Moves like Jagger
«Moves like Jagger», ամերիկյան Maroon 5 փոփ ռոք խմբի երգն է, համագործակցությամբ ամերիկացի երգչուհի Քրիստինա Ագիլերայի հետ։ Այն թողարկվել է 2011 թվականի հունիսի 21-ին A&M Octone Records լեյբլի կողմից՝ որպես Maroon 5-ի «Hands All Over» անվանումը կրող երրորդ ստուդիական ալբոմի չորրորդ սինգլ։ Երգը գրվել է Ադամ Լևինի, Բենի Բլանկոյի, Ամեր Մալիկի և Shellback-ի կողմից։
| «Moves like Jagger» | |||||
|---|---|---|---|---|---|
 | |||||
| Maroon 5-ի և Քրիստինա Ագիլերայի սինգլը | |||||
| «Hands All Over» ալբոմից | |||||
| Թողարկված | Հունիսի 21, 2011 | ||||
| Ֆորմատ | CD սինգլ, թվային ներբեռնում | ||||
| Ձայնագրված | 2011 | ||||
| Ժանր | Դանս-փոփ, էլեկտրոփոփ | ||||
| Տևողություն | 3:21 | ||||
| Լեյբլ | A&M Octone Records | ||||
| Պրոդյուսեր | Shellback, Բենի Բլանկո | ||||
| Maroon 5-ի սինգլների ժամանակագրություն | |||||
| |||||
| Քրիստինա Ագիլերայի սինգլների ժամանակագրություն | |||||
| |||||
Երգը հիմնականում դրական արձագանքներ է ստացել երաժշտական քննադատների կողմից, ովքեր բարձր են գնահատել երգի կրկներգը։ Երգը գլխավորել է մի շարք երկրների ազգային հիթ շքերթներ, այդ թվում ամերիկյան հայտնի Billboard Hot 100-ը։ 2014 թվականի դրությամբ երգը վաճառվել է ավելի քան 15 միլիոն օրինակով ամբողջ աշխարհում և համարվում է բոլոր ժամանակների ամենավաճառված սինգլներից մեկը։
Երգի տեսահոլովակը նկարահանվել է 2011 թվականի հուլիսին և ներկայացվել է օգոստոսին։ Տեսահոլովակի ռեժիսորն է Յունաս Օկերլունդը։ Երգը առաջին անգամ կատարվել է The Voice նախագծի շրջանակներում 2011 թվականի հունիսին։ 2012 թվականին երգը առաջադրվել է Գրեմմի մրցանակաբաշխության «Խմբի/դուետի լավագույն փոփ կատարում» անվանակարգում, սակայն չի հաղթել։
Նախապատմություն
«Moves like Jagger» երգը գրել են Ադամ Լևինը, Բենի Բլանկոն, Ամեր Մալիկը և Shellback-ը[1]։ Երգը այն մասին է, թե ինչպես է կատարողը (տվյալ դեպքում Լևինը) փորձում տպավորություն թողնել իր սիրած աղջկա վրա՝ կատարելով անգլիական The Rolling Stones ռոք խմբի վոկալիստ Միք Ջագգերի պարային շարժումները։ Երգի ձայնագրման աշխատանքները կայացել են Լոս Անջելեսում 2011 թվականի մայիսին։ «Moves like Jagger»-ը դանս փոփ և էլեկտրոփոփ ժանրերի երգ է[2][3][4], սակայն նաև ներառում է դիսկո, փոփ, ռոք և սոուլ ժանրերի էլեմենտներ[5]։ Billboard-ի հետ զրույցում Ադամ Լևինը նշում է.
