Մենդեսն ալբոմի վրա աշխատել է Ռայան Թեդերի, Ջուլիա Մայքլզի, Ջոն Մեյերի, Էդ Շիրանի, Ջոնի Մաքդեյդի, Կամիլա Կաբելոյի և Քալիդի հետ։ Մենդեսը ալբոմի գործադիր պրոդյուսերն է, պրոդյուսերներ են նաև Թեդերը, Լյուիս Բելլը, Յան Կիրպատրիկը և այլք։ Ալբոմն հիմնականում դրական գնահատականների է արժանացել քննադատների կողմից, նրանցից շատերը բարձր են գնահատել երգչի հասունությունն և նոր երաժշտական ուղղությունը։
Կանադայում ալբոմը դեբյուտ է կատարել առաջին հորիզոնականում, դառնալով Մենդեսի երրորդ համար մեկ ալբոմը իր հայրենիքում։ Այն նաև գլխավորել է ամերիկյան Billboard 200 չարթը։ Սա երգչի երրորդ համար մեկ ալբոմն է ԱՄՆ-ում, ինչը դարձնում է նրան երրորդ ամենաերիտասարդ արտիստը, որը երրորդ անգամ գլխավորում է չարթը։ Ալբոմը նաև գլխավորել է Ավստրալիայի, Ավստրիայի, Բելգիայի, Նիդերլանդների, Իսպանիայի և Շվեյցարիայի չարթերը։ Սա նրա երկրորդ ալբոմն է, որը դեբյուտ է կատարել բրիտանական չարթի թոփ 3-ում։
Ալբոմի գլխավոր` «In My Blood» սինգլը թողարկվել է 2018 թվականի մարտի 22-ին։ Այն զբաղեցրել է Billboard Hot 100 չարթի 11-րդ հորիզոնականը, ինչպես նաև մի քանի այլ երկրների թոփ 10-ը։ Երկրորդ` «Lost in Japan» սինգլը թողարկվել է հաջորդ օրը։ Մայիսին թողարկվել են «Youth», «Where Were You in the Morning?» և «Nervous» սինգլները։ «In My Blood», «Lost in Japan» և «Youth» երգերը Կանադայում ոսկե են հավաստագրվել։ Ալբոմը առաջադրվել է «Գրեմմի» 61-րդ մրցանակաբաշխության «Լավագույն փոփ վոկալային ալբոմ անվանակարգում, իսկ «In My Blood երգը առաջադրվել է «Տարվա երգ» անվանակարգում։
2019 թվականի հուլիսի 26-ին թողարկվել է ալբոմի դելյուքս տարբերակը, որտեղ ներառված են Մենդեսի` «If I Can't Have You» երգը և Billboard Hot 100 չարթը գլխավորած «Señorita» դուետ երգը` ամերիկա-կուբացի երգչուհի Կամիլա Կաբելոյի մասնակցությամբ։
*Վաճառքի վերաբերյալ տվյալները հիմնված են միայն հավաստագրումների վրա։ ^Տվյալները հիմնված են միայն հավաստագրումների վրա։ xՉճշտված տվյալները հիմնված են միայն հավաստագրումների վրա։
Թողարկման ամսաթիվ
Տարածաշրջանների, թողարկման ամսաթվերի, ձևաչափերի, հրատարակությունների, լեյբլների և ծանոթագրությունների ցանկ