Us der alemannische Wikipedia, der freie Dialäkt-Enzyklopedy
Dr James Brown (äigetlig James Joseph Brown, Jr., * 3. Mai1933 in dr Nööchi vo Barnwell, South Carolina; † 25. Dezämber2006 z Atlanta, Georgia) isch en amerikanische Musiker gsi. Er het chönne Orgle spiile, Klavier, Gitarre und Schläägzüüg. Er isch aber fast nume as Sänger und Dänzer ufdräte. Er isch drzue au Bändliider und Muusigbroduzänt gsi. Er isch im Rhythm and Blues und Soul in de 1950er und 1960er Joor e Figuur gsi, wo uusegstande isch. Er het riisige Iifluss uf s Entstoo vom e nöije Stil vom Soul, vom Funk ghaa, und isch dorum äine vo de bedütendste Pop-Musiker im 20. Joorhundert.
1965 häi The Who d Songs „Please Please Please“, „I Don’t Mind“ und „Shout and Shimmy“ gsunge und häi sä uf iirem Debütalbum uusegee und uf B-Site als Hard-Rock-Wersion.
Dr James Brown hette in de bäide Film vo de Blues Brothers e wichdige Ufdritt as Reverend Cleophus James us Little Rock. Die häi em zum ene Comeback verholfe.
Au im Spiilfilm Rocky IV – Der Kampf des Jahrhunderts drätet er uf.
Er het under anderem Gastufdritt in Miami Vice gha, z. B. in dr Folg 4/1987 Verlorene Zeit / Wie ein Orkan, won er d Rolle vom Lou de Long gspiilt het.
Im Dokumentarfilm When we were kings über e Boxkampf Rumble in the Jungle, wo im Herbst 1974 z Kinshasa, Zaire, veraastaltet worden isch, het s Konzärtufnaame vom James Brown. (Reschii: Leon Gast, het 1997 dr Oscar für e best Dokumentarfilm überchoo)
Mr. Brown. Dokumentazion, Frankriich, 2008, 57 Min., Buech: Philippe Manoeuvre, Reschii: Philip Priestley, Brodukzion: ARTE France, Morgan Group, Inhaltsaagoob (Site cha nüme abgrüeft wärde; Suche im Webarchiv)[1][2]Vorlage:Toter Link/www.arte.tv vo arte
James Brown - Body Heat. Konzärtmitschnitt, USA, 1991, 60 Min., Reschii: Alan Douglas, Inhaltsaagoob (Site cha nüme abgrüeft wärde; Suche im Webarchiv)[3][4]Vorlage:Toter Link/www.arte.tv vo arte − Konzärt z Monterey, Kalifornie im Januar 1979
Im Film The Tuxedo – Gefahr im Anzug spiilt er sich sälber.
In dr Komödie The New Guy (2002), chöme Usschnitt us Archivufnaame vom James Brown vor.
Dr James Brown spiilt sich sälber in Beat the Devil, eme Churzfilm us dr BMW Wärbigsfilmräije The Hire.