Windows 2000
Windows 2000-ը (նաև կոչվում է Win2k, W2k կամ Windows NT 5.0) Microsoft-ի Windows NT օպերացիոն համակարգերի ընտանիքն է, որը նախատեսված է 32-բիթանոց պրոցեսորներով համակարգիչների վրա աշխատելու համար։
 | |
|---|---|
| Տեսակ | ՕՀ և վկայագրված ծրագրային ապահովում |
| Ստեղծող | Microsoft |
| Ընտանիք | Windows NT |
| Հիմք են ծառայել | Windows NT 4.0 |
| Առաջին թողարկում | Փետրվարի 17, 2000[1] |
| Վերջին տարբերակ | SP4 Update Rollup v2 (սեպտեմբերի 13, 2005)[2] |
| Փաթեթեների կառավարիչ | x86, DEC Alpha, MIPS և PowerPC |
| Առկա է | բազմալեզու |
| Միջուկի տեսակ | միաձույլ միջուկ |
| Արտոնագիր | EULA |
| Զարգացման կարգավիճակ | Հիմնական աջակցություն ավարտվել է 2005թ. հունիսի 30-ին Ընդլայնված աջակցություն ավարտվել է 2010 թվականի հուլիսի 13-ին |
| Նախորդ | Windows NT 4.0 |
| Հաջորդ | Windows XP և Windows Server 2003 |
| Անվանված է | Windows և 2000 |
| Կայք | Արխիվ (2009 թ.) |
 Microsoft Windows 2000 Վիքիպահեստում | |
Պատմություն
Համակարգի առաջին հրապարակային բետա տարբերակը թողարկվել է 1997 թվականի սեպտեմբերի 23-ին Պրոֆեսիոնալ ծրագրավորողների կոնֆերանսում[3][4]։ Համակարգն ի սկզբանե կոչվում էր Windows NT 5.0, քանի որ այն Windows NT-ի հաջորդ հիմնական տարբերակն էր Windows NT 4.0-ից հետո։ Սակայն 1998 թվականի հոկտեմբերի 27-ին այն ստացավ իր սեփական անունը Windows 2000[5]։ Համակարգի վերջնական տարբերակը լայն հանրությանը թողարկվեց 2000 թվականի փետրվարի 17-ին[6]։
Այնուհետև Windows 2000-ը փոխարինվեց Windows XP (հաճախորդի կողմից) և Windows Server 2003 (սերվերի կողմից) օպերացիոն համակարգերով։ 2005 թվականի դրությամբ Windows 2000-ը շարունակում է հանրաճանաչ լինել, հատկապես խոշոր ընկերություններում, որտեղ մեծ թվով համակարգիչների վրա օպերացիոն համակարգերի թարմացումը կապված է լուրջ տեխնիկական և ֆինանսական դժվարությունների հետ։ Համաձայն Assetmetrix-ի ուսումնասիրության՝ 2005 թվականի սկզբին Windows 2000-ը կազմում էր Windows Workstation օպերացիոն համակարգերի ավելի քան 50%-ը ավելի քան 250 համակարգիչ ունեցող ընկերություններում։ Միևնույն ժամանակ, 250-ից պակաս համակարգիչ ունեցող ընկերություններում Windows XP-ն ավելի տարածված է։
Microsoft-ը դադարեցրեց Windows 2000 օպերացիոն համակարգի հիմնական աջակցությունը 2005 թվականի հունիսի 30-ին և ընդլայնեց աջակցությունը 2010 թվականի հուլիսի 13-ին[7]։
Համակարգի պահանջները
| Նվազագույնը | Առաջարկվող | |
|---|---|---|
| ԿՀՄ (Պրոցեսոր) | 133 ՄՀց | 300 ՄՀց կամ ավելի (Windows 2000-ը կարող է աշխատել առավելագույնը երկմիջուկ պրոցեսորներ[8]) |
| ՕՀ (Օպերատիվ հիշողություն) | 32 ՄԲ | 64 ՄԲ կամ ավելի (թույլատրելի առավելագույնը 4 ԳԲ, գործնականում 3,25 ԳԲ, քանի որ Windows 2000-ը չի աջակցում PAE) |
| Կոշտ սկավառակ | 2 ԳԲ | 5 ԳԲ կամ ավելի (Windows 2000-ը չի աջակցում 137 ԳԲ կամ ավելի կոշտ սկավառակների, խնդիրը լուծվում է բաշխման մեջ ինտեգրելով ոչ պաշտոնական կարկատելը) |
| Շարժական սկավառակակիր | CD-ROM | CD-ROM կամ DVD-ROM |