Millennium (անգլ. թարգմանաբար՝ «Հազարամյակ»), ամերիկյան Backstreet Boys խմբի երրորդ ստուդիական ալբոմը, որ թողարկվել է 1999 թվականին։ Սկավառակը թողարկվել է նորամուտային ալբոմի ամերիկյան ալբոմից և Backstreet's Back երկրորդ միջազգային ալբոմից հետո՝ դառնալով խմբի առաջին ալբոմը, որը թողարկվել է մի տարբերակով և միաժամանակ ամբողջ աշխարհում։ Millennium-ը դարձել է 1999 թվականի աշխարհում ամենաշատ վաճառված ալբոմը՝ 9 445 732 վաճառված օրինակով։ Սկավառակն առաջադրվել է «Գրեմմի» մրցանակի հինգ անվանակարգերում, այդ թվում՝ «Տարվա ալբոմ»։
Ալբոմի մասին
Millennium-ը սահմանել է բազմաթիվ ռեկորդներ՝ դառնալով խմբի՝ ամենամեծ հաջողություն ունեցած ալբոմը։ Միացյալ Նահանգներում ալբոմը դարձել է պլատինե տասներեք անգամ և ստացել ոսկե ու պլատինե կարգավիճակ աշխարհի 45 երկրներում։ Այն ներկայացվել է «Գրեմմի» մրցանակի հինգ անվանակարգերում, այդ թվում՝ «Տարվա ալբոմ» և զբաղեցնում է ութերորդ հորիզոնականն աշխարհի ամենաշատ վաճառվղ ալբոմների ցանկում[1]։ Ամբողջ աշխարհում վաճառվել է ընդհանուր առմամբ ալբոմի ավելի քան 40 մլն օրինակ[2]։
Ալբոմի հաջողություն
Ալբոմի թողարկման օրը՝ 1999 թվականի մայիսի 18-ին, խումբը հյուրընկալվել է MTV Total Request Live հաղորդմանը։ Մոտ 30 հազար երկրպագուներ հավաքվել են Թայմս սքվերում գտնվող ստուդիայի մոտ՝ փակելով ավտոտրանսպորտի երթևեկությունը[3]։ Ալբոմը Billboard 200 հիթ-շքերթում նորամուտը կատարել է առաջին հորիզոնականը և այն զբաղեցրել 10 շաբաթ։ Թողարկումից հետո առաջին շաբաթվա ընթացքում ալբոմը գերազանցել է վաճառքի ռեկորդները (1 134 000 օրինակ)։ Վաճառքի առաջին օրը միայն ԱՄՆ-ում ալբոմը վաճառվել է գրեթե 500 հազար օրինակով՝ դրանով իսկ սահմանելով ռեկորդ[4]։
«Millennium»-ը դարձել է 1999 թվականի ամենավաճառվող ալբոմը՝ վաճառվելով 9 445 732 օրինակով։ Ալբոմն ստացել է Գրեմմի մրցանակի 5 անվանակարգում, այդ թվում՝ «Տարվա ալբոմ»։ Այն գերիշխել է համաշխարհային չարթերում՝ առաջին տեղում հայտնվելով Ավստրիայում, Բելգիայում, Դանիայում, Գերմանիայում, Հունաստանում, Հոնկոնգում, Հոլանդիայում, Հնդկաստանում, Ինդոնեզիայում, Իսլանդիայում, Իսպանիայում, Իտալիայում, Կանադայում, Կորեայում, Մալայզիայում, Մեքսիկայում, Նոր Զելանդիայում, Նորվեգիայում, Պորտուգալիայում, Սինգապուրում, Թայվանում, Թաիլանդում, Ֆիլիպիններում, Շվեյցարիայում և Շվեդիայում։
Երգացանկ
Հեղինակ(ներ) |
1. | «Larger than life» | Մաքս Մարտին, Քրիստիան Լունդին, Բրայան Լիթրել | 3:52 |
2. | «I want it that way» | Անդրեաս Կարլսոն, Մաքս Մարտին | 3:33 |
3. | «Show me the meaning of being lonely» | Մաքս Մարտին, Հերբերտ Քրիչլոու | 3:54 |
4. | «It's gotta be you» | Մաքս Մարտին, Ռոբերտ Ջոն Լանժ | 2:56 |
5. | «I need you tonight» | Էնդրյու Ֆրոմ | 4:23 |
6. | «Don’t want you back» | Մաքս Մարտին | 3:25 |
7. | «Don’t wanna lose you now» | Մաքս Մարտին | 3:54 |
8. | «The one» | Մաքս Մարտին, Բրայան Լիթրել | 3:46 |
9. | «Back to your heart» | Գերի Բեյքեր, Ջեյսոն Բլյում, Քևին Ռիչարդսոն | 4:21 |
10. | «Spanish eyes» | Էնդրյու Ֆրոմ, Սենդի Լիցեր | 3:53 |
11. | «No one else comes close» | Գերի Բեյքեր, Ժոզեֆ Թոմաս, Ուեյն Փերրի | 3:42 |
12. | «The perfect fan» | Բրայան Լիթրելլ, Ժոզեֆ Թոմաս | 4:13 |
Հիթ-շքերթներ
Շաբաթական հիթ-շքերթներ | Տարեկան հիթ-շքերթներՏասնամյակի հիթ-շքերթներ |
Հավաստագրեր
Նշումներ
Ծանոթագրություններ