Banko ti Panagparang-ay ti Asia
Ti Banko ti Panagparang-ay ti Asia (Asian Development Bank - ADB) ket ti banko ti rehional a panagparang-ay a nabangon idi 19 Disiembre 1966[1] a naikuartel idiay Ortigas Center a mabirukan idiay Mandaluyong, Metro Manila, Filipinas, ken mangitalinaay kadagiti 31 nga opisina iti likmut iti lubong,[2] tapno mangital-o ti sosial ken panagdur-as ti ekonomia idiay Asia. Ti banko ket mangala kadagiti miembro ti Komision ti Ekonomia ken Sosial ti Nagkaykaysa a Pagpagilian para iti Asia ken ti Pasipiko (UNESCAP, dati a ti Komision ti Ekonomia para iti Asia ken ti Adayo a Daya) ken dagiti saan a rehional a narang-ay a pagilian.[3] Manipud kadagiti 31 a miembero iti patakderna, ti ADB ket addaan itan kadagiti 67 a miembero 48 akadagitoy ket manipud iti kaunegan ti Asia ken ti Pasipiko ken 19 iti ruar. Ti ADB ket asideg idi a naimodelo iti Banko ti Lubong, ken addaan iti maipada a dagsen ti sistema ti panagbutos a dagiti butos ket naiwarwarasda iti proporsion dagiti pundo a suskrision dagiti miembro. Ti ADB ket agipablaak iti maysa a tinawen a reporta a mangpukpok kadagiti operasionna, busbos ken dagiti dadduma a material mairepaso babaen ti publiko.[4]
Idi gibus ti 2014, ti Hapon ti agtengtengngel iti kaaduan a populasion kadagiti bingay iti 15.7%. Ti Estados Unidos ket agtengngel iti 15.6%, ti Tsina ket agtengngel iti 6.5%, ti India ket agtengngel iti 6.4%, ken ti Australia ket agtengngel iti 5.8%.[5]
Dagiti nagibasaran
Dagiti akinruar a silpo
Dagiti midia a mainaig iti Banko ti Panagparang-ay ti Asia iti Wikimedia Commons