 | Դա այն երգերից մեկն էր, որը միանշանակ ռիսկային էր՝ դա համարձակ հայտարարություն է։ Մենք իսկապես երբեք այդպիսի երգ չէինք թողարկել։ Բայց հետաքրքիր է անել ինչ-որ բան այլ, ինչ-որ բան նոր։ Ես պարզապես ուրախ եմ, որ բոլորը հավանում են այն։ |  |
Քննադատների արձագանքներ
Երգը հիմնականում դրական արձագանքներ է ստացել երաժշտական քննադատների կողմից։ About.com կայքի լրագրող Բիլ Լեմբը երգին տվել է չորս ու կես աստղ հինգ աստղից։ Բիլը, երգին անվանելով «բացառիկ ամառային երգ», նաև նշում է որ այն թեթև, պարային և մեքենայի մեջ հիանալի լսվող երգ է[6]։ Pop Crush-ի Սքոթ Շելթերը երգին նույնպես տվել է հինգ աստղից չորս ու կես աստղ։ Նա երգը անվանել է «պարային և զվարճալի», և իր հոդվածում գրում է. «Երգը կարող էր նույնիսկ հիանալի լինել առանց Ագիլերայի, բայց նրա կրակոտ մասնակցությունը այն շատ ավելի լավ է դարձնում»[7]։
Անվանելով երգը 2011-ի ամառվա երգի թեկնածու՝ MTV Newsroom-ի Ջեյմս Դինհը գրում է. «Ադամ Լևինը և Քրիստինա Ագիլերան NBC-ի The Voice-ի իրենց ընկերական մրցակցությունը ձայնագրման ստուդիայում դարձրել են ինչ-որ հատուկ մթնոլորտի»[8]։
Տեսահոլովակ
Նախապատմություն և թողարկում
Երգի տեսահոլովակը, որի ռեժիսորն է Յոնաս Ակերլանդը, նկարահանվել է Լոս Անջելեսի թատրոնում 2011 թվականի հուլիսի 8-ին[9][10]։ Ակերլանդը 2007 թվականին նաև եղել է խմբի «Wake Up Call» երգի տեսահոլովակի ռեժիսորը[11]։ Հուլիսի 9-ին Ագիլերան իր Թվիթթերի էջում հրապարակեց լուսանկար տեսահոլովակի նկարահանումներից, և գրեց․ «Միշտ հրաշալի է տեսնել Յոնաս Ակերլանդին։ Նա ստեղծել է հիանալի զգացում երգի համար։ Սպասեք զվարճալի տեսահոլովակի»[12]։ Դրան հաջորդող մի քանի օրերին համացանցում տեղադրվեցին նկարահանման ընթացքի մյուս լուսանկարները[13]։ Տեսահոլովակում Միք Ջագերը հայտնվում է իր արխիվային տեսանյութերից մեկի միջոցով[14]։ MTV News-ին տված հարցազրույցում Ադամ Լևինը ասել է, որ այս տեսահոլովակով ցանկացել են ցույց տալ թե «ինչքան հրաշալի» երաժիշտ է Ջագերը, քանի որ ըստ Լևինի՝ ոչ բոլորն են ծանոթ նրա երաժշտությանը, հատկապես՝ նոր սերնդի մարդիկ[14]։ Տեսահոլովակը ներկայացվել է օգոստոսի 8-ին[14]։ Այն մինչև այժմ ՅուԹյուբում 300 միլիոնից ավել դիտում է հավաքել[15]։
Սյուժե
Տեսահոլովակը սկսվում է թատրոնի սև-սպիտակ կադրերով, որտեղ մարդիկ միացնում են լույսերը, դիմահարդարվում են և ընտրում հագուստներ։ Այնուհետև ցուցադրվում է Ջագերի երիտասարդ տարիքում տված հարցազրույցներից մի հատված, որտեղ նրան հարց է ուղղվում թե մինչև երբ է պատրաստվում երաժշտությամբ զբաղվել, որին Ջագերը պատասխանում է այս կերպ․ «Չգիտեմ։ Ես երբեք չեմ մտածել, որ նույնիսկ դա կանեի երկու տարուց էլ ավելի շատ»։ Maroon 5-ի վոկալիստ Լևինը կադրում հայտնվում է առանց վերնաշապիկի և մարմնի վրա բազմաթիվ դաջվածքներով։ Տեսահոլովակի ամբողջ ընթացքում նա կրում է ռետրո ոճի կիպ սև տաբատ։ Երբ Ագիլերան հայտնվում է կարդում, նա սև լայնեզր գլխարկով ու հաստ թարթչաներկով է։ Տեսահոլովակի վերջին մասում Լևինն ու Ագիլերան կանգնած են ամերիկյան դրոշի առջև և կատարում են կրկներգը։ Տեսահոլովակը ընդհանուր այն մասին է, թե ինչպես են մարդիկ փորձում կատարել Ջագերի պարային շարժումները[14]։
Կենդանի կատարումներ
