Mansanas
Ti mansanas (manipud iti Espaniol: Manzana) ket isu ti pomo a bunga ti kayo ti mansanas, iti sebbangan ti Malus domestica iti rosas a pamilia (Rosaceae). Daytoy ket maysa kadagiti kaaduan a naimuyongan nga agbungbunga a kayo, ken ti kaaduan nga ammo iti ania man a kamkameng iti henero ti Malus nga inus-usar babaen ti tattao. Dagiti mansanas ket dumakkelda kadagiti bassit nga agtintinnag iti bulong a kaykayo. Daytoy a kayo ket nagtaud manipud diay Tengnga nga Asia, nga idiay ket mabirukan pay laeng dagiti naatap a tinaudanna a Malus sieversii. Dagiti mansanas ket naimuyonganen kadagiti napalabas a rinibu a tawen idiay Asia ken Europa, ken naisangpet idiay Amianan nga Amerika babaen dagiti kolonista a Europeano. Dagiti mansanas ket adda idin kadagiti mitolohia ken dagiti relihion kadagiti adu a kultura, a mairaman ti Nordika, Griego ken dagiti Kristiano a tradision. Idi 2010, ti henoma a bunga ket naala ti kodigona, nakaiturongan daytoy ti baro a pannakaawat dagiti panagtengngel ti sakit ken ti panagpili ti panagmula iti panagpataud ti mansanas.
| Mansanas | |
|---|---|
 | |
| Bunga | |
 | |
| Sabsabong | |
Taksonomia  | |
| Pagarian: | Plantae |
| Klado: | Tracheophytes |
| Klado: | Angiospermae |
| Klado: | Eudicotidae |
| Klado: | Rosids |
| Urnos: | Rosales |
| Pamilia: | Rosaceae |
| Henero: | Malus |
| Sebbangan: | M. pumila |
| Dua a nagan | |
| Malus pumila Miller, 1768 | |
| Kapada a nagan[1][2] | |
| |
Adda dagiti ad-adu ngem 7,500 nga ammo a kultibar dagiti mansanas, nagbanagan daytoy kadagiti adu a sakop ti kinaynayat a pakailasinan. Dagiti nadumaduma a kultibar ket naar-aramid para kadagiti nadumaduma a raman ket panagusar, mairaman daytoy iti panagluto, nasadiwa a pannangan ken panagpataud iti cider.
Dagiti nagibasaran
Dagiti akinruar a silpo
Dagiti midia a mainaig iti Mansanas iti Wikimedia Commons