստեցնում են ուղղաթիռ և օդում պայթեցնում։ Բոլորը կարծում են, որ նախագահը զոհվել է, բայց սա միայն շեղող քայլ է։ Կանգը նախագահի հետ փորձում է փախչել Սպիտակ տան տակ գտնվող թունելային համակարգով։ Վերջին պահին բունկեր ներխուժած Բենինգը կանգնեցում է նրան, փրկում նախագահին և դադարեցնում Ցերբերի հետհաշվարկը։
Դերերում
| Դերակատար | Դեր |
|---|---|
| Ջերարդ Բաթլեր[6] | Մայք Բենինգ Գաղտնի ծառայության՝ ժամանակավորապես հեռացված գործակալ |
| Աարոն Էկհարտ[7] | ԱՄՆ նախագահ Բենջամին Էշեր |
| Մորգան Ֆրիման | ԱՄՆ Ներկայացուցիչների պալատի խոսնակ Ալան Թրամբուլ |
| Ռիկ Յուն[8] | Կանգ Յոնսակ, ահաբեկչական խմբավորման ղեկավար |
| Ռոբերտ Ֆոսթեր[9] | ԱՄՆ ցամաքային զորքերի գլխավոր շտաբի պետ գեներալ Էդվարդ Քլեգ |
| Անջելա Բասեթ[10] | Գաղտնի ծառայության տնօրեն Լին Ջեյքոբս |
| Մելիսա Լեո[8] | ԱՄՆ պաշտպանության նախարար Ռութ Մաքմիլան |
| Դիլան Մաքդերմոթ[11] | Գաղտնի ծառայության գործակալ Դեյվ Ֆորբս |
| Ռադա Միթչել[12] | Լիա Բենինգ |
| Քոուլ Հաուզեր[13] | Գաղտնի ծառայության գործակալ Ռոմա |
| Էշլի Ջադ[9] | ԱՄՆ Առաջին տիկին Մարգարեթ Էշեր |
| Ֆինլի Յաքոբսեն | Քոննոր Էշեր ԱՄՆ նախագահի որդի |
| Ֆիլ Օսթին | ԱՄՆ փոխնախագահ Չարլի Ռոդրիգես |
| Մայքլ Դուդիկոֆ | պարոն Սմիթ (դրվագ) |
Ստեղծում
Millennium Films պրոդյուսերական ընկերությունը ֆիլմի սցենարը գնեց 2012 թվականի մարտին։ Գլխավոր դերը ստացավ Ջերարդ Բաթլերը[6]։ Մնացած դերերը բաշխվեցին հունիսից հուլիս ընկած ժամանակահատվածում[7][8][9][10][11][12][13]։
Նկարահանումները սկսվեցին 2012 թվականի հուլիսի 9-ին և անցնում էին Շրիվպորտում, Լուիզիանա[14][15]։
Երաժշտություն
Ֆիլմի երաժշտությունը գրեց երաժիշտ և նվագախմբային երգահան Թրևոր Մորիսը։ Նրա նախկին նախագծերը ներառում էին «Թյուդորներ» և «Բորջիա» հանրահայտ հեռուստասերիալները, որոնք երկուսն էլ «Էմմի» ստացան մուտքային տիտրերի համար գրված լավագույն երաժշտության համար[16]։
Կարծիքներ
Ֆիլմը ստացավ կինոքննադատների և հանդիսատեսների ոչ միանշանակ կարծիքներ։ Rotten Tomatoes կայքում ֆիլմի միջին վարկանիշը կազմում է 10-ից 5,3 բալ[17], Metacritic կայքում՝ 31 կարծիքիների հիման վրա 100 բալից 41 բալ[18]։
IMDb-ում հանդիսատեսների վարկանիշը կազմում է 10-ից 6,5 բալ[19]։ CinemaScore ընկերությունը, որ զբաղվում է շուկայի հետազոտություններով, բացվող շաբաթավերջի ընթացքում կինոթատրոններից դուրս եկող հանդիսականների շրջանում անցկացրել է հարցում։ Կինոդիտողների միջին գնահատականը հինգբալանոց գնահատման սանդղակով «հինգից հանած է»[20]։
Հետաքրքիր փաստեր
- Ֆիլմի աշխատանքային անվանումն է «White House Taken»[5]:
- Առաջին տիկնոջ դերում դիտարկվում էր Ուայնոնա Ռայդերը։
- 2010 թվականին Ջերարդ Բաթլերը դիտարկվում էր ԿՀՎ գործակալ Միթչ Ռեփփի դերի համար Վինս Ֆլինի «Սպանության համաձայնություն» վեպի՝ ներկայումս չեղարկված էկրանավորման մեջ[21]։ Առաջին վեպը, որտեղ երևաց Ռեփփը, «Իշխանության փոխանցում»-ն է, որի դիպաշարը նման է «Օլիմպոսի անկում»-ին. ահաբեկիչները գրավում են Սպիտակ տունը, և Ռեփփը պետք է ավելի շուտ հասնի Նախագահին նրա բունկերում, քան ահաբեկիչները[22]։
Ծանոթագրություններ
Արտաքին հղումներ
 Արտաքին տեսաֆայլեր | |
|---|---|
| | «Օլիմպոսի անկումը», կրկնօրինակված թրեյլեր ՅուԹյուբում |
- «Օլիմպոսի անկումը» ֆիլմը
- «Օլիմպոսի անկումը»(անգլ.) ֆիլմը Internet Movie Database կայքում
- «Օլիմպոսի անկումը»(անգլ.) ֆիլմը Box Office Mojo կայքում
- «Օլիմպոսի անկումը»(անգլ.) ֆիլմը Rotten Tomatoes կայքում
- «Օլիմպոսի անկումը»(անգլ.) ֆիլմը allmovie կայքում:
- Ֆիլմի դիտարկում և քննադատություն Նյու Յորք Թայմս
- Ֆիլմի դիտարկում և քննադատություն Արխիվացված 2015-05-12 Wayback Machine Washington Post