«Moves like Jagger»-ը առաջին անգամ կենդանի կատարվել է 2011 թվականի հունիսի 21-ին ամերիկյան The Voice տաղանդների նախագծում, որտեղ Քրիտինան և Ադամը ընդգրկված էին նաև ժյուրիի կազմում։ Maroon 5-ը առանց Քրիստինայի երգը կատարել է Ամերիկան ունի տաղանդներ նախագծի ընթացքում օգոստոսի 3-ին, 2011[16]։ Երգը կատարվել է նաև Ֆուտբոլի ազգային լիգայի 2011-ի նախնական շոուից առաջ սեպտեմբերի 8-ին, 2011[17]։ Նույն ամսում խումբը Քրիստինայի հետ երգը կատարել է նաև Էլեն Դեջեներեսի շոու հեռուստահաղորդման ժամանակ, այնուհետև նոյեմբերի 5-ին Saturday Night Live-ում և նոյեմբերի 20-ին Ամերիկյան երաժշտական մրցանակաբաշխության ժամանակ։ Նոյեմբերի 30-ին Maroon 5-ը առանց Քրիստինայի երգը կատարել է Վիկտորիա Սիքրեթ 2011 նորաձևության շոուի ժամանակ։
Մրցանակներ և առաջադրումներ
| Տարի | Մրցանակաբաշխություն | Անվանակարգ | Արդյունք |
|---|---|---|---|
| 2012 | People's Choice Awards | Տարվա սիրված երգ | Առաջադրված |
| Billboard Music Awards | Թոփ 100 երգ | Առաջադրված | |
| Թոփ սթրիմ երգ | Առաջադրված | ||
| Թոփ թվային երգ | Առաջադրված | ||
| Թոփ փոփ երգ | Առաջադրված | ||
| Gaon Chart K-Pop Awards | Տարվա միջազգային երգ | Հաղթանակ | |
| Grammy Awards | Դուետի/խմբի լավագույն փոփ կատարում | Առաջադրված | |
| MTV Video Music Awards Japan | Լավագույն խմբի տեսահոլովակ | Առաջադրված | |
| Լավագույն համագործակցություն | Առաջադրված | ||
| MuchMusic Video Awards | Տարվա միջազգային տեսահոլովակ - Խումբ | Առաջադրված | |
| Myx Music Awards | Սիրված միջազգային տեսահոլովակ | Առաջադրված | |
| Premios 40 Principales | Լավագույն միջազգային երգ | Առաջադրված | |
| Teen Choice Awards | Երաժշտական ընտրություն։ Խմբի սինգլ | Առաջադրված |
Ստեղծագործական անձնակազմ
- Վոկալ - Ադամ Լևին, Քրիստինա Ագիլերա
- Պրոդյուսերներ - Shellback, Բենի Բլանկո
- Կիթառ - Ջեյմս Վալենթայն
- Ստեղնաշարային գործիքներ - Ջեսսի Կարմայքլ
- Բաս կիթառ - Միքի Մեդեն
- Հարվածային գործիքներ - Մեթ Ֆլին
Երգացանկ
- Թվային ներբեռնում
- «Moves Like Jagger» – 3։21
- Գերմանական CD սինգլ
- «Moves Like Jagger» – 3։21
- «Moves Like Jagger» (Soul Seekerz Radio Edit) – 3։25
Հիթ-շքերթ
Շաբաթական հիթ-շքերթներIllegal chart entered CIS|1Illegal chart entered Russia|1Illegal chart entered Ukraine|10
| Տարեկան հիթ-շքերթներ
Տասնամյակի հիթ-շքերթներ
All-time charts
|
.svg){kind=small}
.svg){kind=small}
Հավաստագրեր
| Տարածաշրջան | Հավաստագրում | Վաճառք |
|---|---|---|
| Ավստրալիա (ARIA)[110] | 11× Platinum | 770 000^ |
| Բելգիա (BEA)[111] | Platinum | 30 000* |
| Կանադա (Music Canada)[112] | Diamond | 800 000^ |
| Դանիա (IFPI Denmark)[113] | 2× Platinum | 60 000^ |
| Դանիա (IFPI Denmark)[114] Streaming | 2× Platinum | 60 000^ |
| Ֆինլանդիա (Musiikkituottajat)[115] | Platinum | 10,022[115] |
| Գերմանիա (BVMI)[116] | 3× Gold | 450 000^ |
| Իտալիա (FIMI)[117] | 2× Platinum | 60 000* |
| Ճապոնիա (RIAJ)[118] PC download | Gold | 100 000^ |
| Նոր Զելանդիա (RIANZ)[119] | 3× Platinum | 45 000* |
| Իսպանիա (PROMUSICAE)[120] | Platinum | 40 000^ |
| Շվեդիա (GLF)[121] | 5× Platinum | 200 000x |
| Շվեյցարիա (IFPI Switzerland)[122] | Platinum | 30 000x |
| Մեծ Բրիտանիա (BPI)[123] | 3× Platinum | 1,900,000[124] |
| ԱՄՆ (RIAA)[125] | 9× Platinum | 9 000 000^ |
*Վաճառքի վերաբերյալ տվյալները հիմնված են միայն հավաստագրումների վրա։ | ||
Թողարկման ժամանակագրություն
| Երկիր | Ամսաթիվ | Ձևաչափ |
|---|---|---|
| Կանադա[126] | 21 հունիսի, 2011 | թվային ներբեռնում |
| Միացյալ Նահանգներ[127] | ||
| Ավստրալիա[128] | 22 հունիսի, 2011 | |
| Դանիա[129] | ||
| Ֆրանսիա[130] | ||
| Նիդերլանդներ[131] | ||
| Նոր Զելանդիա[132] | ||
| Շվեդիա[133] | ||
| Մեծ Բրիտանիա[134] | 14 օգոստոսի, 2011 | |
| Գերմանիա[135] | 26 օգոստոսի, 2011 | CD սինգլ |